入S位後點分配時間?比下意見.....急

露翼爸爸

是不是入了S位仍要跟小朋友上言語治療及感覺統合課?
我同老婆都要返工,點搞?又無請工人....
唔該教下路

:cry:

four44

輪流拎半天大假! 言語治療8堂 感覺統合課都唔方多!

hinhinmummy

每間學校的安排都吾同, 但點都好, 最重要係做home training, 如果真係無人手去上堂, 就勤d打電話比老師/治療師, 了解小朋友的情況, 再看功課紙, 無home勤做training

有d活動, 就一定要有家長(成人陪)去, 好似攀石, 田徑呢d, 但呢d呢我個仔果間學校就吾多, 都係講緊每樣一個月一次

reginang

我就同主任要求盡量安排早上,逢一/三/五都有,最遲果組開10.35-11.05am,趕到返公司都係11.30am,去到就去,有見d家長都去吾到架,吾好比壓力自已,靠係家做多d

露翼爸爸

多謝晒大家意見.
男人老九要面對一個孩子的"學業"好似唔多慣,老婆晚晚加班,叫佢唔好做又唔得,因我無本事,佢繼續做,又真係辛苦佢,
個仔真係分配唔到時間,好似害左佢,自己好似世界上做左個罪人,無資格做一家之主....

piggy-bank

爸爸有勇氣講出自己的難處同想法, 你真係好勇敢啊!!
其實唔好怕難為情, 而家都多左好多爸爸一齊陪小朋友上堂, 呢種真係愛同承擔的表現, 接受個小朋友已經係好好的第一一步, 加油! 相信你太太都明白你的難處, 有d事大家坦白, 真係會增加感情, 凝聚力好d, 更加齊心去面對挑戰呢~

如果唔可以次次去上堂, 一個或者兩個月去一次都好呀, 因為家長的參與真係非常緊要呢!

露翼爸爸 寫道:
多謝晒大家意見.
男人老九要面對一個孩子的"學業"好似唔多慣,老婆晚晚加班,叫佢唔好做又唔得,因我無本事,佢繼續做,又真係辛苦佢,
個仔真係分配唔到時間,好似害左佢,自己好似世界上做左個罪人,無資格做一家之主....

Siu_Ming

露翼爸爸：

肯定你是個不折不扣的好男人、好丈夫、好爸爸！因為你一直都是關顧著太太和孩子。

其他家長都給了你十分有用的意見，那你便盡量安排吧。這裡很多父母都要外出工作的，大家都深深體驗到多方兼顧、分身乏術的困難、吃力和勞累。千萬不要讓那些無助感、罪疚感控制了你。那些都是不必要的感覺，會消耗你的心志，使你失去平安和勇氣。我們都是活在各式各樣的限制當中，那是客觀的事實，但都會盡能力做應做和可做的。有時換一個方式看，放下一些既有的但不一定有意義的觀念框框，人會輕鬆一些、自由一些，對事物也會有新的看法。所謂境由心造也。

教育孩子的方法，父母都要掌握，誰有空誰做，一起分擔，這也是一種幸福。算一下，兩個人的擔子其實減輕了。結果，親子關係、夫妻關係都會更好，家庭的內聚力會更大。

天意人生，有可知和不可知。你也是基督徒，自己盡了力，其他便交託於主，由祂保守、照顧。

Siu_Ming