香港真光中學 vs 嘉諾撒書院

lavender~cat

香港真光中學 (大坑道), vs 嘉諾撒書院 (鲗魚涌)
你地會選擇邊間? 請比意見.

有沒有家長的女女讀緊香港真光中學(大坑道),可唔可以講下呢間學校情況,今年係咪縮班,會唔會好辛苦呀,多唔多原校小學升讀Thanks a lot!

pansymama

我姨生女今年在真光讀中三，初期F.1 時角得辛苦，係因為突然間要讀咁多科，而且又有quiz，但係發覺所有中學每一科都有quiz時，又唔係好辛苦，只是最初唔習慣中學生活姐。
真光今年冇cut班，04年F.1 有6班， 05年F.1 有5班， 06年F.1 只得4班，已經一早cut左班啦！因為06年9月校長退休，由副校升上，校長話cut兩班band 2生，咁09年就唔驚教統局降grade要佢地做中中，當時星島重用左半版紙，登左校長退休同cut班嘅消息，校長話臨走時要幫真光確保英中呢個地位。我地重話校長聰明，唔洗稔点提高學生質素，靜cut班已然搞定，咁間間學校都可以用呢招就得啦！
真小小六大約有14X人，有3X個男生，11X個女生入面大約有8-10叻嘅女生會考出面d出名的學校，今年可能多d，因為可以揀兩間，真光已往三年每年都收真小8X人，今年就唔知。

Charlotte_mom

我有朋友女女讀中二, 佢話, 果時cut班, 係收少左外來生, 而原校直升%, 大概無變

pp6113

真光原校直升每年大概都有80人以上，所以%真係冇乜變，而且有D後來重叩門考入去，所以4班F.1入面應該有一半係真光小學，這就是讀聯繫學校的好處。

Sindy

真光唔收重讀生(本校),見到有個小妹妹,升唔到佢地中六,想重讀一年要出去搵學校讀......都幾陰功....不過唔知嘉諾撒收唔收返自己重讀生,但印象校長係好照顧自己學生,唔係成績掛帥

lavender~cat

pansymama,

唔該哂你提供咁多資料比我.我想問咁宜家Form.1 四班,可唔可以話只係收band 1學生?而班數少左,老師會唔會專注d照顧學生? 有無分精英班呢?
因為要幫真光確保英中呢個地位,會唔會全力吹谷成績,學生質數怎樣?學生會有壓力嗎?教學方針是怎樣?課外活動多選擇嗎?
不過我最關注都係校風,你的姨生女的學校生活愉快嗎? Thanks!!!

lavender~cat

Sindy,

你印象中校長係好照顧自己學生,請問可唔可以提供多些嘉諾撒的資料比我.Thanks!

Sindy

第一次搵佢搵學位,我晏晝親身拎信比佢,話我女開學無返學,佢即日下午(可能只係兩個鐘)就打電話了解情況,唔同其他學校校長高高在上,大把野做,所以我相信佢同學生溝通應該好足夠,因為係放學生在先,唔係文件開會緊要d丫麻

pansymama

Hi lavender~cat,

pls check pm

thanks