排到協康會青蔥計劃

kikiboy

我仔仔現在2歲半，23個月時評估他語言發展遲12個月，排緊政府的早期訓練及兼收位，同時也排其他機構的言語治療訓練，協康會的青蔥計劃排了3個月，今天收到電話約我1月份開始做評估及上課，時間是星期六下午3:00，有沒有媽咪可以分享吓啊?這裡每2周上課一次，你們覺得足夠嗎?我知道其他有些機構每周一次，是不是效果會好些呢?我也有排其他機構但未排到，想先到這裡上課，看看小朋友同治療師能否合得來，還有一點我比較擔心的就是3:00這時間是小朋友午睡時間，怕他學唔到嘢，請各位分享吓或給些意見．我仔仔而家讀N1全日班星期一到五．

siubakto

kikiboy,

當然若能每星期一次就更理想啦，但若真是得一次都唔緊要，因為最重要都是你要在家經常練習。至於時間，你可以到時再問下有無其他時間選擇囉，我個仔都是每次就時間咋。

kikiboy

siubakto,

好多謝你的意見, 我會帶仔仔先做評估, 看看能否就下時間, 如果沒有選擇我也會照給他去上課的, 因為他已2.5歲了, 不能浪費時間了. 你仔仔在哪裡上課啊? 是不是也是協康啊?

siubakto

kikiboy,

我囝囝在太子的協康會上架，但只是幼兒訓練，不是言語治療。

JL2006

乜原來青蔥計劃要排咁耐架? 我琴日先apply咋...... :cry: 其實我個囝都未做評估架, 剛剛健康院至寫左轉介信比我去評估中心, 我已約左下個月中, 不過只係見姑娘, 仲要再等半年以上至見e生.......我都唔知點好 :cry:

siubakto

JL2006,

評估中心唔一定等半年，姑娘都會視乎情況的，我囝囝當時排四個月左右。

JL2006

siubakto,
我而家心情好忐忑, 都唔知個仔係唔係, 一日未做評估, 日日都響度估估下, 我就快癲, 老公成日話我太緊張, 我都唔知應該點, 唉............ :cry:

siubakto 寫道:
JL2006,

評估中心唔一定等半年，姑娘都會視乎情況的，我囝囝當時排四個月左右。

siubakto

JL2006,

你放鬆d啦，你擔心都不會改變結果，隨遇而安。個結果怎樣你都要同囝囝共同面對。

Meisuen

kikiboy

協康會的青蔥計劃排了3個月==妳算排得快啦, 我囝果陣排左9個月呀!

時間是星期六下午3:00，有沒有媽咪可以分享吓啊?== 我都係 sat 不過下午2:00, 所以要調整佢午睡時間

這裡每2周上課一次，你們覺得足夠嗎?==我都係2周1次, 我覺得足夠, 最緊要家居訓練, 我囝上左半年, 由一個字都唔識講, 而家可講簡單句字啦 ! 我囝排到早期訓練, 所以返o賣下個月就唔返 lu, 雖然姑娘好好, 但此終 $$ 好貴.

妳係邊間協康做訓練?

kikiboy

Hi, Meisuen,

o係呀，排3個月算快o既啦，之前都有o的媽咪分享過話要排好耐．

我的時間是星期六pm3:00,　到時也要試下調整午睡時間了

我係灣仔協康，本來排柴灣先，但佢o地通知我呢間o既治療師放產假問我灣仔去唔去，我當然去啦．我排咗好多間都未排到．我都希望我仔仔好似你仔仔咁叻，進步快o的就好啦．你仔仔几大呀?

你排早期訓練排咗几耐呀? 我現在排了6個月還未到，早期訓練有沒有星期六的呀? 可以自己選時間嗎? 因為我要返工，平時我奶奶揍，到時我不知如何安排時間陪他去做訓練．

o係呀，協康$$好貴呀

kikiboy

JL2006,
我仔仔見姑娘時都係話要等5-6個月才見E生，但結果等了3個月就約見E生了．佢o地話視乎多唔多人，半年是保首估計，唔使太擔心的，可能這半年時間你小朋友有好大進步呢，放鬆o的啦．

JL2006 寫道:
乜原來青蔥計劃要排咁耐架? 我琴日先apply咋...... :cry: 其實我個囝都未做評估架, 剛剛健康院至寫左轉介信比我去評估中心, 我已約左下個月中, 不過只係見姑娘, 仲要再等半年以上至見e生.......我都唔知點好 :cry:

siubakto

Kikiboy,

我囝囝當時因為18個月未識行，所以係23個月做左評估，言語遲緩9個月，認知20個月，你囝囝點解咁快可以做評估，我見其他小朋友一般都要等到2歲半以上才可以做呢 ??我囝囝在私人機構做言語治療已接近3個月了，現在由單音字已開始講雙音字啦，而且我囝囝好好彩11月剛排到兼收位。我地得閒可以多d交流下。

kikiboy

siubakto,

你囝囝几大呀?我囝囝19個月大時健康院話佢講話遲，跟住等見健康院e生，等見評估中心姑娘，又要等見評估中心e生，兜兜轉轉到23個月才真正做評估，排緊早期訓練和兼收位已6個月了，兩邊都未排到，你兼收位排了几耐呀?之前有冇做早期訓練呀?你排哪一區呀?我排柴灣區，唔知還要排几耐，怎麼你會11月排到呢?社工同我講新學期即9月份才安排的．

好呀，以後我們多d交流下．

siubakto

kikiboy,

我囝囝現在26個月，他因為18個月未識行，健康院才安排去做評估，19個月評估中心見姑娘，23個月見醫生，跟住排早期及兼收位，其實我一早安排囝囝2歲返幼兒園，怎知那間幼兒園好好彩尚有一個兼收位，所以便11月一返幼兒園就有兼收位囉。但現在尚在評估階段，所以我由23個月開始找私人言語治療幫他囉。我沒有試過早期訓練架，我排黃大仙區架。

你囝囝現在說話如何呢 ?? 返學應該會好d，是嗎 ??

Meisuen

kikiboy,

我係灣仔協康==我都係灣仔, 唔通因為我囝退學, 所以妳咁快, 我個姑娘姓陳, 佢非常好, 唔知妳係咪佢教呢 !

你仔仔几大呀?==我囝3歲2個月lu!

你排早期訓練排咗几耐呀?== 我排左1年
早期訓練有沒有星期六的呀? == 視乎姑娘給什麼訓練, 同時間比妳, 妳可同姑娘講妳prefer 邊日, 佢地有位可能可以就下. 我同公司講左every wed late come, 但平日nｏpay ot 補償.

kikiboy 寫道:
Hi, Meisuen,

o係呀，排3個月算快o既啦，之前都有o的媽咪分享過話要排好耐．

我的時間是星期六pm3:00,　到時也要試下調整午睡時間了

我係灣仔協康，本來排柴灣先，但佢o地通知我呢間o既治療師放產假問我灣仔去唔去，我當然去啦．我排咗好多間都未排到．我都希望我仔仔好似你仔仔咁叻，進步快o的就好啦．你仔仔几大呀?

你排早期訓練排咗几耐呀? 我現在排了6個月還未到，早期訓練有沒有星期六的呀? 可以自己選時間嗎? 因為我要返工，平時我奶奶揍，到時我不知如何安排時間陪他去做訓練．

o係呀，協康$$好貴呀

ansonbb

I also 排緊早期訓練和兼收位已5個月了. Still no reply may due to many people queue in TKO district. Agree that 返學應該會好d especially for 言語. Of course you must practice with him at home as I found even you go for 私人言語治療, you can only learn the technique as the class will be once a week.

  

tonicJ

hello,我剛係協康同呀仔參加playgroup(太子),其實我唔知有咩做可以幫到佢(自閉傾向),而想上協康係澳海城幼兒園但每月$7,200,實在負擔唔起,政府個邊只係話幫我排特殊幼兒中心要等到9月至知有冇位,而我又住得遠(HK南)協康活動又多少係九龍喎。暫時只係報普通幼兒園有活動就走堂，真係唔知點好

kikiboy

Meisuen,

我都係灣仔, 唔通因為我囝退學, 所以妳咁快, 我個姑娘姓陳, 佢非常好, 唔知妳係咪佢教呢 !
－－－－有可能係因為你囝退學, 所以我咁快, 咁啱個姑娘又係姓陳,不過我還未見她,約了下星期

我囝3歲2個月lu!
－－－－我仔仔29個月大,你個仔做哥哥咯

我排左1年
－－－－恭喜你排到早期訓練,要排咁耐呀，我仲有排都未到，現排了才6個月，你有冇排兼收位呀?

視乎姑娘給什麼訓練, 同時間比妳, 妳可同姑娘講妳prefer 邊日, 佢地有位可能可以就下. 我同公司講左every wed late come, 但平日nｏpay ot 補償.
－－－－我公司本來就是no pay ot的，到時排到先至算啦，總之個仔最重要．

kikiboy

siubakto，

你真係好好彩呀，咁啱有一個兼收位給你個仔

係呀，返學係會好d o架,我個仔開始返學時大約能說單字十几個,返了學4個月多了,現在能講字或詞大約有七、八十個左右,不過還不懂說整句話,數字由1數到14,字母由A至K,有些兒歌會唱容易上口的那几句,例如"點蟲蟲，蟲蟲飛",apple, orange等很簡單的詞,最叻一句就是 "握握手,好朋友",看到小朋友在進步，這是做媽媽最大的欣慰

siubakto 寫道:
kikiboy,

我囝囝現在26個月，他因為18個月未識行，健康院才安排去做評估，19個月評估中心見姑娘，23個月見醫生，跟住排早期及兼收位，其實我一早安排囝囝2歲返幼兒園，怎知那間幼兒園好好彩尚有一個兼收位，所以便11月一返幼兒園就有兼收位囉。但現在尚在評估階段，所以我由23個月開始找私人言語治療幫他囉。我沒有試過早期訓練架，我排黃大仙區架。

你囝囝現在說話如何呢 ?? 返學應該會好d，是嗎 ??

Meisuen

kikiboy ,

我念9成9係我果個陳姑娘, 佢英文名好似janet 或是 jenny 我唔記得, 佢又靚囡又有心機. 妳遇著佢真好運.  加油呀!

政府醫生冇比我囝排兼收, 佢話佢早期訓練已足夠?!