官校事件餘波未了

nmc

此事本來與本人無關，但身在政府學校當中，看到存在已久的問題，實在忍無可忍，是時候大聲疾呼了！

你們知道為甚麼學校居然可以有人暗地裏賣K/索K?
原因就是教統局管理不善！學校管理層管理不善！
而家成間粉嶺官中有成5個合約的教師，學校年年都用一年合約黎請佢地！佢地響第二度搵到長工，自然就會走人，因此個個都抱住過客既心態，做事當然得過且過了！這些代課當中不乏有有心從事教學工作的人，但始終教育工作是百年樹人的事業，我知道自己第二年都唔響度做勒，仲有乜心機攪乜百年大計？
問題是，官立中學裏面一直有長期的實在職位需要，教統局就一直懸空呢D職位，一直用一年代課合約請人，一年又一年，一年又一年，已經成五、六年係咁樣啦！ 一年短期合約，政府自然留唔住優秀既人材啦！
同一個位年年都轉人，你話死唔死？如果你係D學生，特別係會考、A LEVEL果D，年年教你既人都唔同，每年都要適應唔同既老師，你話對學生公唔公平？咁樣做完全影響晒教學既質素！
據我所知，粉嶺官中果D高層仲特登搵晒果D一年代課既老師黎做差班既班主任，一來，一年代課通常都係新畢業/剛畢業無幾耐，經驗不足，於是乎上課秩序嚴重有問題………課堂一亂，學生就無心聽課，特別係D衰學生，返學悶，自然就想搵野攪囉………攪攪下咪索K囉。

天娜

Band 3 學校學生在校索K早已存在,只是今次揚左出來,令教統局要面對問題

同學無心向學,但年齡細卻被迫返學,覺得悶未同D衰同學一齊索K lor, 其實好多駐校社工都知ga

所以身為家長一定要細心留意,入邊間中學亦好重要ga, 否則恨錯難反,到時又用藉口賴人教壞自己個女

kwanjenny

我極度同意！，粉嶺今次爆大獲，完全係教統局當局完全漠視實際\需要，官立學校而家幾乎間間都十幾個代課，根本學校完全做唔到長遠既策劃！ 我所知道既 金文泰有6個一年代課、英皇12個代課、九龍工業中學有6個呀！
呢D代課位年年轉人，都唔知點攪！

各位有子女在官校就讀的家長，不妨向校長詢問有多少個代課老師在貴校任教?希望答案不會令你們驚訝!

一個不忍心看官校質素下跌的老師

BESTMCL

教師有責任教導学生，学校有責任管理学校一切包括人、物和地方，家長有責任管教仔女，学生有責任做好本仔，社會有責任提供支援.......
因此唔好怪人，首先俯心自問有無自己做好自已本份啊！

ccspy

呢D完全係教統局縮班殺校政策下的怪現象，今年唔知明年事，好難怪校長用呢D行政手段黎解決問題。只要教統局肯推行小班教學，全港學校唔使活係隨時收檔邊沿上，同時將合約教師納入常規制度下，又容許無心向學ge中三畢業生出黎做工，等佢地知道生活唔係咁簡單，到佢有心讀書先至去讀，咁香港ge教育制度先至有希望做得好。