咩收做"一入兼收, 咁就一世"呀?

kikiboy

點解佢咁講呀?
Click here

hinhinmummy

kikiboy

我一直以為, d 人只會講'一入特殊中心, 甘就一世', 估吾到, 依家d人連對兼收位都有甘既歧視

點都好, 在我黎講, 我的家庭/親人/朋友先係我最親最寶貴既人, 其他人, 尤其係bk/網上邊 的人(係bk識到一班fd 果d 另計)係我心目中, 都係閒人/過客, 佢地講乜都好, 都吾會放係心上邊, 因為根本吾值得為左d 閒人/過客而令到自己去思考佢地講既歪理, 甚至勞氣

只要自己盡好自己做母親既責任, 努力去教好自己既仔女, 令到佢地進步, 呢種喜悅同歡樂大於一切!

看完...........笑下................未算law

kikiboy

hinhinmummy,

如果唔係常日上黎bk度真係俾佢呢句說話嚇死呀, 通過呢度對一些特殊教育了解多了. 好呀, 講得好,  笑下......
我諗佢o地係不太了解吧, 我o地就當佢o地係誤解而唔係歧視啦, 好無? 笑下......

SandraLo

kikiboy ：

我估誤解同歧視嘅分別，係歧視嘅，暸解咗都係咁，誤解嘅，暸解咗就會改觀！

crystal媽咪

我都唔知點解佢會咁講, 咪當佢唔了解啦,
咁樣自己會開心好多.

我都見過有小朋友讀兼收位, 之後高班讀返普通位.
亦有小朋友因體能問題入I位, 最後入普通小學.
佢仲要係資優的.
最重要係睇到小朋友的進步, 唔需要理會他人.
就算今次解釋得到, 下次又會有其他人有誤解.
無謂激壞自己.  

babytszkin

軒軒媽咪~~我想問下通常s位係幾月開學架(8月或9月)?同埋開學的最初係唔係都係每日返幾個鐘比d小朋友適應下先架,咁同埋呢我想問如果我個仔係11月尾出世係唔係有機會係s位留多1年架?我好緊張呀,因下個月有派位結果喇~我想早d做好準備^^

hinhinmummy

我估你係問我...........

我想問下通常s位係幾月開學架(8月或9月)? -------- 舊生通常會早過新生, 分批入, 但都係8月中開學, 因為吾想一次過太多新生入學, 能適應

同埋開學的最初係唔係都係每日返幾個鐘比d小朋友適應下先架, ------------- 呢個吾係記得太清楚....................

咁同埋呢我想問如果我個仔係11月尾出世係唔係有機會係s位留多1年架? ---------- 總之係新學期開始時, 小朋友未夠6歲, 就可以讀多一年, 即係9, 10月果d 都可以讀多一年, 我仔都係11月出世, 所以可以讀多一年, 做大仔...............

babytszkin

thank you~hinhinmummy

小艾比

等我補充........

同埋開學的最初係唔係都係每日返幾個鐘比d小朋友適應下先架, ------------- 係返上午, 食埋lunch 先放學.  頭果一日可以有家長陪tim. 之後果幾日都可以, 不過其實建議早放手, 陪第一日你大約知道佢地返學的流程後就唔好再陪, 咁樣小朋友才能早適應.

candymanho

我估呢位朋友都係一知半解, 而且好擔心幫小朋友作出錯誤的選擇, 因為一個錯誤的選擇分分鐘會對小朋友影響很大。
我都經歷過呢d心情....有時身邊有d一知半解的人說出來的話真係會令我地個心一沈的。 由得人地點講都好, 唔好太在意啦!
前兩日有一個人仲問我: "你早排仲咩唔搵我? 你bb係唐氏都唔係咩大件事姐! 咁唐氏的人會有咩問題架? 我都唔明點解你地好似覺得好慘咁?" (咁我問佢知唔知咩係唐氏啦, 佢又話自己知woo! 其實佢根本一d都唔知, 佢又未結婚又未有細路, 點知道為人父母對子女的擔心呢!)
跟住佢仲好似個專家咁對我訓話:"....." (我一開始係因為從來都無呢個心理準備, 到出生的一刻才知道真係打擊好大, 一時間都唔知點好, 要用了好長的時間才令自己可以再皮笑肉都笑, 做父母的一定會接受自己的仔女, 但係一個智障的小朋友有很多問題(eg: 升學/ 就業/ 健康/ 青春期/ ....)我們做父母的都要一一打算, 大佬呀, 一知半解的人真係唔該唔好咁多費話啦! 正所謂針唔拮到肉就唔知痛......i...唔知講咩好, 總知有很多人都係一知半解唔會明我地ge!)

anhemama

我都有一個語言遲緩/專注力差及情緒難控的3YR小朋友,正排i 同E位,雖然評估中心醫生都未能清楚佢是否自閉要到4YRS再評,不過好釆2月份可插班,現在讀緊有兼收位的學校,有時間兼收老師都會望下佢,因為06年在一所普通幼兒中心讀N1佢地已經LABEL仔仔係特殊小朋友當時真的好唔開心,而且重不時把佢同其他小朋友分隔所以佢不時都會打其他同學仔,最初我唔清楚其他家長都有啲唔喜歡同叫我打佢,到現在班主任同我講,原來佢一遇到有壓迫感就會有咁表現,現在轉咗兼收真是好咗好多,最起碼都無打同學仔,這是我少少經歷同你分享下