早期訓練vs協康會青蔥計劃

~星兒~

請問早期訓練(e位﹞及協康會青蔥計劃有什麼分別?﹝除左費用不同之外﹞
其實早期訓練是什麼?
因為我兒子一直被評估為只是言語遲緩,但行為上總給我一種怪怪的感覺,智力評估中心只轉介兒子去排言語治療,其他的eetc, i, s位都無份,不過眼見有問題,現在可以如何去做?是否帶兒子去協康會青蔥計劃中返st,ot等較為適合?

IvanLai

Hi,

我建議你帶小朋友去協康會做多一次評估，唔駛自己估估下，我個仔兩年前做過，當時收費好似是$550.00

bigb

DELETED BY WEBMASTER

Charlotte_mom

我仔仔做完政府評估, 醫生建議排i位, 好好彩, 真係好好彩, 只係排左3個月就排到, 黎緊9月入學(我仲只排一間tim!)
我尋日都有同協康姑娘傾, 佢話, 如果肌肉協調無問題, 多數都唔會有早期訓練, 我而家就自己去協康青蔥語言治療, 由於我仔仔只有speech delay, 所以就只做speech, 無其他部分
協康姑娘都話, 有時政府d資源係分得好唔均勻, 佢都唔知點解, 有d排幾年都排唔到, 有d仲無啦啦suggest close file tim! 總之佢話, 如果覺得唔公平/唔夠service, 就要自己爭取wor!
仲有, 你自己日日對住小朋友, 佢有咩問題, 其實你最清楚, 我都suggest你去協康做個評估(而家收費係$600/hr), 如果姑娘評完, 覺得都有其他需要, 有個report, 去政府爭取都好過自己齋up啦!

積積

早期訓練和青蒽服務是不相同性質的。
早期訓練是經由評估後, 轉介的,
此類服務由政府資助,
中心內有幼兒導師、治療師為兒童提供合適治療,
訓練的時間是由中心安排的。

而協康會之青蒽計劃是輔助性質,
服務的本意是幫助一些正在輸侯 i位、e位或s位的學童,
其實就如私人補習一樣,
此服務當然要給較高的收費, 但相對時間亦較彈性,
不過, 治療方面是分開逐一分費,
幼兒導師每節400一小時,
治療師每節約600一小時,
個別資深導師/治療師會有更高收費的。

hhmamami

我個仔仔做完評估後，醫生都係只係比i 位佢，我等唔切，去協康做治療，個姑娘好詳細解釋比我知， 根據我所知，應該係咁﹕
姑娘話i 位就好賭命水，要遇上個i 位老師好就好，而ot及pt 都係有等於冇，因為他們半年來一次，st就好少少，但都係兩星期或三星期一次。
至於ｅ位，我個仔個治療師就建議我排，因為有齊晒咁多種服務，好似補習社咁，約你一個時間去上堂，而且媽咪都可以入去，最緊要係學埋個技巧，返屋企都可以做訓練呀！
我仔仔個治療師就叫我有心理準備，e位好d，但可能排好耐，耐過i 位，有時比咗i 位你，但你又唔知好唔好要，又唔知唔要再等e位要等幾耐，怕蘇州過河無艇搭呀! 都係好矛盾，好難選擇，又怕揀錯咗累個仔。希望唔會比i位我，唔駛找做個咁難的決定。　
我以前做緊青蔥，做ST，可以一個禮拜一次或兩個禮貌一次。因為治療師走了，所以我冇做青蔥，(唔係唔駛做，只係我跟咗個治療師走) 我自己覺得，只係做一種，我都唔知我個仔要唔要其他的訓練，但青蔥就唔會顧到你，同埋去到好似就係咁，冇乜人理你，我聽人話，e 位有埋幼師、社工呀，有時都可以有人傾吓，青蔥d姑娘個個都咁忙，你都唔好意思阻住人傾啦，我都等緊e位。係個姑娘叫我去'lur' e 位。

積積

正如你所言：
其實無論選擇那類服務都要撞彩．．．
就算是青蒽，有些老師都會同家長詳細解釋，平時亦會致電給家長查問小朋友做家居情況，所以真要視乎老師的工作態度。

老實說，在很多幼兒中心，ｉ位老師的工作很忙，很多時除了教導特殊學童外，還要兼顧校務工作、協作班務、作助教等，真難以有時間全天候照顧兒童呢．．．

雖然有很多家長都希望就讀ｉ位可以幫助兒童社交發展，但老實說，若你的孩子連基本的行為、學習也不行，老師又怎能顧及你的孩子？又怎發展社交？
故此，那些未發展穏定兒童，堅決就讀ｉ位，很多時只會加強那些非必要（刺激）行為罷了。