兩個星期一堂training足夠嗎？

JL2006

仔仔被評為發展遲媛（而家３歲, delay左半年），佢平時返全日N1, 而家排到閒日協康既幼兒訓練，但協康只offer到兩星期先一次既training比我，請問足夠嗎？　如果我再找其他機構既training隔住做，會唔會令仔仔有confuse架？

SandraLo

JL2006：

唔夠，正常小朋友都會去唔同興趣班學多啲同攞多啲腦部刺激，何況你係要「追」番？
但你自己有冇教佢同有冇跟開佢d training先？

小心女人

deleted

JL2006

SandraLo,
其實我仔仔係上星期至評估完, 協康閒日既training將會5月份開始, 一個月兩堂, 我最多一個月只可請一次假, 另一次會係我妹妹幫我帶.  至於家居訓練, 因為未開始training, 我仲未識要點同佢響屋企做.  你有無建議可以比我? 我而家好多野都唔識, 但又好多野想做, 想周圍同佢報training, 但又唔知邊d好, 邊d唔好, 亦唔知分開兩間唔同機構做training有無confuse.  

kikiboy

兩星期先一次training, 我覺得ok, 最重要的是家長的參與和家居訓練.

SandraLo

JL2006 寫道:
SandraLo,
其實我仔仔係上星期至評估完, 協康閒日既training將會5月份開始, 一個月兩堂, 我最多一個月只可請一次假, 另一次會係我妹妹幫我帶.  至於家居訓練, 因為未開始training, 我仲未識要點同佢響屋企做.  你有無建議可以比我? 我而家好多野都唔識, 但又好多野想做, 想周圍同佢報training, 但又唔知邊d好, 邊d唔好, 亦唔知分開兩間唔同機構做training有無confuse.  

我之所以問你自己有冇教開佢同跟開佢，係我覺得媽咪自己本身應該就係最好的therapist，因為你最清楚佢落後咗啲乜，咁就可以教番佢。
「分開兩間唔同機構做training」基本上係一啲問題都冇，如果現階段你未係好知佢差啲乜同協康會同佢train啲乜，你又可以睇吓先 (同佢對training嘅反應)，再行決定，尤其係如果阿仔冇行為問題，你就算响屋企同佢玩多啲，對佢都有幫助！

JL2006

SandraLo,
其實我平時大部份時間都係準時放工, 一返到屋企就係同佢玩, 我地又唔開電視既, 所以基本上我地兩公婆d時間完全用晒響佢身上, 直至..........半年前, 我生左細佬, 時間真係分薄左, 佢就開始更加唔鐘意同其他小朋友相處, 跟手我先發現佢有問題, 同佢去健康院要求做評估!
其實佢最差係社交, 但我唔係好識響屋企點train佢社交, 不過而家咩都同佢玩下, 成日抱埋細佬同佢一齊玩, 希望有d幫助. 我下個月開始返協康喇, 到時睇下導師有咩建議.

SandraLo

JL2006 ：

社交嗰度你反為未駛担心住，正常嘅三歲小朋友都要有大人帶住至一齊玩得到，同埋佢地都會揀同大人玩，因為識得「就」佢地；你响屋企同佢講故事時，可以揀啲有多啲對答嘅書，讀俾佢聽，一方面幫助佢言語發展(多啲字可以用)，另一方面，言語表達好咗，將來亦會幫到佢嘅社交！

JL2006

SandraLo,
多謝你既建議, 我會努力加油, 同仔仔一齊進步

水母

我最密的時候,是幫水母仔一邊做協康的個別,一星期一堂,再出去搵其他機構幫佢做另外的個別導師訓練3堂,一星期做4堂,其實訓練唔會話夠架...因為我地要和時間比賽,我要佢追返失去左的,所以安排了很多訓練給水母仔,但導師都好緊要架...在協康時,那位幼兒導師太過新,沒什麼經驗,做不到起色,所以特意出去找服務,好似補習咁...補多幾日..價錢當然不同,但起碼成績明顯,之後轉參加入學適應班,一星期要返足五日,導師訓練及言語訓練又包埋,又可以做到社交效果...唔洗煩...水母仔又真係叻咗,反應快咗,我開心咗..但會好忙,因為有家居訓練,而且在家也要努力配合學習的課程,經常做訓練,時時刻刻也要做訓練,投入其訓練生涯.

總之大家一起努力吧

SandraLo

「其實訓練唔會話夠架」

係呀，只要個小朋友唔會太攰搞到病就ok啦！

Chloecheung

bigb

兩個星期一堂training訓練唔會夠

hhmamami

其實我自己覺得要睇幾樣嘢，第一，你個仔仔有幾多種訓練，有冇其他訓練，雖然多係好，但係我好記得我個治療師講，進補都要吸收。
第二我覺得最重要是你可唔可以跟到仔仔的訓練，這個最緊要，以我經驗，你跟到，如果治療師好，就會去快d，如果治療師唔察覺，就話比佢知，講完都唔改善，換得就換咗個治療師。如果跟唔到仔仔的功課，我覺得一個禮拜一次會好d，起碼有人幫你跟，我最初做st時，是一星期一次，雖則是 '那利' ，但你終有一天會有收穫。之後到仔仔有進步，自己又掌握到，就變成兩星期一次，我就叫我仔仔個st 比多d功課我做，現時so far so good!
第三都要睇你有冇時間，如果要返工，請唔到假，點可以一星期一次呀?!