分享囝囝既大躍進 ! 好開心呀 ^v^

Meisuen

我想同大家分享下我囝的進步 ! 好開心呀 ! 我囝囝之前係政府評估係語言比同齡小朋友慢1年, 及發展慢半年.  而家係早期訓練差不多半年了.  佢真的大有進步. 他由說單字, 現已懂發問簡單問題及回答, 形容情景, 情緒, 感覺等.  當初知道他3t 都要訓練, 好唔開心, 以為佢真係咁差. 而家至知對佢幫助咁大.  仲有一個仲大發現, 就係自從佢d感知好左, 佢既學習能力增強同記憶力都增強. 我昨天試下比英文生字及中文字叫佢識及讀, 佢只係跟我講左兩次就入晒腦.  我初初以為佢只記得一陣, 點知我隔左好耐再問佢, 佢都識讀比我聽.  嘩 ! 我覺得佢d記憶力好勁呀.  而且佢聽過既音樂3,4次, 一定識成首唱番出黎, 連國語1-10都識, 不是念口住, 我抽黎考佢, 佢都識. 數字仲勁, 1-100, 我是但比個數字, 佢都識讀, 玩電腦又學識用 mouse.

所以早期訓練加上我同佢既勤力, 估唔到我囝終於都發揮到佢既 "小宇宙", 真係極度開心又感動 !

4月25日早期訓練有評估報告比我啦, 好心急 ! 仲有呀 ! 政府評估中心約左我囝4月20日見醫生跟進, 之前評估時係2歲半, 估唔到政府都會再跟進, 我仲以為佢地比我排左早期訓練就唔會跟進tim.

shunshunma

what a happy news!  

annaanna

恭喜晒﹗     

kmwun

恭喜!恭喜!   

Meisuen

thanks all! 我地會繼續努力

mamee

恭喜晒! 真係令人好鼓舞

rinapang

真令人鼓舞，希望所有小朋友都不斷進步!

gigi2

任何的進步都是代表著孩子和父母親加埋外在努力訓練的成果，無論是小進步或大進步也充滿了喜悅和數不盡的淚水。我衷心的祝福你和孩子繼續天天進步！

tin_tin

Congratulations!!!     

Meisuen

gigi2,

無論是小進步或大進步也充滿了喜悅和數不盡的淚水。==尼句最真 !

祝大家既小朋友日日進步

SmartBaby

Hi Meisuen,

您好!

近日發現我的兒子跟別人溝通及學習發展緩慢, 正準備帶
他作評估, 請問有什麼建議?  心裹很不舒服, 非常擔心.

Thanks a lot!

Smartbaby

PEGGYP

Hi Smartbaby,

請問小孩幾大啊？可否具體一些形容他問題所在？？

SmartBaby

Dear Peggy,

他現在2歲半了, 非常好動, 坐不定.

還是講單字, 不能講一句句子, 教導他的時候又不專心, 好像
不想學, 教他後又不記得.

Smartbaby

Meisuen

smartbaby,

妳有冇同佢去政府做評估呀 ? 有冇做緊d咩訓練呀 ? 如果冇最好量早去政府健康院或私人機構(eg. 協康)做評估, 然後作出合適訓練, 一定會進步架 !

我囝2歲8個月先識講野, 而家可以簡單對答, 都仲未up to 3歲 standard架.  我囝3歲就突然記憶力進步神速. 可能妳囝到時都係咁呢 !

不過都係怏d做評估先啦, 唔好自己估估下 !  

Meisuen

各位,

報告下我4月19日係政府評估中心跟進見醫生, 結果囝囝沒有自閉傾向, 沒有過度活躍症, 又沒有專注力不足症, 真係成個人放鬆晒, 仲開心過中六合彩        不過醫生話佢專注力都係差d, 同語言都係慢同齡小朋友1年. 見意繼續早期訓練, 冇須排 i 位. 好開心呀    

仲有因我小b9月出世, 要囝囝轉全日幼稚園. 佢而家repeat n1, 原本今年先升k1, 我20日同佢interview 全日學校, 校長比佢跳班讀k2, 因佢識認及讀到好多英文,中文字, 數字又識1-100, 所以已有k1程度, 今年可升k2. 真係雙重開心!      

mungmung

Meisuen :
恭喜,恭喜,真係雨後陽光,希望我的小肺友也能有你的那般幸運!
KEEP 住好好愛護你的囝囝啦!
好替你開心!


MUNGMUNG

Meisuen

tks mungming,

我祀妳個小朋友都能有大躍進! 第日報告番比我知 !

JL2006

Meisuen,
好"鄧"你開心呀, 實在令人鼓舞, 聽到你依個好消息, 都令我對自己&仔仔有返信心! 希望依度全部小朋友都一齊進步
係呢, 想問下你仔仔第一次評估完後, 你同佢上咩training? 幾耐至上一堂? 其實我仔仔都係上星期至評估完, 話佢認知遲半年, 我好擔心, 因為認知=智能 :cry: 我而家只係排到協康既閒日幼兒訓練, 但佢地只比到兩星期一堂我, 我唔知夠唔夠, 有無需要再找其他機構既training呢?

Meisuen

jl2006,

多謝妳"鄧我開心. 我囝之前1歲9個月評估語言慢1年及發展慢半年, 之後未排到協康訓練前,就去協康讀過入學預備班8堂, 同時去私家訓練左4堂, 就排到協康語言訓練兩星期一堂上左8個月就開口講單字啦. 2歲6個月再去政府評估, 醫生見意佢排早期. 舊年9月排到早期訓練包括st, pt, ot, 佢都要上, 就冇再上協康.  當時d姑娘話佢有自閉傾向同專注力不足傾向, 仲叫我排o賣i位, 我傷心左好耐. 不過今次政府醫生再評估, 佢冇果d症狀, 真係好開心! 就放棄排 i 位 lu!而家都有join 一d 協康既 playgroup 及循道衛理既 playgroup等佢吸收唔同既野 !

妳囝囝同我囝當時一樣, 認知遲半年好快追上, 唔洗驚! 佢係3歲時突然開 "曉"架 ! 妳要多d係屋企訓練先有進步架, 當初我以為日日同佢訓練進步咁少, 好擔心, 原來佢已吸收晒, 而家先 show 出黎. 妳要加油呀 !

JL2006

Meisuen,
可能你早發現, 所以早吸收, 有得追, 但我仔仔成3歲至發現 :cry: 希望佢會同我一齊努力追啦.
你仔仔而家幾多歲呀? 你好似好快又做媽媽喇喎, am I right?  恭喜晒
我都有個細仔, 而家六個月大, 但大仔都唔係好so佢, 唉!