美國的社會大學

Umi

朋友個女今年9月升中五時去美國社會大學讀2年college＋2年大學便畢業了! 乜可以咁既咩佢ielts 5.5，想問同一般正統上大學畢業的有什麼不同?求賜教

brother4

咪當本地副學士畢業入大學3年班一樣，分別不大，美國收得低D。

brother4

2+2，頭兩年平D及淺D，後兩年貴D及同其它國家要求一樣。如冶療ielts要6.5 或7，冇就畢吾到業。

skIII

Umi 發表於 16-8-1 12:52
朋友個女今年9月升中五時去美國社會大學讀2年college＋2年大學便畢業了! 乜可以咁既咩佢ielts 5. ...

左丁山成日講呢個方法，2年COLLEGE後，如果成績好，係可以轉去傳統的大學，讀多兩年畢業。外國升學唔似香港咁死板，大學之間學分係互認，可以轉來轉去。

Umi

咁其實係咪好事呢雖然美國5係我們杯茶，但感覺可以慳好多lor

dlam141231

Community college, 個人覺得應當叫作社區學院。
這是赴美升學的另一途徑。
整体而言，這些未能循正途升讀大學的學生，學業成绩一般較弱。而且社區學院學習環境也略有不同, 身边的同學有不少可能己廿多歲並已有社會工作經驗。
不过據悉譬如加州系列的州立大學，被加州政府规定，要接收一定数目從社區學院轉來入讀大三的學生.
所以若自問成績尚可，再加上努力，要在這班社區學院的學生中突圍而出，成功轉入加州系列的大學，應當不是難事。再叻啲既，甚至入到UC Berkekey.

nintendo

首先，唔係個個都成功 community college --> university。
就算有成功，又係乜嘢 university 呢？
讀得成，梗係大鑼大鼓，
讀唔成，唔會周圍講。
自己𧗾量。

dlam141231

十年前，我丈夫供他的外甥到美國升學，先讀ESL再讀community college, 花了幾年時間，讀書不成材，勉强拿了張community college肄業証書。我對community college學生的觀感, 一直保持在丈夫外甥的學業水平上。

去年在香港討論區網站，見有女孩成功從foothill college(或De Anza college? 大概是这個名字）成功轉到UC Berkeley year 3主修經濟，許多在讀的community college學生向她求教.  女孩也很坦白, 説由社區學院轉入Berkeley year 3, 並没有一般人想像中的難，因為有quota，但入到未必讀得好, 有不少在Berkeley要用超過两年甚至三年時間才能完成大學學位。

又記得香討有名人曾這樣說，若不是要兼收大量社區學院的學生，Berkeley在美國的大學排名，可以更上一層楼。

elbar

原帖由 Umi 於 16-08-01 發表
朋友個女今年9月升中五時去美國社會大學讀2年college＋2年大學便畢業了! 乜可以咁既咩佢ielts 5. ...

明顯翻譯錯誤，Community College通常譯作 社區學院，4年制博雅學院 Liberal Arts College通常譯作 文理學院

brother4

有錢吾去美國，除非是超人/鐵甲人

dlam141231

现在歐州也不见得安全

Umi

原帖由 elbar 於 16-08-01 發表
明顯翻譯錯誤，Community College通常譯作 社區學院，4年制博雅學院 Liberal Arts College通常譯作 文理學 ...

sorry！我真是打錯左

brother4

所以英國叻，脫歐來劃清界線停收難民，將來法，德要學英公投

brother4

估美將來用鐵甲警察來維冶自安

Chole

我亦認識一個香港中上成績學生讀Community College，同學背景好參差，所以佢成績超勁，之後有UC Berkeley Year 3 offer。

如果作為means to an end, 呢個都係好 option , 但係Community College 兩年無咗正常高中生活，入大學又無咗頭嗰兩年，個人覺得唔值得。

skIII

GOOGLE搜尋: 左丁山 社區學院  大學 兩年
會有好多資料，對於家庭經濟不太充裕同學，不失為另一條出路，以下是一些結果：

肥仔 K收到唔少電話，來自中學同學呀、姨丈呀、長輩呀之類，都係問佢去美國讀社區學院好唔好呀一類嘅問題。點解要問肥仔 K呢，原因係佢當年會考成績只得十七分（最佳六科），不能返回原校讀中六，唯有即時放洋去加州讀社區學院，兩年後轉入 UCLA讀三年級，大學畢業還要比在港讀中大科大港大理大城大嘅同學早一年，後來仲去埋倫敦及東京讀碩士，留在海外居住咗九年，所以在中學同學之中，成為「留學專家」。

本來考文憑試成績欠佳，例如中文失手，考到1級或2級咁樣，其他科目即使考得好好，在本地升讀大學嘅機會大打折扣，或近乎零，但去美國讀社區學院就冇乜所謂啫。肥仔 K話美國社區學院數目多到不得了，各有所好，但為十七八歲男女學生選校嘅話，總要考慮到（一）兒女第一次出外，要適應環境，如去東西兩岸，比較容易，去中西部一啲城市，冬天冷到零下三四十度，冰天雪地下搭巴士上學十分不易，十八歲女生最易感到寂寞思鄉，無心向學。當然，中部州份小城嘅住宿租金非常便宜，一定比三藩市灣區、矽谷（ Foothill所在地）便宜幾倍；（二）每一個州嘅社區學院與州立大學之轉校安排，並不一致，要揀做慣做熟嘅州份，轉升大學就少啲錯誤溝通；（三）從社區學院升讀州立大學，都要睇吓州立大學有無名氣，例如在華盛頓州讀社區學院，成個州只有西雅圖市華盛頓大學係名列前茅嘅大學，其他州立大學無甚名氣，但在加州就有起碼八間加州大學名列全美前五十名，讀任何一間都好 OK，選擇多好多；（四）肥仔 K話好多學生可以上網報名申報社區學位，唔駛一定去搵 Agent，有一位同學「被介紹」往東部某名氣學校，一年費用高逾四十萬港紙，雖然呢間係一流學校（肥仔 K參觀過該校），但讀兩年貴唔貴啲呀？又有一位被介紹往中部某州，冬天冷到震，鄰居相隔一二十英里，香港學生是否可以習慣咁孤單寂寞嘅生活！剛從 Foothill回來放假之女學生，奧利維亞更大彈啲 Agent俾錯料佢，幾乎累親，話信自己仲好過喎！
....
去美國讀社區學院，早去早 。原因好簡單，香港要斬教育經費（九億元），大學勒緊皮帶，美國州立大學何嘗不然。  十月十五日《國際先鋒論壇報》一篇文章話，美國經濟不景，四十一個州有財赤，惟有大削預算。北卡羅來納州就要在下一年度削減一億二千四百萬美元 大學經費，少 政府津貼，大學惟有加學費，今年全美州立大學學費 平均加幅係7%，遠遠高於通帳率。

此外，好多人搵唔到工，湧返社區學院讀書，逼爆校園。美國人讀社區學院因為（一）易入，譬如加州一百○八間社區學院有法律規定，不能拒收加州中學畢業生； （二）學費便宜；（三）兩年畢業，夠快。因此咯喎，社區學院只能有幾個選擇：（一）設學生人數上限，（二）加學費，（三）索性取消一 冷門課程慳資源，冇一樣對遲入學 學生有利。好難怪 ， 加州社區學院（一百○八個校園）今年學生人數增加百分之六點九，洛杉磯地區增加百分之八點六，全州社區學院總學生人數高達一百七十九萬人，所以加州社區學 院總監 Thomas Nussbaum話以後只能（一）加學費，（二）少收學生。香港家長想送子女過去，要明白呢個趨勢。

hjma

原帖由 skIII 於 16-08-01 發表
左丁山成日講呢個方法，2年COLLEGE後，如果成績好，係可以轉去傳統的大學，讀多兩年畢業。外國升學唔似香港 ...

其實community college的這兩年相對香港係咩年級？要讀完哪一級才可入讀？

Flying-Man

當年我有同學就是讀完兩年 US Community College 再入大學，他們最後都可順利入 U，有的入 UCLA，有的入 UC Berkeley ，有的入別州的名 U，現在的發展都很不錯。我看能否讀得成書，還是看個人的決心吧!

ennaenna

Flying-Man 發表於 16-8-4 13:58
當年我有同學就是讀完兩年 US Community College 再入大學，他們最後都可順利入 U，有的入 UCLA，有的入 UC ...

同意, 其實無論去邊, 讀咩學校, 最終結果都係要睇學生自己努唔努力同有無決心
而且好多美國人都為左慳錢去讀CC, 2年後先transfer去傳統U, 所以唔係淨係成績問題ge...
更何況就算直入到top大學, 畢唔到業ge大有人在...所以真係睇個人決心架咋