改名再出國留學好嗎？

me2

阿女嫌之前的英文名太幼稚，想趁攞18歲成人身份證時改英文名（中文名唔變）。到時身份證，護照都會改埋名。咁因為之前收到的澳洲大學的offer都是用的舊英文名，我係唔係要再通知學校改埋？改名只是心中初步的打算，仲未開始做，請問有冇過來人可備意見？阿女的想法是否太過簡單？（因為我怕麻煩唔想改。）

brother4

不一定要改，孩子是加多一個，如之前peter 現Peter John 可，在學校老師問用那，用john叫便可。

skIII

改名最好是考公開試前改，否則所有証書用舊名會好麻煩。

me2

係啊，當初改著就好了。宜家要改身份證，護照，最後連大學CoE都要改埋。不過阿女希望一次過搞定以後唔需煩，因為去到外國有著銀行戶口，電話卡之類的再改名仲麻煩。

Mighty

我一定会譲她改。　係比較麻煩。　BUT It is a matter of IDENTITY to her.

DKmum

原帖由 me2 於 16-07-29 發表
阿女嫌之前的英文名太幼稚，想趁攞18歲成人身份證時改英文名（中文名唔變）。到時身份證，護照都會改埋名。 ...

如真不喜欢个英文名，咁就越早改越好！

MC1128

DKmum 發表於 16-8-2 19:21
如真不喜欢个英文名，咁就越早改越好！

如果子女唔鍾意中文名, 請問又會否同意佢改?

我不是存心挑機, 是真心好奇


我的孩子也是自小在出世紙上登記了我們夫婦為她取的中英文名字, 正如我們沒有問她是否喜歡來到這個世界,自然亦沒有問她是否喜歡自己的中英文名字

至今, 大女十五歲, 細女九歲, 她們沒有不滿自己的中英文名字。曾經,在自由講場個邊,見過家長問, 好唔好在出世紙登記孩子的英文名, 有網民說不會,怕將來孩子不喜歡,都係由他們自己長大了再揀。

純好奇, 為孩子取的中文名字, 難道就不怕孩子將來不喜歡?

補充一句, 我們自小以中英文姓名稱呼孩子的機會是一樣多, 不會中文為主, 英文少用。

當然, 子女十八歲後是成年人, 他們有足夠自由及權力自行再改名, 不任得父母。

再補充, 不是挑機, 如有冒犯莫怪

me2

原帖由 MC1128 於 16-08-02 發表
如果子女唔鍾意中文名, 請問又會否同意佢改?

我不是存心挑機, 是真心好奇

好在阿女冇話唔鍾意佢的中文名，因為係跟家族輩份取名，佢有時仲會講笑咁照自己的名字的諧音取一些花名。至於英文名，係日本的姑姐幫佢取的，CoCo，講真我和阿女都覺得呢個名太唔似一個正式的英文名，如果將來係外國搵工，驚連見工的機會都冇。

caa

me2 發表於 16-8-2 23:11
好在阿女冇話唔鍾意佢的中文名，因為係跟家族輩份取名，佢有時仲會講笑咁照自己的名字的諧音取一些花名。至 ...

Suggest you to change to a name starting in "Co" eg Cordelia

MC1128

me2 發表於 16-8-2 23:11
好在阿女冇話唔鍾意佢的中文名，因為係跟家族輩份取名，佢有時仲會講笑咁照自己的名字的諧音取一些花名。至 ...

多謝回覆

咁橋,有個朋友英文名是Coco, 佢話以前是另一個英文名, 但覺得Coco更方便易稱呼。當然, 這是香港的情況, 海外另作別論。

祝你女兒升學愉快!

skIII

me2 發表於 16-8-2 23:11
好在阿女冇話唔鍾意佢的中文名，因為係跟家族輩份取名，佢有時仲會講笑咁照自己的名字的諧音取一些花名。至 ...

你既擔心，絕對成立，試想下如果佢第日做經理，向下屬或客戶介紹自己做Coco，係會唔夠formal，所以外國搵工係會冇咁著數，樓上已經比左好好的建議，用Co字頭的名，咁朋友仍可叫返佢做Coco。而且應該儘快做，順便叫學校改埋記錄。

講多少少，外國改名係好平常及簡單的事，例如女仕結婚後會加夫姓，在英國，細路改名只係去網上搵啲樣本改名文件，更改後打印，再搵佢班主任証明簽名就得，用呢份文件去申請護照時改名或者改銀行戶口名都冇問題。

補充：有些cho字頭的名如Chole發音都係co開頭。

me2

多謝嗮各位的意見

skIII

me2 發表於 16-8-4 10:10
多謝嗮各位的意見

Sorry, Chloe串法先岩。

ennaenna

其實最主要係擔心official documents改唔切到時入境唔知有無問題
至於英文名同見工,講真依家咁國際化其實唔會太大問題
我有d朋友d仔女係身分證一個名 但通人介紹自己就用自己中意ge名,到大d真係諗清楚先宣誓改名
同小朋友傾清楚先啦