開學兩個幾月,返學仲喊

catng118

我囡剛上小一,9月中返全日開始就返學喊,話好驚D老師(已經同佢講老師惡,只係鬧曳嘅同學,只要佢專心上堂就冇事),到而家每朝上校車都會喊,同埋緊有D野話驚, 但佢10月尾考完試,成都OK,唉!唔知其實佢係咪返到去就正常.
有冇小朋友係咁?可否分享下點解決?

a_for_apple

原帖由 catng118 於 14-11-17 發表
我囡剛上小一,9月中返全日開始就返學喊,話好驚D老師(已經同佢講老師惡,只係鬧曳嘅同學,只要佢專心上堂就冇 ...

有冇同老師倾下？

happy_lavender

原帖由 catng118 於 14-11-17 發表
我囡剛上小一,9月中返全日開始就返學喊,話好驚D老師(已經同佢講老師惡,只係鬧曳嘅同學,只要佢專心上堂就冇 ...

有時未必真的驚什麼，只是想吸引家長注意。如上面講，先向學校了解一下才決定怎樣處理吧。

little_yolky

catng118 發表於 14-11-17 08:43
我囡剛上小一,9月中返全日開始就返學喊,話好驚D老師(已經同佢講老師惡,只係鬧曳嘅同學,只要佢專心上堂就冇 ...

我囡囡芭蕾舞朋友仔舊年就係咁, 佢阿媽愁到呢。


話說, 開學初, 囡囡腸胃唔好, 午餐食面後嘔, 同學仔笑佢, 跟手仲調咗個頑皮既坐隔離, 日日番學响門口死都唔肯入, 日日喪喊, 喊足兩個月, 問佢乜事又死唔肯講, 後來調咗位就無事了。


舅父仔問佢, 佢先同舅父仔講(因為阿媽好惡, 第一句就話：係咪你有問題呀, 所以小朋友唔同佢講, 我哋一班芭蕾媽咪已經鬧咗佢阿媽了)


睇下係咪學校發生咗乜事?

ming0314

試下揾學校社工傾下，叫佢跟進。我囡都喊咗成個月，不過佢唔係大喊只係係個位度飲泣。如果佢突然喪喊或者反常行為就要留意，可能係學校發生咗d事，例如老師嚇佢佢再喊會點點點等。。我囡就係比老師恐嚇佢，我知道件事後上學校處理完阿囡亦放下心頭大石

catng118

其實佢開學時,大喊咗三日,之後佢應承社工會開開心心上學,三日後佢做到了,但過咗一兩個星期,佢又係咁,話好驚英文老師,問佢有冇鬧過佢,佢又話冇(佢本身膽小),社工有話有時係會有呢D情況,老師鬧曳嘅小朋友,但曳果D唔驚,反而嚇怕隔離果D,跟住再過一排,佢開始冇一咁驚英文老師,但又變咗勁驚普通話老師(本身是小一訓導主任,樣子真係比較嚴肅),佢二,四係有普通話堂,呢兩日話驚我預咗,但連星期一做早操又話唔想,總之每日都有野驚.
其實佢已經係社工跟進個案,但佢除咗上校車情緒唔係咁好,放學又好正常,問佢返學開唔開心,佢又會答開心,我開頭真係好大壓力,情勢好困擾,但慢慢睇,可能覺得佢真係唔想分開果下,所以唯有睇下時間可否令佢慢慢適應,希望只是上學期係咁啦!

catng118

已試過儲貼紙換獎勵/獎品,但每朝佢一見校車來就黎料,就算我在佢耳邊講乜野等緊你呀,佢都係忍唔住,但就好在好多時佢落車時已經冇喊!

MrBeast

或者試下先談談學校有趣得意的事，你自己之前返學的趣事，有話題後再談邊個老師點點點，當古仔或朋友傾計咁，我直頭話：細個時比老師打手板，你個會不會？⋯

little_yolky

catng118 發表於 14-11-18 11:06
其實佢開學時,大喊咗三日,之後佢應承社工會開開心心上學,三日後佢做到了,但過咗一兩個星期,佢又係咁,話好驚 ...

多口問句, 囡囡夠唔夠瞓, 朝早起身到等車會唔會太趕。小朋友最好瞓足10小時以上, 如果朝早起身時間太短內要上廁所、梳洗、換衫、食早餐, 可能令小朋友心情唔好。

ming0314

我囡上校車分離果下又係會喊，校車姨姨就叫我阿囡一上車後就快d走唔好企係度睇住佢，佢話d小朋友你越睇佢就越喊。
另外學校社工教我比樣嘢小朋友袋住，可以係張相、可以係一件信物，比小朋友諗起你時佢可以睇下、摸下等佢有安全感，我就整咗張有我同阿囡相片既頸鍊佢帶住

ming0314

原帖由 little_yolky 於 14-11-18 發表
多口問句, 囡囡夠唔夠瞓, 朝早起身到等車會唔會太趕。小朋友最好瞓足10小時以上, 如果朝早起身時間太短內要 ...

同意！開頭返學我諗住比小朋友瞓多d，所以成日要趕住落樓，阿囡後尾話比社工知佢唔鍾意咁趕，於是我提早15分鐘叫阿囡起身，冇咁趕之下佢情況又有好啲喎！

catng118

佢9點鐘上床,第二朝6:40起身,之後刷牙洗面食野去廁所,7:25落樓,基本上係唔趕的.
我已經自己整咗個心心畀佢袋住,叫佢一掛住我就睇下或者摸下佢.我都有同佢講我小學時D老師係會打手掌的,我話佢地而家只係鬧下,鬧完又唔會痛,唔會受傷,所以乖乖就唔使驚!

ming0314

原帖由 catng118 於 14-11-18 發表
佢9點鐘上床,第二朝6:40起身,之後刷牙洗面食野去廁所,7:25落樓,基本上係唔趕的.
我已經自己整咗個心心畀佢 ...

咁你有冇同佢多d一齊參與學校活動？

Jane1983

回覆 catng118 的帖子

有無問小朋友除咗驚老師惡，仲有無也嘢具體的事情令佢喊？
你都真係做咗大多數可以做既嘢。

luvgaga

回覆 catng118 的帖子

我女都喊左兩個月。因為校車比高年班蝦   笑佢蠢把聲難聽。 衣家先冇再因校車喊

Jane1983

回覆 luvgaga 的帖子

咁絕對係高年班既學生離譜wor

hadwinboy

原帖由 catng118 於 14-11-18 發表
已試過儲貼紙換獎勵/獎品,但每朝佢一見校車來就黎料,就算我在佢耳邊講乜野等緊你呀,佢都係忍唔住,但就好在 ...

可以找其他人短暫幫手送上校車嗎? 找她平時唔跟那些人。我仔bb 班時我送他入班房就喪喊，(新請那個)工人姐姐送他就若無其事直行直入去.

MrBeast

catng118 發表於 14-11-18 16:22
...我話佢地而家只係鬧下,鬧完又唔會痛,唔會受傷,所以乖乖就唔使驚!

我以前都係jump to 一些解決問題的方法、安慰說話、etc，其實唔需要的，最重要是父母listen孩子的心聲，認同佢地感受就得，technique 上就只需paraphrase, 學做一隻小parrot.  事實上much harder than u think to keep own mouth shut.  Listen more and talk less. 加油

luvgaga

回覆 Jane1983 的帖子

係呀。高年班有些好曳 有時仲拿間尺打人個頭。不過始終學校係社會縮影  有些事都要比佢面對吓  教佢如何解決啦  喊果兩個月係早晚  諗起都心痛