何為對閱讀有興趣？

dontaskme

在EK，我想很多人都在努力培養小孩的閱讀興趣，但，對於有定冇興趣，我很難去介定。如果的興趣程度才算成功？以我小兒為例，他可以書不離手，只要沒有比書更吸引的東西可㨂，如在他面前有一本書和一部ipad，他會毫不猶豫去拿起ipad。太概情況就是：
（低興趣度）做功課＞練琴＞食飯訓覺冲涼＞看書＞看電視＞玩ipad（高興趣度）
就連一份玩具反X城的catalogue，都會吸引過看書。這是否正常？如果可再提高看書的吸引力？

阿女爸爸

請問佢地係睇咩書？

COE1205

暫時我仔鍾意睇書多過打機，一做功課就成日話肚痛帶書入厠所睇，2個鐘可以去2-3次

COE1205

原帖由 阿女爸爸 於 14-12-08 發表
請問佢地係睇咩書？

我仔基本上乜中文書都睇，成語故事，三國演義，十萬個為什麼，恐龍，天文，老夫子，漫畫，童話故事，雜誌，甚至玩具，家電說明書，地鐵地圖都可以睇一大餐，就係唔鍾意睇英文書

kerkermui

我嗰件：（低興趣度）做功課＞練琴＞食飯訓覺冲涼＞看書＞玩電話（高興趣度）
(電視不作比較，因為只係家中裝飾用，無人有電視癮，但開咗自然吸引到眼仔，唔開又唔會有人仔主動去開)

如果小朋友平時唔可以做嘅嘢，你突然俾佢做，佢當然放低手上嘅書啦
但如果小朋友能夠以書本解悶，甚至掛住睇書唔願瞓，已經係好一條書蟲啦！

YolandaTam

小女：（低興趣度）食飯訓覺冲涼＞練琴＞做功課＞看書=玩電話（高興趣度）

每日回家後時間表:
功課及練習: 2至2.5小時
練琴: 30分鐘


如果仲有時間,
玩電話: 20分鐘
看書及上網睇WIKI: 30-45分鐘??

阿女爸爸

大概幾歲？

MrBeast

孩以玩為天
其實我覺得係學習／求知興趣-》閱讀興趣

hoihoima

dontaskme 發表於 14-12-8 12:44
在EK，我想很多人都在努力培養小孩的閱讀興趣，但，對於有定冇興趣，我很難去介定。如果的興趣程度才算成功 ...

我仔的情況：

（低興趣度）做功課、溫習＞食飯訓覺冲涼＞練樂器和寫故事＞看書（高興趣度）

看書的情況嚴重到 - 上課時把書放在抽屜偷看、在車上（如校巴）看書、去廁所時看書搞到好耐不出來（所以已經禁止去廁所時看書）、去圖書館或書店有入無出、連續幾年生日時讓他自選禮物，他每次都選一本書。我覺得愛看書的孩子好幸福，可以自娛，可以抽離現實減壓。不過過火了，影響學業，就當然不好。

scyauchris

好肯定愛看書的孩子多數是過火，我女是:

(低興趣度) 瞓覺食飯＞温書＞練琴＞英文功課 ＞卡通片＞看書 (高興趣度)

原來大家一樣個細路會去厠所看書(不過我禁止左)， 上課偷睇書，去書店都係有入無出，所有禮物都係要書。我女唔打機，只是喜歡上youtube, 電視都只是某些BB 卡通才看。

dontaskme

哈哈！我反而好想我個仔可以以看書為第一位。看著你們的分享，都不知幾羨慕！我而家要好小心地製造一個看書已是最高娛樂的環境給他，例如會出街食飯時幫他帶書外出，他無聊時便有書可看。要是着他自己決定帶什麼東西外出，他會㨂一份日文的高達模式menu,或者是反斗城份catalogue...

canies

原帖由 Charlotte_mom 於 14-12-08 發表
哇哈哈, 原來有咁多同道中人
我仔鐘意睇漫畫同兒童小說(老鼠記者, 白貓黑貓, 大偵探福爾摩斯), 咩小百科都 ...

仔最近迷上三國，全靠老公 dl 三國 game 比佢玩，
響學校借返來要我讀，宜家二年班。

其實幾多歲可以自己睇？

boyboy2006

書店有很多漫畫版的三國。我仔從幼稚園開始只看英文書，因此一年級時的中文真是嚇死人，但在偶然的機會下，買了一本三國演義漫畫版給他看後，從此愛上了中文書。

scyauchris

睇書睇到乜都唔做，所以真係有時都唔知講乜好。你地小朋友是否一本書睇好多次？