放棄珠心算轉學奧數好唔好？

CM0804

阿仔由K2開始學珠心算，現在P1了，學到三位乘數，未學除數。

我見其實三四年班學校也會教乘除數，咁其實係咪可以唔學，去學奧數呢？

mercury16

我個囡都係k3學到小二，依家除數加小數點……都想轉學奧數!!

sexymami

我個人認為，早啲學識唔會特別著數。可能對升小學考試有用，升中或者都會有小小用（我指面試，但唔肯定）。但對考大學是沒有幫助的。
正確啲講，小時候的數學可用計得多來增加分數，但到初中高中需要思考多點。

學咩都好，最重要唔好令小朋友討厭左。如果你覺得小朋友好喜歡數學，都可以去試下吧。

sexymami

但我唔會俾我小朋友去學囉，除非老師話原來佢好有天份，建議佢去深造。
（我自問係小數到高中到大學讀數（相關）的女仔，所以身邊一直都係讀數的同學多。

dubbies

怕唔怕學得太多，上正規數學堂覺悶？

Ryan_baba

CM0804 發表於 14-11-21 17:09
阿仔由K2開始學珠心算，現在P1了，學到三位乘數，未學除數。

我見其實三四年班學校也會教乘除數，咁其實係 ...

個人覺得珠心算可學埋除數至停，始終四則運算係數學的基礎，早點掌握到係好事。至於學唔學奧數就真係要睇小朋友有冇興趣同數感強唔強，可以先到書局買本初小程度的奧數練習比小朋友做，睇睇小朋友嘅興趣同能力才決定。

skkeung

好唔好是乎仔女喜颧否！

mercury16

原帖由 Ryan_baba 於 14-11-30 發表
個人覺得珠心算可學埋除數至停，始終四則運算係數學的基礎，早點掌握到係好事。至於學唔學奧數就真係要睇小 ...

都好喎……可以買了練習試吓佢興趣大唔大!

cwaisum

如果只是幼稚園，我建議學好常數先，奧數好多觀念都是從常數而來。常數學不好，奧數更困難。
我兒子從未在坊間學過奧數，平日只靠做練習（自學），比賽也能獲得好成績。

CM0804

我都覺得慢，可能因為上私人。我有諗過轉去centre學，評估過要由一級開始，即基礎高一級。我好掙扎，因為上私人進度慢，上centre好似由頭開始咁，所以把心一橫想𨍭奧數。