恭喜排球隊!

MacMa

原帖由 KiuKiu-Mama 於 11-7-31 18:50 發表
今曰路過Hollywood Plaza 見到宣小有份參加學界軟式排球比賽，阿女即刻衝入去幫同學仔打氣！結果宣小攞咗男子組同男女混合組冠軍，好犀利呀! 恭喜哂!

幾經奮戰(大比數落後9比18)才奪得男女混合冠軍，攪到我哋抹咗一身汗！嚟緊嘅星期六，無線體育世界應該有訪問佢哋嘅片段。

今年佢哋男子排球隊，好似破咗宣小以往記錄，一年內取得九個冠軍(包括啱啱取得嘅軟式排球男子組同男女混合)，餘下仲有一場青少杯，男子隊同女子隊同樣入了總決賽爭取冠軍，希望可以再下一城，取得第十個冠軍，就十全十美！加油！

MacMa

今年排球隊員除了戰績彪炳，升中亦不錯！男排嘅七位小六同學，暫時有四位升讀男拔，兩位入聖士提反，一位入旅港。女排嘅七位小六同學，暫時有三位升讀女拔，兩位入St Stephen Girls，一位入協恩。

唔好以為佢哋剩喺識得打波，我哋家長都話兩位李Sir好識揀排球員，大部份同學都能文能武，再加音樂，所以用成績(部份人在班中名列前茅)、體育、音樂去考中學，中學又點會唔收這班all round嘅學生。

MacMa

原帖由 kls12 於 11-8-5 12:25 發表


第五屆聯校小學辯論邀請賽初賽B組賽事 (七)
大角嘴天主教小學(海帆道)對九龍塘宣道小學
http://www.idebate.hk/?p=6349

第五屆協恩中學聯校小學辯論邀請賽初賽
拔萃小學對九龍塘宣道小學
http://www.idebate.hk/? ...

咁啱亞仔嘅喺排球隊隊員，又喺辯論隊隊員，我諗我可以講幾句。在辯論隊三年來，亞仔真是獲益良多，從老師、負責訓練他們的協恩中學嘅姐姐(咁啱大部份是來自宣小的學姐)和大家隊員身上，學咗好多辯論嘅技巧、資料搜集和整理、臨場應對等，都是寶貴的知識和經驗，對升中面試和將來升學，是有一定嘅幫助。
所有辯論員都訓練得很有自信、不怕面對羣眾演說。可以睇吓上面quoted嘅兩場比賽，兩位最佳辯論員(都喺亞仔嘅死黨)，那種大將風範、應對流利和反應，就連成年人也自嘆不如。

MacMa

原帖由 MacMa 於 11-8-2 14:24 發表


幾經奮戰(大比數落後9比18)才奪得男女混合冠軍，攪到我哋抹咗一身汗！嚟緊嘅星期六，無線體育世界應該有訪問佢哋嘅片段。

今年佢哋男子排球隊，好似破咗宣小以往記錄，一年內取得九個冠軍(包括啱啱取得嘅軟式排球男子組同男 ...

男子隊同女子隊雙雙取得青少杯初級組冠軍，終於劃上『十全十美』嘅句號！希望宣小排球隊薪火相傳，繼續霸學界！