100分貝以上都聽唔到，係咪失聰??

helen_yee

醫生話我仔雙耳100分貝以上都聽唔到，佢而家2個半月(4月21日在屯門醫院出世)，做過2次檢查(o係個頭貼電線o個o的)都好差，上月23日見醫生，只係檢查bb耳模...話ok，跟住又寫紙去做檢查，佢而家巳經做左2次檢查，都知bb聽唔到，好想快o的比耳機佢帶，因為唔想bb發展慢左，
(1)我想知醫院幾時先比耳機佢帶??
(2)100分貝以上都聽唔到，帶助聽器可以聽到嗎??
(3)人工耳蝸，幾錢手術費??
(4)排屯門醫院帶耳機會很耐嗎，自已出去配(如峰力)可以嗎?幾錢??

icanhear

你的BB在測試中得到的雙耳聽閾是100分貝，代表是雙耳都是深度弱聽。
不過請留意, 要查清楚你BB做的"o係個頭貼電線o個o的"測驗是什麼測驗? 若是ABR (Auditory Brainstem Response 腦干誘發電位), 結果只會反映高音的聽力。正常聽力的人是可以聽到低、中、高音的，而ABR不會反映任何低音到中音的聽力資料。所以有機會你的BB是低音到中音聽力低於100分貝, 甚至只是中度或更好。
低音到中音聽力如果中度或更好的話，即是會聽到近距離的交談。而低、中、高音100分貝的話，即就算是近距離的交談都不會聽到。

你的問題答案如下:
(1)我想知醫院幾時先比耳機佢帶??
- BB一般可獲教統局免費分派一隻耳機, 時間要等教統局安排。
若要雙耳配戴, 就必須自行到私人聽覺中心驗配。

(2)100分貝以上都聽唔到，帶助聽器可以聽到嗎??
- 必須明白即使是最先進的助聽器也不能完全恢復孩子的聽力，
助聽器只能幫助您的孩子在各種環境中依靠自己的剩餘聽力來聆聽。
如是你BB的聽力低中高音都是100分貝以上，一般情況下戴機可以聽到周圍環境聲音。
由於程度屬深度，即使佩戴了助聽器，許多聲音仍然是失真和模糊的，未必能充分理解他人的說話

可以參考此連結: 為孩子選擇合適的助聽器 及 助聽器選配程序

(3)人工耳蝸，幾錢手術費??
人工耳蝸是一個昂貴的手術。
不過在香港，可以在政府醫院免費排期做手術的。醫院一定會仔細講你知道要求、手續及詳情。

(4)排屯門醫院帶耳機會很耐嗎，自已出去配(如峰力)可以嗎?幾錢??
答案如題(1)
由於教統局只會派一邊耳機，所以你是可以去私人聽覺中心 (如峰力)配另一邊耳朵的耳機。
一邊耳朵聽力是絕對不足夠嬰兒的全面發展。
數碼助聽器的價錢由幾千至兩三萬都會有，價錢的分別就是數碼助聽器功能不同

希望以上的資料幫到你。
更詳細的資料可以查看 --> 此連結
www.icanhear.org

helen_yee

真係唔該哂你，你答好詳細呀，我記得我仔做完"o係個頭貼電線o個o的"，個staff話個test係高音架

原文章由 icanhear 於 08-7-2 23:39 發表
你的BB在測試中得到的雙耳聽閾是100分貝，代表是雙耳都是深度弱聽。
不過請留意, 要查清楚你BB做的"o係個頭貼電線o個o的"測驗是什麼測驗? 若是ABR (Auditory Brainstem Response 腦干誘發電位), 結果只會反映高音的聽 ...

icanhear

醫院安排你BB再去檢查, 可能就係做埋ASSR, 看看低音至中音的反應如何
有ASSR資料後應該就可以配機了

先不要太擔心, 現今科技(包括助聽機及人工耳蝸) 可以幫助弱聽BB聽聲音。不過你開始要知多o的有關的科技及教育支援。如果有機會, 可以參加一些弱聽兒童家長會，與其他家長一同分享，知道怎樣配機，教育小BB, 助他們成長~

正面一點，你的愛心, 加上現今科技，可以幫助你的BB健康成長的~

大鴨媽

加上如果你的小孩是這情況可以去社會福利署申請傷殘津貼,要政府醫生簽的,每個月有大約$1000津貼,可以用來幫他去做下不同的治療或者save up去買耳機啦

不過要積極堅強去面對,孩子的未來一定可以okay的

原文章由 helen_yee 於 08-7-2 12:23 發表
醫生話我仔雙耳100分貝以上都聽唔到，佢而家2個半月(4月21日在屯門醫院出世)，做過2次檢查(o係個頭貼電線o個o的)都好差，上月23日見醫生，只係檢查bb耳模...話ok，跟住又寫紙去做檢查，佢而家巳經做左2次檢查，都知bb聽唔到，好想快o ...

GabBB

你發現得好早, 助聽器及人工耳蝸也可以幫助小朋友聽覺及語言發展.

你不妨contact宣美, 他們是NGO.好有心機幫小朋友同家長.可以提供support同資訊俾你


專為弱聽兒童而設的早期教育及訓練中心，為弱聽幼兒提供聽覺測驗，使他們能盡早開始緊湊的語言訓練，並透過使用弱聽兒童的剩餘聽覺，發展他們的語言能力及發音技巧，使他們能用口語與人溝通。中心更著重輔導家長在家協助孩子的語言發展，並協助受訓後語言良好的弱聽兒童入讀普通學校。

http://www.suenmeicentre.com/

icanhear

原文章由 樂基兒 於 08-7-11 17:25 發表
我有個朋友既仔原本都係入左宣美架，後尾因為小朋友排到期做人工耳蝸，點知宣美話如果係要做人工耳蝸佢話就唔收佢，整到我朋友幾唔開心覺得比人忽視佢地，好彩佢後尾搵到聾福會既私立服務，佢個仔先有得做訓練，而家仲等緊入聾福 ...

嗯..我都聽聞不少宣美會"選擇性"收生，亦不太清楚以什麼準則去選收 (聽聞係叻先收...)。

其實私人聽覺中心(其實有數間都有) 都有做聽覺言語訓練的。不用太擔心。

[ 本帖最後由 icanhear 於 10-4-30 01:01 編輯 ]