帶完阿B去N1面試後好唔開心

manman721

我BB(21個月)發展遲緩 ....... 本身報左10月返n1，帶佢去面試的時候，佢坐唔定，好奇咁週圍走，唔肯玩老師拎黎的玩具，反而係玩課室度的玩具 ....... 老師話佢太細了，專注力弱，再安排下月面試！我真係好唔開心 ..........

四月帶去協康做評估話佢慢左2-3個月，主要是智力和小肌肉。佢都唔識講野，出街掛住睇野唔出聲唔理人，唔會用手指指出物件和分享見到的東西，未做評估前只識講爸、媽、mum mum、無啊，評估後姑娘建議買幾種玩具同訓練的技巧，到而家叫進步了，同佢說話佢會都理解到，識講多左字，例如奶奶、爸爸、街街、不不、A、bye、hi，識認晒身體的部份、人物、食物、圖形等，出到街多左好多聲氣，不停用手指東指西(要的東西、見到的野)。之前唔SO同年紀小朋友，反而而家會主動同小朋友講下BB話，揮手仔 ......

雖然BB進步左，但我帶佢去做評估時姑娘話佢的交流很好，不太像有自閉症的徵狀。但經過N1面試後，我現在又開始擔心這個問題了，我應否帶佢去做多一次評估，請各位媽咪比一些建議，謝謝

patpat234

hi,

記得我嗎,bb 3個月大時係愉城上按摩班時我就在你隔離(如果我冇記錯)

我大仔有自閉症傾向,不過4歲先發現,佢說話o既能力經評估後慢左1年.呢個係07年9月o既評估.
但11月時再做評估時只係相差半年.

經過訓練同治療,依家佢同同年o既小朋友分別已經唔大,7月會再去做評估.

唔好咁擔心,早發現係好事呵.

其實依家有好多幼稚園/幼兒園都會有I位,但一間學校可以接收I位o既學生唔多,但就一樣可以照讀普通位.

佢地係同返一班完全正常o既小朋友一齊上堂同學野,但呢d學校o既老師比起其他冇特殊訓練學校o既老師好好多.

我仔都係讀緊有I位o既學校,不過就排早期訓練.

ChattyST

有I 位既NURSERY真係包容好多GA!
你可以去呢個網頁CHECK下你0個區
http://www.swd.gov.hk/tc/index/s ... erv/id_integrated2/
同埋連D同學仔都包容D!
有時佢地會主張睇實能力較弱既小朋友, 例如: MAKE SURE佢會排隊.

someoneelse

可能你果間學校要求高 or 名校喇....我囝響21個月時發現 delay 左9個月，不過佢響歲半時去 interview N1，又係無坐定定咁....可能係 IS 喇，最後都收佢....而後黎我響個囝25個月時再幫佢搵另一本地學校既N1班，我講到明個囝係 delay 和未開口，佢地都收....

唔使唔開心喇，總有書讀既....你BB 依家 delay 左好少啫，你響今年幫佢搵一間有愛心既學校先喇，到佢追番之後，下年再考過心儀學校既K1囉！(我都係咁計劃)

加油！！

原文章由 manman721 於 08-6-26 22:22 發表
我BB(21個月)發展遲緩 ....... 本身報左10月返n1，帶佢去面試的時候，佢坐唔定，好奇咁週圍走，唔肯玩老師拎黎的玩具，反而係玩課室度的玩具 ....... 老師話佢太細了，專注力弱，再安排下月面試！我真係好唔開心 ..........

四月帶 ...

manman721

多謝咁多位的建議 ...... 其實做完評估後，姑娘比左張發展里程碑的紙作參考，入面列左2歲前佢應該識的野。由評估後，本身佢好多未做到，現在BB除左說話方面外，已可達到所有的事項了，佢都係近e個月才不停學講野，識講左好多單詞(不過有部份音唔發到好正)，佢能理解大人的說話和指令，經常望住人講太空話，問佢野識點頭示意，但唯一的問題只係在於佢去到陌生的環境，佢就非常好奇，就唔能夠坐定定。但係屋企，佢就可以坐定定玩、畫畫、睇Dvd、睇書，只係我真係諗唔到去到面試時，佢會咁走黎走去 ......
我等緊協康會的訓練，希望快D到我啦

manman721

阿pat ,
我當然記得你啊 ~~~~ 其實太耐無去0609發言啦，變左好似埋唔到堆，哈哈 ...... 所以有經常去睇下你地d topic，但就隱左形囉~!
BB佢平時的表現都ok架(不過個臭B近排識發脾四，成日扮喊，但個樣假到死)，因為同埋上次去協康評估，姑娘話屬於高分數，覺得佢好多方面都唔算差，對人有交流和主動，但就是我們與他遊戲和教導的過程上，著重了頭和尾，缺乏中間對他才最有意義和發展的部分，所以評估後我們也放下了心頭大石，之後係屋企多做姑娘建議的事項，他也在這時期進步了，所以我先打算搵屋企附近的幼兒園，估唔到反而令我更加擔心，其實我唔太心急佢係語言方面，等緊協康會的個別訓練，但4月等到現在了，之前1星期send過email問下輪候進度，不過又無回覆，而家睇緊有冇其他機構可以訓練佢係專注方面，睇下有冇進步，才決定是否找有I位的幼兒園/幼稚園

patpat234

就算報有I位o既幼稚園都唔一定辰讀佢地個I位架,可以讀返普通位.
我仔依家每星期都有去明愛做訓練,佢地都好好o架,不過要去到中環,你打去問下28664694李姑娘.

我大仔早大半年前爸爸晚晚同佢講故事,依家佢專注力同語言能力都好左.
我都正開始同曉敏講一d簡單o既故事
佢見到d書好開心o架,我d書入面可以比佢摺下被,拉下拉鍊
有d係立體o既可以郁o既

其實佢都係一個坐唔定o既女仔,我都打算同佢去健康院約期轉介去評估.我懷疑佢可能有過度活躍,佢講好多野,不過係媽媽話,只有我先聽得明,主要原因係佢唔識得運用佢舌頭,呢樣都令我有d擔心.

原文章由 manman721 於 08-6-28 01:50 發表
阿pat ,
我當然記得你啊 ~~~~ 其實太耐無去0609發言啦，變左好似埋唔到堆，哈哈 ...... 所以有經常去睇下你地d topic，但就隱左形囉~!
BB佢平時的表現都ok架(不過個臭B近排識發脾四，成日扮喊，但個樣假到死)，因為同埋上次去協 ...

Anpanmama

協康會的ST個別訓練一般等成年或以上, 唔好剩剩係等協康會。試試其他的機構eg. 保良局, Benji's Center etc.....

我2007年11月等到現在, 仲係無聲氣...

MARSTEN

我仔仔由細到大都係坐唔定,佢唔係過度活躍,而係專注力不足,好容易就俾其他野分到佢心,佢好鐘意砌圖,所以我專攻佢呢樣野訓練佢係一度地方停留耐d,有小朋友最初停幾分鐘又走左去,一直訓練到佢15分鐘,半個鐘.....坐定定,而家5歲自己坐定定可以砌一幅60pcs既puzzle

佢原來讀普通傳統幼稚園,但讀左兩年佢都唔係好識寫字,不過因為佢記性好,聽過見過都記得,所以學習上係無問題,不過我最終都係俾佢轉一間有I位既全日幼稚園重讀k2(佢讀普通位),希望佢係自理同學習方面都達標先上k3,因為k3都係為p1作準備,勉強俾佢上都無意思

原文章由 patpat234 於 08-6-28 02:33 發表
就算報有I位o既幼稚園都唔一定辰讀佢地個I位架,可以讀返普通位.
我仔依家每星期都有去明愛做訓練,佢地都好好o架,不過要去到中環,你打去問下28664694李姑娘.

我大仔早大半年前爸爸晚晚同佢講故事,依家佢專注力同語言 ...

MARSTEN

我都不知受過呢d打擊幾多次啦~最近同仔仔攪轉校真係情況低落到極點,被拒不知幾多次....

不過n1通常都無咁嚴ga wor....你果間真係嚴左d
排協康最少半年(偏遠centre)或以上(熱門centre),因為好多人排,所以你唔好唔開心,我地呢d mammy多的是....重慘過你既都有
通常mammy明白小朋友既表達,所以覺得佢無問題,但係評估就執得緊d,又話小朋友兩歲應該識講幾多十個生字,3歲又識講咩既句子....等等...如果當場表演欠佳,就算小朋友係屋企講咩都無用,file都係寫"遲緩...",就要排ST...如果其他感統都有問題就要上埋OT,PT等...

原文章由 manman721 於 08-6-26 22:22 發表
我BB(21個月)發展遲緩 ....... 本身報左10月返n1，帶佢去面試的時候，佢坐唔定，好奇咁週圍走，唔肯玩老師拎黎的玩具，反而係玩課室度的玩具 ....... 老師話佢太細了，專注力弱，再安排下月面試！我真係好唔開心 ..........

四月帶 ...

manman721

上次評估時姑娘都話一般排2-3個月，不過我諗都唔會咁快架啦！有無媽咪試過一些上門做訓練的導師呢？收費？成效？thanks

patpat234

我仔2,3歲時都有砌puzzle,都可以坐定一陣,佢有自閉症傾向,又係專注力不足
佢都好鍾意puzzle,3歲多d已經砌到100塊,不過都唔係坐得好耐,15分鐘佢就砌完....
比佢砌200塊又太多冇晒心機....依家都小左砌

原文章由 MARSTEN 於 08-6-28 09:49 發表
我仔仔由細到大都係坐唔定,佢唔係過度活躍,而係專注力不足,好容易就俾其他野分到佢心,佢好鐘意砌圖,所以我專攻佢呢樣野訓練佢係一度地方停留耐d,有小朋友最初停幾分鐘又走左去,一直訓練到佢15分鐘,半個鐘.....坐定定 ...