佛教志蓮VS梁省德一問

delon53

請問各位家長大人，兩間邊間比較好？有無意見？

ngayin2011

回覆 delon53 的帖子

我囡以前讀梁省德幼稚園，有吾少同學仔入在梁省德小學，個個都話辛苦，超催谷，有D頂吾到轉左校。
我囡則入左佛教志蓮小學，學校有愛心，囡囡讀得好開心，嚟緊學校有五位外籍老師，學校希望同學學好英文，系好有心嘅一間學校呀

delon53

多謝你寶貴意見(emoji)(emoji)

CARRIE_BOBO

我小朋友讀一年級剛剛開始聽到四測四考感覺好吃力，但讀了一年，反而覺得小朋友輕鬆左，因為每一次考既範圍都係幾課書去考，令小朋友溫習時候無咁吃力，內容小一點，用既時間就不多。仲有我出席了小朋友的沙田大會堂表演，係梁省徳特有的一年一度既大匯演，目的係令每一個小朋友都可以係台上表演既機會，場面好感人，所以學校會安排小朋友每個星期五都有大匯演表演時段去練習。

CARRIE_BOBO

http://www.school-dad.com/%E8%AE ... ampaign=social_post

monkeylau

回覆 delon53 的帖子

我大個小朋友剛剛在梁省德小學畢業，細嘅讀一年班。本人覺得梁省德小學呢幾年發展越嚟越不錯，學校資源越來越多，提升和增加左同學學習嘅機會。尢其在體育方面，學校增聘左很多高質素嘅教師，令到學校短短三年間，在學界由一個獎項都沒有，直至到今年，在田徑項目領取超過10個田徑獎項，成為全西貢第一。呢啲都係有賴學校同埋老師團隊合作嘅功勞。除咗體育外，還有其他科目都發展得很，不錯。講到功課測驗同埋考試呢方便，個人感覺好似係多啲，但其實實際測驗同埋考試嘅範圍相對比其他學校少，溫起書上嚟就冇咁辛苦。功課通常多與少就睇下自己個小朋友多唔多改正嗱，功課嘅數量有一半都係改正，如果小朋友功課冇做錯，不需要改正嘅，咁其實功課數量係屬於正常嘅。老師方便我又覺得好有愛心及都肯去接受家長嘅意見。當初小朋友由幼稚園升上小學呢個階段梗有啲唔習慣嘅，但係跟住就好快適應嗱，起碼我個女而家讀得好開心！今年畢業嗰啲學生好多都唔捨得啲老師😛😛總括嚟講，每一間學校都有佢嘅優點同埋缺點，最緊要搵一間適合自己小朋友嘅學校。自己參考吓意見之餘最好就親身去學校感受一下。☺️☺️

Elenalan

monkeylau 發表於 19-7-20 01:37
回覆 delon53 的帖子

我大個小朋友剛剛在梁省德小學畢業，細嘅讀一年班。本人覺得梁省德小學呢幾年發展越 ...

請問學校升中派位如何? 大概幾%升到Band 1中學? Thanks! 我姨甥仔升K2開始要留意小學了，又想揀基督教小學。

CARRIE_BOBO

回覆 Elenalan 的帖子

我今年派位時見到啲家長好開心咁放學，聽聞派第一志願好多，我諗可以上佢地學校網留意佢地既派位

Elenalan

CARRIE_BOBO 發表於 19-7-22 16:35
回覆 Elenalan 的帖子

我今年派位時見到啲家長好開心咁放學，聽聞派第一志願好多，我諗可以上佢地學校網留 ...

睇左校網, 但係冇講各升讀中學人數。可能只有校內有張貼公告吧。

Rav4888

派第一志願又並不等同派到band1中學，求解答，謝謝(emoji)(emoji)