請問做過協康幼兒訓練家長們?

roger711

女兒過两天到協康做幼兒訓練,是否一定先給導師評估?她有時會坐唔定,又成日話要返屋企.你知要成450元50分鐘,都驚佢哭鬧完都無時間做訓練.請過來人給一些意見及經驗.謝謝!小女2.5歲,智齡19-24個月,言語表達及認知18個月.

kikiboy

幼兒訓練我就無係協康做, 不過言語治療就有o係協康做, 我仔仔第一堂做評時都係2.5歲, 當時我都有你呢個憂慮, 仲要係$600一堂, 不過評估果日佢又出奇的合作, 個姑娘又真係有辦法帶到佢合作喎, 我平時都未見過佢坐得咁定, 足50-60分鐘都冇離位, 仲唔使我勞氣添. 你放心啦, 姑娘會有辦法架, 你可以同佢預告定先咯, 明天或一陣要做D乜嘢, 有好多玩具玩喎, 或者完之後媽媽帶你去食…

annaanna

我阿仔由2歲去上協康幼兒訓練，當年佢一上堂就喊，極之唔合作，隔個禮拜就唔見左450蚊﹗當年都同你一樣，次次去waste 450蚊點算？
不過好彩預到一個好好o既協康導師，如果阿仔唔合作，佢會借玩具比你番屋企同佢玩，教家長instead of 教小朋友；又知道阿仔唔鐘意枱面做野，就book間感統室比佢玩下，建立好關係先開始正式上堂﹗
依家阿仔未夠3歲半，番左年幾，同個姑娘不知幾fd，成日掛住佢，一有得去上堂就好開心，姑娘見到佢進步，都好開心o架﹗
你放心啦，協康d 姑娘好有愛心，佢一定有辦法攪掂o架﹗

原帖由 roger711 於 08-11-24 18:56 發表
女兒過两天到協康做幼兒訓練,是否一定先給導師評估?她有時會坐唔定,又成日話要返屋企.你知要成450元50分鐘,都驚佢哭鬧完都無時間做訓練.請過來人給一些意見及經驗.謝謝!小女2.5歲,智齡19-24個月,言語表達及認知18個 ...

roger711

thank you!!

SandraLo

原帖由 roger711 於 08-11-24 18:56 發表
女兒過两天到協康做幼兒訓練,是否一定先給導師評估?她有時會坐唔定,又成日話要返屋企.你知要成450元50分鐘,都驚佢哭鬧完都無時間做訓練.請過來人給一些意見及經驗.謝謝!小女2.5歲,智齡19-24個月,言語表達及認知18個 ...

佢哭鬧嘅原因, 就係要逃避做嘢, 如你因為咁而唔駛佢去, 就中正啦！另外, 如小朋友可以乖乖坐定學嘢, 發展就唔會有落後啦！