各位mami,你地信唔信飲奶會壞腦?

sharon26788

岩岩睇到今日既"x週刊",入邊講到牛奶同精神分裂,自閉症有關,如果飲左既牛奶分解唔到就會產生毒素,跟住就破壞腦細胞,出現幻覺及發展障礙等問題

仲話可以透過戒奶,再配合其他殺菌及食營養補充劑,有七成可以將幻覺同自閉症醫好.如果真係咁樣就好囉,終於搵到一D方法對付呢個問題

ahjoechan

我都想研究这个说法..(Biomedical treatment)..唔飲牛奶飲豆奶.得唔得??

.唔知贵唔贵???可以在那里做lab test ?? Anyone from here has been tried that Dr. Ng ??

dada5

ahjoechan,

我個囝去年在HK Biotek度做過Food Allergy Test(在HK抽血,再send去美國既lab度做化驗既),發現我仔對奶類/蛋類/魚類很敏感,所以我便同佢戒口,轉飲豆奶/米奶/杏仁奶),少食其他致敏既食物.我都覺得有好轉既 - 唔會成日都好易累.(我囝唔係即時敏感,所以表面係睇唔到徵狀既)

亦由去年11月起在Dr. Paul Lam度做了約5個月既Biomedical treatment (因經過美國既lab,check過小便同頭髮,發現重金屬偏高,係through Dr. Lam去check既),當時Dr. Lam好肯定咁講話如果我地好積極咁帶個仔去做,半年便會好番無事.
But sorry,我已做了5個月,都唔覺得work,反而攪到我仔成日病,(因為那些排重金屬既藥,會減低抵抗力既),我用了好多錢,時間,阿仔又受左好多苦,因要佢食好多supplement,我地要在家同佢打針,又要塞藥在肛門,又要帶阿仔去診所俾Dr.Lam在手背度吊針.所以我覺得唔值得試.

By the way, who is Dr. Ng?

妳有問題,可以隨時call我.

dada5

原帖由 ahjoechan 於 08-11-20 13:43 發表
我都想研究这个说法..(Biomedical treatment)..唔飲牛奶飲豆奶.得唔得??

.唔知贵唔贵???可以在那里做lab test ?? Anyone from here has been tried that Dr. Ng ??

owl_2046

我都睇左, 但我亞仔係奶痴, 3歲重一日4餐, 我都想轉豆奶比佢取代, 但又唔知邊個牌子好及邊康買.
如果介奶, 可以試下, 但其他既我就暫時唔敢試啦.

原帖由 sharon26788 於 08-11-19 23:16 發表
岩岩睇到今日既"x週刊",入邊講到牛奶同精神分裂,自閉症有關,如果飲左既牛奶分解唔到就會產生毒素,跟住就破壞腦細胞,出現幻覺及發展障礙等問題

仲話可以透過戒奶,再配合其他殺菌及食營養補充劑,有七成可 ...

kaifung0106

我都有睇到,同時想問吓各位有無比小朋友飲過豆奶,好似好難買,問過藥房,有乜牌子選擇,仲得細罐裝,邊到有得賣比吓意見

sharon26788

我囝唔飲豆奶,聽講話要戒得好清喎,矛盾中.

llcathy2004

dada5,半年個療程實際要幾多錢？之後你覺得唔得係未完全好定無改善？個醫生又點解釋？
呢度好似係咪未有完全成功嘅case?

原帖由 dada5 於 08-11-20 15:05 發表
ahjoechan,

我個囝去年在HK Biotek度做過Food Allergy Test(在HK抽血,再send去美國既lab度做化驗既),發現我仔對奶類/蛋類/魚類很敏感,所以我便同佢戒口,轉飲豆奶/米奶/杏仁奶),少食其他致敏既食物.我都覺得有好轉既 ...

annaanna

我阿仔以前飲森永，轉左豆奶一年左右，開頭佢都好抗拒豆奶，但係試左一隻，佢好鐘意飲，我試過味，唔似一般豆奶咁臭...

我唔知可唔可以post個牌子，如果你都想試下，pm我啦﹗

原帖由 kaifung0106 於 08-11-20 22:31 發表
我都有睇到,同時想問吓各位有無比小朋友飲過豆奶,好似好難買,問過藥房,有乜牌子選擇,仲得細罐裝,邊到有得賣比吓意見

dada5

owl_2046,

妳可以去百佳買Soya Milk,Almond Milk,整番熱就飲得.
又或者去Little Giant (http://www.littlegianthk.com/)度買,佢地有更有powder賣,我都放左一罐杏仁奶粉在協康叫老師用來代替牛奶俾我仔在學校飲.那老闆既仔仔都係自閉症,並以Biomedical treatment去醫個仔,所以才開呢間樓上shop,顧客絕大部份都係A仔或有敏感症小孩既家長.

dada5

原帖由 owl_2046 於 08-11-20 21:29 發表
我都睇左, 但我亞仔係奶痴, 3歲重一日4餐, 我都想轉豆奶比佢取代, 但又唔知邊個牌子好及邊康買.
如果介奶, 可以試下, 但其他既我就暫時唔敢試啦.

dada5

kaifung0106,

星期一我會返學校陪個仔上個別ST/OT堂,到時我叫雲姐沖杯我仔在學校飲既杏仁奶俾妳個仔試下,睇下佢飲唔飲,如果佢肯飲既話,我就幫妳買啦,好唔好?
在學校要放powder會方便好多.因為液體既好大包,要放雪櫃,仲要限時飲完,所以在屋企會較方便.

dada5

原帖由 kaifung0106 於 08-11-20 22:31 發表
我都有睇到,同時想問吓各位有無比小朋友飲過豆奶,好似好難買,問過藥房,有乜牌子選擇,仲得細罐裝,邊到有得賣比吓意見

dada5

llcathy,

我用左幾萬蚊(睇醫生,做化驗,食supplement等).
我覺得我個仔係有進步,但相信係靠training及其他治療.
Dr. Lam講野成日都自打咀巴既.佢之前話做半年會完全好番,但我做左5個月問佢點解好左一半都無.佢就話要做多一 年.
我最初問佢如果用biomedical treatment便可以醫好,是否無需做training.因正常小孩係無需training既,佢就話係呀,依家做幾多training都無用,主要排我仔體內既水銀/鉛才行,到時佢會好似一般小孩咁學野,好快無問題既.

後來我做左3個月度,我心諗按比例都應該好左一半,但完全唔係那回事,Dr.Lam便說佢身體好左,都要上training,才可追番D程度.(俾佢吹漲!好彩我無聽佢講停D training咋)

此外,我囝囝睇左佢之後成日病,我帶囝去佢診所時問佢,佢就只係在手背同我囝吊Vitamin及抗氧化劑,並無叫我停止同個仔在肛門塞排重金屬既藥.到我下次再去既時候,再同佢講阿仔成日病,食極藥都唔斷尾,個死pk才說要停一排先,因為D藥係會降低抵抗力既.
呢個茂利,有一次仲離譜,在我囝左手手背塗止痛膏,但竟然唔記得左,跟住在我囝右手手背度插針,痛到我囝不得了,喊左好耐.下次去到診所都好驚.
此外,我在Dr.Lam既診所度等既時候(雖然book左位,但每次都要等over一個鐘),都見到其他家長帶小朋友去睇,同一個媽咪傾計,佢個仔已經睇左兩年,但都唔覺好左好多(唔明點解佢仲帶佢去睇,可能Dr.Lam成日都講到好令人信服啦,而且作為家長既都想用盡方法去幫子女),另一個媽咪,我仲一直有同佢聯絡,佢帶對孖仔去做左差唔多一年,用左10幾萬,最終都放棄左,去試其他治療.

昨天有個BK媽咪打俾我,佢叫我如果有媽咪問我有關biomedical treatment既事,叫我千萬要叫其他媽咪就算真係要試,都一定唔好去"馮宜亮"(在週刊度介紹那個)度.因為佢囝去睇過佢,有唔好既經歷,而且佢既相關經驗一定不及Dr. Paul Lam及Dr. Tim Trodd.

dada5

原帖由 llcathy2004 於 08-11-21 03:11 發表
dada5,半年個療程實際要幾多錢？之後你覺得唔得係未完全好定無改善？個醫生又點解釋？
呢度好似係咪未有完全成功嘅case?

owl_2046

dada5,
唔該晒, 我會上網睇下.

原帖由 dada5 於 08-11-21 10:02 發表
owl_2046,

妳可以去百佳買Soya Milk,Almond Milk,整番熱就飲得.
又或者去Little Giant (http://www.littlegianthk.com/)度買,佢地有更有powder賣,我都放左一罐杏仁奶粉在協康叫老師用來代替牛奶俾我仔在學校飲.那老 ...

dada5

亂 重 金 屬 中 毒 　 威 院 踢 爆 私 家 醫 生 誤 導

亂  重 金 屬 中 毒 　 威 院 踢 爆 私 家 醫 生 誤 導
為 十 人 再 檢 驗 證 實 無 事


【 本 報 訊 】 近 年 食 物 污 染 問 題 頻 響 警 號 ， 醫 學 界 興 起 新 派 重 金 屬 化 驗 及 治 療 ， 卻 遭 傳 統 派 別 踢 爆 有 誤 導 之 嫌 。 威 爾 斯 醫 院 接 獲 十 人 投 訴 ， 稱 遭 私 家 醫 生 游 說 檢 驗 頭 髮 或 尿 液 ， 發 現 重 金 屬 「 超 標 」 ， 有 個 案 更 花 逾 萬 元 接 受 維 他 命 「 治 療 」 。 威 院 的 化 驗 結 果 卻 證 實 他 們 並 沒 中 毒 。 有 專 家 指 頭 髮 重 金 屬 測 試 不 適 用 於 臨 床 斷 症 ， 呼 籲 市 民 切 忌 被 新 派 學 說 「 洗 腦 」 。 　 記 者 ： 白 琳

威 爾 斯 醫 院 中 毒 治 療 中 心 過 去 三 年 獲 轉 介 十 宗 「 疑 似 」 重 金 屬 中 毒 個 案 ， 全 部 為 成 年 人 。 他 們 患 上 關 節 痛 及 鼻 敏 感 等 常 見 疾 病 ， 經 私 家 醫 生 測 試 後 ， 全 被 指 是 重 金 屬 超 標 。 個 案 事 後 經 其 他 醫 生 轉 介 往 威 院 檢 驗 ， 才 發 現 根 本 沒 有 中 毒 。



見 醫 生 化 驗 收 數 千 元
「 好 多 人 都 洗  腦 ， 集 中 唔 到 精 神 、 手 腳 麻 痹 ， 都 話 係 重 金 屬 中 毒 。 」 該 中 心 總 監 陳 恩 強 舉 例 稱 ， 一 名 退 休 名 流 患 上 冠 心 病 及 腳 抽 筋 ， 遭 私 家 醫 生 游 說 花 費 數 千 元 檢 驗 頭 髮 ， 並 確 診 水 銀 含 量 超 標 。 另 一 名 患 上 濕 疹 的 中 年 男 子 驗 尿 前 獲 處 方 專 治 重 金 屬 中 毒 的 「 螯 合 療 法 」 藥 物 ， 結 果 也 顯 示 水 銀 含 量 超 標 。 他 其 後 接 受 維 他 命 等 抗 氧 化 劑 治 療 逾 半 年 ， 共 花 逾 一 萬 元 。
本 報 記 者 曾 以 顧 客 身 份 致 電 聲 稱 提 供 重 金 屬 治 療 、 位 於 尖 沙 嘴 的 西 醫 診 所 ， 查 詢 頭 髮 重 金 屬 測 試 。 診 所 職 員 只 要 求 記 者 先 見 醫 生 ， 每 次 診 金 收 費 一 千 元 ， 其 他 化 驗 需 數 千 元 。



係 人 頭 髮 都 有 重 金 屬
陳 恩 強 指 ， 坊 間 頭 髮 化 驗 報 告 大 多 來 自 外 國 化 驗 室 ， 卻 沒 註 明 採 用 何 種 標 準 。 他 提 醒 市 民 ， 毒 理 學 家 只 以 尿 液 及 血 液 測 試 為 準 ， 頭 髮 測 試 只 屬 研 究 用 途 ， 尚 未 有 臨 床 斷 症 標 準 ， 測 試 方 法 也 不 統 一 ， 「 重 金 屬 係 污 染 物 ， 每 個 人  頭 髮 都 有 ， 生 得 慢  ， 重 金 屬 就 多  。 唔 同 實 驗 室 驗 同 一 束 頭 髮 ， 結 果 可 能 相 差 十 倍 。 頭 髮 測 試 根 本 唔 入 流 。 」
不 過 ， 坊 間 的 尿 液 測 試 也 未 必 可 靠 。 陳 恩 強 質 疑 ， 螯 合 療 法 藥 物 幫 助 身 體 排 泄 重 金 屬 ， 上 述 濕 疹 患 者 驗 尿 前 服 藥 會 干 擾 化 驗 結 果 ， 「 驗 出  實 有  」 。 陳 恩 強 又 指 ， 上 述 「 另 類 」 測 試 及 療 法 不 獲 政 府 監 管 。
若 市 民 懷 疑 重 金 屬 中 毒 ， 應 透 過 家 庭 醫 生 轉 介 ， 由 公 立 醫 院 毒 理 學 家 詳 細 化 驗 及 治 療 ， 「 重 金 屬 中 毒 好 專 門 ， 唔 係 民 間 隨 便 畀 藥 。 」



應 諮 詢 多 個 醫 生 意 見
香 港 醫 院 藥 劑 師 學 會 藥 物  育 資 源 中 心 總 監 崔 俊 明 表 示 ， 無 證 據 顯 示 抗 氧 化 劑 可 幫 助 身 體 排 走 重 金 屬 。 螯 合 療 法 藥 物 包 括 二 巰 丁 二 酸 （ DMSA ） 及 依 地 酸 鈣 鈉 （ EDTA ） ， 副 作 用 可 致 肝 及 腎 衰 竭 ， 甚 至 呼 吸 停 頓 ， 「 呢  藥 只 可 以 用  治 療 重 金 屬 中 毒 ， 唔 係 調 理 身 體 。 」 市 民 應 諮 詢 多 個 醫 生 意 見 ， 獲 處 方 藥 物 時 應 主 動 查 詢 ， 「 記 住 問 藥 物 學 名 、 食 幾 耐 先 有 效 。 」



醫 學 界 踢 爆 重 金 屬 中 毒 謬 誤
坊 間 謬 誤 ： 經 常 吃 魚 可 導 致 重 金 屬 中 毒
毒 理 學 家 及 藥 劑 師 質 疑 ： 醫 管 局 從 未 接 獲 此 類 個 案 ； 若 魚 類 的 重 金 屬 含 量 合 乎 法 定 標 準 ， 長 期 進 食 的 中 毒 風 險 近 乎 零

坊 間 謬 誤 ： 濕 疹 、 自 閉 症 、 心 臟 病 等 疾 病 與 重 金 屬 有 關
毒 理 學 家 及 藥 劑 師 質 疑 ： 無 足 夠 證 據 顯 示 重 金 屬 可 誘 發 這 些 疾 病 或 影 響 免 疫 系 統

坊 間 謬 誤 ： 頭 髮 測 試 可 證 明 是 否 重 金 屬 中 毒
毒 理 學 家 及 藥 劑 師 質 疑 ： 頭 髮 測 試 沒 有 國 際 認 可 標 準 ， 不 能 用 作 臨 床 斷 症 ， 認 可 測 試 應 為 血 液 及 尿 液 化 驗

坊 間 謬 誤 ： 化 驗 尿 液 的 重 金 屬 含 量 前 ， 應 服 「 螯 合 療 法 」 藥 物
毒 理 學 家 及 藥 劑 師 質 疑 ： 測 試 前 服 藥 ， 會 增 加 尿 液 重 金 屬 含 量 ， 干 擾 測 試 結 果 ； 此 類 藥 物 可 導 致 肝 及 腎 衰 竭 ， 只 用 作 治 療 嚴 重 中 毒 個 案

坊 間 謬 誤 ： 抗 氧 化 劑 可 治 療 重 金 屬 中 毒
毒 理 學 家 及 藥 劑 師 質 疑 ： 並 無 證 據 顯 示 抗 氧 化 劑 可 幫 助 身 體 排 出 重 金 屬

資 料 來 源 ： 威 爾 斯 醫 院 中 毒 治 療 中 心 總 監 陳 恩 強 、 香 港 醫 院 藥 劑 師 學 會 藥 物  育 資 源 中 心 總 監 崔 俊 明

owl_2046

要你亞仔受咁多皮肉之苦, 真心痛.
我睇完壹仔見到3個家長都話有效, 好在你地都有相關經驗可以比我地參考.
戒奶我buy, 其他都係唔好啦, 用番傳統3T訓練好D.

原帖由 dada5 於 08-11-21 10:41 發表
llcathy,

我用左幾萬蚊(睇醫生,做化驗,食supplement等).
我覺得我個仔係有進步,但相信係靠training及其他治療.
Dr. Lam講野成日都自打咀巴既.佢之前話做半年會完全好番,但我做左5個月問佢點解好左一半都無.佢就話要 ...

dada5

林 觀 禮 = Dr. Paul Lam

【 本 報 訊 】 本 港 醫 學 界 傳 統 派 別 強 調 ， 港 人 因 吃 魚 而 重 金 屬 中 毒 的 風 險 近 乎 零 ， 而 且 可 致 命 的 螯 合 療 法 只 適 用 於 中 毒 個 案 。 但 有 毒 金 屬 醫 學 會 秘 書 林 觀 禮 堅 稱 ， 重 金 屬 與 多 種 傳 統 療 法 未 能 治 癒 的 頑 疾 有 關 ， 更 強 調 螯 合 療 法 非 常 安 全 ， 「 我  個 個 禮 拜 都 有 幾 十 個 病 人 ， 如 果 真 係 咁 危 險 ， 點 解 咁 多 人  做 ？ 」



會 頭 髮 血 液 尿 液 同 驗
林 觀 禮 坦 言 ， 為 病 人 驗 尿 前 會 先 處 方 螯 合 療 法 藥 物 ， 再 監 測 重 金 屬 排 泄 量 。 他 承 認 本 港 傳 統 派 別 不 認 同 此 做 法 ， 但 獲 美 國 部 份 醫 學 會 採 用 。 他 又 強 調 ， 低 劑 量 螯 合 療 法 藥 物 只 引 發 疲 倦 及 敏 感 等 輕 微 副 作 用 ， 「 嚴 重 濕 疹 、 哮 喘 、 癲 癇 都 醫 到 。 （ 威 院 ） 中 毒 中 心 係 用 急 性 中 毒 標 準 去 睇 ， 所 以 冇 生 意 。 我 有 好 多 病 人 都 係 食 好 多 魚 。 」
提 供 頭 髮 重 金 屬 測 試 服 務 的 兒 科 專 科 醫 生 譚 一 翔 表 示 ， 不 會 單 靠 頭 髮 斷 症 ， 會 一 併 參 考 血 液 及 尿 液 化 驗 結 果 。 若 病 人 體 內 重 金 屬 超 出 美 國 實 驗 室 標 準 ， 會 視 乎 情 況 建 議 戒 吃 海 產 ， 或 處 方 維 他 命 等 抗 氧 化 劑 提 升 免 疫 力 ， 「 有  病 人 真 係 好  ， 但 唔 係 個 個 都 得 。 」
譚 一 翔 承 認 ， 醫 學 界 對 治 療 重 金 屬 超 標 沒 有 統 一 標 準 ， 「 有 人 覺 得 嚴 重 到 中 毒 先 叫 有 事 ， 有 人 覺 得 頭 髮 驗 到 已 經 有 事 ， 真 相 可 能  中 間 ， 要 多  研 究 ， 我  需 要 open-minded 。 」

kaifung0106

dada5
咁麻煩你啦,我都想試吓,但d豆奶有無power,聽你講的治療有恐怖又要打針......

dada5

kaifung0106,

豆奶都有powder架,但在學校我只係放左杏仁奶powder俾阿囝飲咋.

dada5.

原帖由 kaifung0106 於 08-11-21 11:39 發表
dada5
咁麻煩你啦,我都想試吓,但d豆奶有無power,聽你講的治療有恐怖又要打針......

Winsa

我都想知,請pm豆奶牌子給我,謝謝。

Winsa

原帖由 annaanna 於 08-11-21 09:46 發表
我阿仔以前飲森永，轉左豆奶一年左右，開頭佢都好抗拒豆奶，但係試左一隻，佢好鐘意飲，我試過味，唔似一般豆奶咁臭...

我唔知可唔可以post個牌子，如果你都想試下，pm我啦﹗

...

dada5

owl_2046,

壹仔既報導,妳覺得有幾多成真確既呢?
佢地每一個報導都有作故仔成份同埋嘩眾取寵架啦.唔係又駛乜成日俾人告呀?

dada5

原帖由 owl_2046 於 08-11-21 11:29 發表
要你亞仔受咁多皮肉之苦, 真心痛.
我睇完壹仔見到3個家長都話有效, 好在你地都有相關經驗可以比我地參考.
戒奶我buy, 其他都係唔好啦, 用番傳統3T訓練好D.

...