教女教到好沮喪

mlca1314

呢輪敎女數學教到好沮喪，教極都話吾明吾識，唉～～～

sumyau1012

💪

little_yolky

mlca1314 發表於 15-4-15 01:54
呢輪敎女數學教到好沮喪，教極都話吾明吾識，唉～～～

你教到沮喪都已經好溫柔敦厚了, 我教到火滾。

噚晚有條文字題, 題目開頭已經話超市買兩件貨平$2。咁阿媽買咗兩件, 問要俾幾多錢。佢唔記得減兩蚊。我已經唔出聲, 用筆劃住「買兩件貨平$2」, 再响題目度打交叉表示計錯咗, 咁佢望下, 跟手就問：即係點計呀。即時扯火, 腦都唔用, 鬧咗兩句, 即刻識計, 仲要喊晒話我衰, 鬧人, 佢又唔諗下自己唔用腦袋

mlca1314

謝謝大家的鼓勵！

mlca1314

好彩有呢個平台呻下，依家搵緊補習老師，我仲有個大女，我一對二實在好吃力，顧此失彼，學校又教得好快好急，好彩我細女算合作，做完功課肯坐定定溫數，可能係我教的方法有問題，教極佢都吾明，真係好氣餒，甚至失眠

gwan

如果經濟負擔得起，外判啦。
我崖咗好耐，最終外判了，自問脾氣也好多了，亦冇甘易傷母子感情。

MrBeast

little_yolky 發表於 15-4-15 08:28
你教到沮喪都已經好溫柔敦厚了, 我教到火滾。

噚晚有條文字題, 題目開頭已經話超市買兩件貨平$2。咁阿媽買 ...

咪係，都唔知邊個出呢d題，除非經常帶細路去shopping, 又中意買特價貨，唔係都好難expect 小朋友relate 到，睇唔到真係唔好怪佢

kayi0556

回覆 mlca1314 的帖子

依家小學d野相比我地以前真係難左好多， 我大囡小一時都激到人都顛， 最尾頂唔順外判， 我放工返屋企可以同呀囡睇下書玩下， 我冇乜點理學業野， 大家感情好左好多， 有時為保關係， 真係要洗d錢

wan_sosin

原帖由 little_yolky 於 15-04-15 發表
你教到沮喪都已經好溫柔敦厚了, 我教到火滾。

噚晚有條文字題, 題目開頭已經話超市買兩件貨平$2。咁阿媽買 ...

你唔好咁激，通常呢類題目，我會用生活例子教，我仔鍾意超人，我會話，媽媽買兩個超人比你，但每個平2蚊，咁要比幾多，我仔聽到超人即刻識計！我用佢鍾意嘅人或事情代入去，我仔通常都會攞返個腦出嚟用！
不過人人唔同，再試下搵方法教！

mlca1314

我是ftm，有時覺得自己好無用，已經無做野，仍搞吾掂兩個女

JJDBB

原帖由 mlca1314 於 15-04-15 發表
好彩有呢個平台呻下，依家搵緊補習老師，我仲有個大女，我一對二實在好吃力，顧此失彼，學校又教得好快好急 ...

我覺得初小，揾間好嘅補習，如果唔系，專科補數。但點都好，自己都要時時問佢有冇地方唔明，因為數學千萬别類積太多，怕跟唔上便会無兴趣，真系教完一課就要清左唔識果D，我知好多School系會考番以前学嘅野。另外，就是陪養小朋友"自己知自己事"，意思系由初初時比4佢知佢自己边一處弱，初小時，我家小朋友知自己減數常忘了借位，於是自己找人出題，又或者補社印了練習，他自己又印一份留底，到考試，測驗做番。

mlca1314

謝謝分享

JJDBB

原帖由 mlca1314 於 15-04-15 發表
我是ftm，有時覺得自己好無用，已經無做野，仍搞吾掂兩個女

邊有咁易呀，你对住佢地都是從她們身上学習。好多事情，情緒……都要處理。有時，我們自己都未能處理得到自己滿意，當我唔開心(為孩子)，我先生告訴我，出發点是為孩子著想已足夠了，加油吧！。時間過得好快！可以珍惜為她們做的，也就努力做！

Olympian

原帖由 mlca1314 於 15-04-15 發表
呢輪敎女數學教到好沮喪，教極都話吾明吾識，唉～～～

我個仔又係咁，6歲半了。一做數就神志不清。好多次做MC題，唔識做，我教到連答案都計了出來，只要求他圈返個字母，但佢依然問：答案係咩呀？佢一做文字題個腦就熄機。

又有一次我問佢，如果每天比一蚊你，一星期後你有幾多錢？已提佢一星期有7日。佢都唔識答，隔離有個小朋友似5歲，即刻答到7蚊。

但佢又中意上珠心算喎，雖然每次做珠心算功課都會發小脾氣，叫佢唔好再上佢又唔肯。

我諗人地教佢，佢就冇熄機囉……

mlca1314

你先生實在太好，我個件只會潑我冷水

MASAYA

MrBeast 發表於 15-4-15 09:14
咪係，都唔知邊個出呢d題，除非經常帶細路去shopping, 又中意買特價貨，唔係都好難expect 小朋友relate 到 ...

其實我鍾意呢d生活化既題目，數感唔好既小朋友，計得多算式就識計都可能只係記得答案，10以內加減有幾多變化，上到100或1000或10000其實咪又係個d數
生活化文字題可以學到應用，呢個應該先係學習既目的，識計數同識應用有不同意義，以前我地好多都會跟阿爸阿媽出街買野，而家生活方便，尤其電子貨幣 (即八達通類) 出現後，有冇機會好睇父母有冇把握

wan_sosin

MrBeast 發表於 15-4-15 09:14
咪係，都唔知邊個出呢d題，除非經常帶細路去shopping, 又中意買特價貨，唔係都好難expect 小朋友relate 到 ...

你講我呀?我就係成日帶個仔去買嘢,我呢D無姐姐嘅 FTM當然要帶埋個仔去買餸,仲最鍾意搵特價嘢買,所以窮養係好架,我仔買嘢就會識計數,同埋知菜係用斤來計,我諗而家小朋友好多唔知街市用嘅單位.

小朋友接觸社會多D,對學習係有幫助,之前幼稚園我仔個班主任都同我講,我哋帶得多個仔去唔同地方,佢係學到多D唔同嘅嘢,唔洗只去主題公園,我早個星期先同個仔去睇屋宇署展覽,個仔就用來寫週記了.