兩歲已經迷地圖,自己認地鐵中文名

東東公主

兩歲(26個月)已經迷世界地圖地鐵地圖, 好鍾意認字，自己認地鐵中文名，但性格硬頸， 脾氣大，說話好清楚(我估不是亞氏)。
不是想知他是否資優，因為太細，但我想知應該點教他，現只番屋村的pn, 今年9月會去九龍塘番k，是否開始比佢認字？中文定英文先？有什麼書推介？

小曳人

教小朋友，我會以佢興趣行先 (即敏感期)，所以認中文定英文先？你兩樣都試試，就自然有答案！
中文，我建議用基礎漢字500
但其實如果真係有興趣，你隨便响街指住隻字講，佢都會記到！

babecat1

原帖由 東東公主 於 14-02-20 發表
兩歲(26個月)已經迷世界地圖地鐵地圖, 好鍾意認字，自己認地鐵中文名，但性格硬頸， 脾氣大，說話好清楚(我 ...

我谂妳最好帶他去做評估，看看他有否自閉徵壯，因小兒(巳評自閉傾向)也是剛三歲(現六歲)已識讀港鐵九成車站名稱，及能說出每個車站主題顏色，表達和理解也沒有問題，還有和同齡一樣的社交能力，只是性格固執，情緒較為起伏，因自閉症譜系是很廣闊

東東公主

你小朋友咁叻都有！？去邊到做評估好？我仔仔只是見到我先有好大情緒！因為我番工（但已遲了工），其他時間好正常，冇情緒！

sugarnana

原帖由 babecat1 於 14-02-21 發表
我谂妳最好帶他去做評估，看看他有否自閉徵壯，因小兒(巳評自閉傾向)也是剛三歲(現六歲)已識讀港鐵九成車站 ...

真的嗎？這是自閉？小兒約三歳時都一樣，愛港鐡巴士，認站名，記月台顏色，學廣播，告訴我不同型號港鐵車門會發出怎樣不同的聲音，可正確無誤畫出整個港鐵路線圖，給他目的地，可清楚教你坐什麼缐在那裡轉車⋯，巴士都一樣。我一直以為這只是男孩子的心頭好，不是飛機就是車，喜歡就自然留心。因為從來沒老師提醒需留意自閉，社交上亦不見問題，真的有自閉傾向嗎？怎麼辦？還有什麼其他特徵嗎？

breadbb

亞仔都係咁 去左政府度check 唔係自閉都唔係亞氏 我諗唔可以係就咁呢個point而認定係呢2樣野！
個醫生做左5 分鐘 亞仔要vv 之後就同我講佢唔係
因為亞仔好cheerful 咁易就同人地咁開心一齊玩笑哂一定唔係呢兩樣！
其實我唔知醫生用咩介定 不過就話亞仔唔係囉！

breadbb

原帖由 東東公主 於 14-02-20 發表
兩歲(26個月)已經迷世界地圖地鐵地圖, 好鍾意認字，自己認地鐵中文名，但性格硬頸， 脾氣大，說話好清楚(我 ...

就係亞仔鍾意認字 我就反而小左教呢方面 我覺得既然佢都咁鍾意 等佢自己學 自己問 生活上問咩先教咩 佢運用得多 佢而家識好多字！
反而我想針對佢唔強既地方 例如佢係鍾意用腦嘅人反而唔鍾意用手 所以小肌肉爭d 所以我多同佢玩 多d郁 我覺得balance d!學野果d唔洗我叫佢都自己學啦

東東公主

多謝你！我會去看醫生確認下先

babecat1

原帖由 sugarnana 於 14-02-21 發表
真的嗎？這是自閉？小兒約三歳時都一樣，愛港鐡巴士，認站名，記月台顏色，學廣播，告訴我不同型號港鐵車門 ...

去找專業人士做評估，如沒有問題就心安理得，有問題也可及早介入

sugarnana

原帖由 breadbb 於 14-02-21 發表
亞仔都係咁 去左政府度check 唔係自閉都唔係亞氏 我諗唔可以係就咁呢個point而認定係呢2樣野！
個醫生做左5 ...

謝謝你，聽你咁講都定啲，但愈睇得多，又好似係咁。。。。。

sugarnana

原帖由 babecat1 於 14-02-22 發表
去找專業人士做評估，如沒有問題就心安理得，有問題也可及早介入

謝謝你的意見。家長日見班主任時，一定要詳細傾傾校內情況。

breadbb

原帖由 sugarnana 於 14-02-22 發表
謝謝你，聽你咁講都定啲，但愈睇得多，又好似係咁。。。。。

但安心d就去check下囉！
但for我個case佢話係性格

sugarnana

原帖由 breadbb 於 14-02-22 發表
但安心d就去check下囉！
但for我個case佢話係性格

性格？請問性格上有何問題？

小曳人

我完全無諗過，原來咁樣同自閉有關！
我個兩歲未夠已經熟讀地鐵站名，睇地圖，睇巴士路線圖
不過佢仲會睇其他嘅嘢..因為佢一路跟開職業治療師嘅playgroup，如果有嘢應該會同我地講，所以我一路無諗呢個問題
我只知足6歲做嘅評估，起初有d似A仔(雙眼唔望人)，但最後結果唔係

DCMaMe

我小子兩歲時都有樓主所講的情況，情緒亦唔太好，去做初步評估，醫生都係估估下，話有少少似亜氏，不過其實亞氏要大d,大概6歲到先清楚，但有樣嘢就幾肯定，就係智力應該比同齡高好多。要再約見心理醫生，不過在約見前，我小子轉了去一間傳統學校，整個人變了，乖左好多，完全冇晒之前的情緒問題，有同其他小朋友玩，有好朋友，雖然唔多，不過係好開始。老師comment好好，係乖乖，品學兼優果隻學生。我倆公婆都好開心見到佢的轉變，其實小朋友咁細，真係要平衡發展，有時環境的因素都可以影響好大，小心，尤其係情緒問題。

東東公主

看了心理醫生，佢話唔係！多謝大家！

sugarnana

原帖由 東東公主 於 14-02-22 發表
看了心理醫生，佢話唔係！多謝大家！

加油

caroleesw

我個仔就嚟四歲，由細到大鍾意睇轉嘅嘢同埋睇燈，三歲零鍾意研究地鐵站名，同埋個站咩嘢顏色，早排就開始鍾意研究植物，近排就開始研究天文。性格固執，對轉變好敏感，鍾意講反話和拗頸，明明識嘅又話唔識，數學和音樂都有天分，鍾意同大人玩rather than同齡嘅小朋友，連老師都話佢同大人溝通完全冇問題，反而同同鹷嘅小朋友就差啲。

我睇完呢一版之後，原來資優同亞氏只差一線，我都唔知佢係資優定係亞氏！

HaYi

對一些物品迷戀的程度異常, 通常男仔是車路線, 車站名等, 加上對社交的異常, 情緒控制差, 好多時是亞氏.  至於是不是同時是資優, 好多時係架.

breadbb

回覆 sugarnana 的帖子

其實亞仔一路都係好沉迷呢樣果樣..好小玩o既..好定..唔多郁動..之前因為2歲未識講野就要返健康院之後轉去cac check言語…咁排得期黎其實都已經識講野..講得好好..咁治療師就overall咁check而家又講佢平時生活上o既野比佢知..話唔知咁係咪正常..例如亞仔好沉迷一樣野..又係同好多呢度o既媽咪一樣..未夠2歲渣住個mtr map睇..自己教我點樣轉車..未夠自己o係房睇地圖睇成個鐘都得..咩圖都鍾意..一年前去台北旅行佢可以記得哂邊度去邊度轉車~人地朋友問你地點去北投浸溫泉架..我仔可以一年後仍然記得我地邊度出發去邊度..再轉邊度…仲要其實果陣係講普通話…佢有d站未去過..所以成日想去多次..可以搭捷運周圍去..好沉迷~!我覺得唔係記性好咁簡單..係沉迷..佢個世界只係呢d野..另外就係性格好固執..好完美主義..超級好勝..有時o係度睇人地o既case覺得好似...都會覺得有d野似自閉..有d似亞氏..有d似資優~~但都係問號..自閉?亞仔又有望人..又係happy boy…亞氏?佢細時真係唔同人玩..但而家有時又好主動..所以都唔知似係咩.. 資優?佢係記性好..但比起人地講果d資優佢又好似無人地果d真係過目不忘咁囉..所以有d似有d又唔似..而o係cac見醫生..佢只係話亞仔係happy boy一定唔係自閉同亞氏…至於智力如果想知..就要出去搵私家check..但亞仔而家都係3歲幾..我又覺得無須要去check得咁details住..最緊要學下點train佢無咁固執呀..情緒要有耐心同佢傾多d….最緊要都係耐性~