SENS P1學phonics有用嗎?

loklok0104

對於串字長遠會否有幫助? 對於有SENS小朋友會否其實都係晒氣無用? 因為學phonics都好貴$1200/mth

MrBeast

Depends on 係乜問題，但我估大部份讀障的都會struggle，這類小朋友最好自己跟，辛苦d都無辨法，除非你找到一些for sen 的課程

HaYi

我覺得Phonics 對大部份小朋友會有用, SEN 就睇下是咩, 如是英讀障的未必有大作用.

loklok0104

小朋友有時都會將d同b調轉讀, 不過情況唔多, 反而最多問題係中文, 會將中文字左右倒轉讀, 左右倒轉抄, 抄錯, 抄漏......

記憶短暫, 今日溫完明日會忘記, 要不繼重複溫

我而家用故事+小小併音去幫佢串英文, 而中文用故事+拆字方法

loklok0104

剛開始學phonics, 但已經有跟唔上進度情況, 老師不斷叫我幫下小朋友溫, 但我自己根本不曉phonics又點幫佢溫, 我是否應該繼續堅持學? 因學費唔平$1200/mth. 有無sen成功例子?

brother4

拿筆用那手？

loklok0104

brother4 發表於 15-4-24 14:58
拿筆用那手？

正常右手, 有關係嗎?

loklok0104

暫時串英文問題不大, 每次dict都有80-100, 但運用上就唔得, 加上專注差, 經常留題無做, 又或漏成版無做, 又或寫寫下無左下文...... 所以exam就衰晒!

kayi0556

Phonics係有用的， 但sen就要用多d時間同心機， 係唔係一對一教？ 一班果d進度就會好慢， 曾經同學仔有讀障， 佢英文都唔差，對上一次可以去到78分， 但聽佢媽咪講每日都要同佢温， 情況我諗佢同你小朋友差唔多， 佢中文就真係追唔到

HaYi

不知係咩SEN, 另如是讀障應有分中英文,

如只中文有讀障英文冇, phonic 會幫到, 不過我覺得學左就一定要溫, 抽英Dict 的字叫佢試拆睇下用不用到.  再慢慢字識多左, 就可以問埋組合, 如 butter 是 but + ter, 有冇其它的 ter 字呵, 聯想會易記左..

我個仔(P3) 中文都差D, 中文我自己都是同上那位用 "故仔拆字法", 佢記憶強又鍾意古怪野, 就幾幫到.  

反而專注問題好難, 明知佢識, 出來的成績都大上大落, 所以每每叫佢要小心不可漏, 要番查卷, 但成效一般, 睇彩數, 都好無奈. 現在大個小小就叫有小小改進

Olympian

loklok0104 發表於 15-4-24 12:20
對於串字長遠會否有幫助? 對於有SENS小朋友會否其實都係晒氣無用? 因為學phonics都好貴$1200/mth ...

我朋友教英文讀寫障礙，個方法叫 orton gillingham，包括phonics 的。以我的理解是有學障更加需要學phonics. 1對1 教會好貴，你試試上網找小組課程，我以前好似見過。

MrBeast

1:1 vs 小組，我就0願比多少少1:1，attention 會多些，但又要明白要一個讀障對住d火星文一小時對他們來說是一件極為艱難的事。

MrBeast

loklok0104 發表於 15-4-24 15:07
暫時串英文問題不大, 每次dict都有80-100, 但運用上就唔得, 加上專注差, 經常留題無做, 又或漏成版無做, 又 ...

咁我覺得佢最需要的不是phonics，當然學左亦無壞

HaYi

不過親身體會, 如果不專心的小朋友, 就算1:1, 佢都可以不專心, 人在心不在, 浪費$, 搞到老師都冇心機, 反而小小組(2-3人) 可能有多少互動同競爭, 佢地的學習動機有可能會高些, 不過一定要試過夾過先知朋輩的相互影響到底是正定反面.  

MrBeast

HaYi 發表於 15-4-25 12:36
不過親身體會, 如果不專心的小朋友, 就算1:1, 佢都可以不專心, 人在心不在, 浪費$, 搞到老師都冇心機, 反而 ...

真是好depends, 你講的情況我有遇過，同時亦有同班的叻過我個好多，我個頓時變了陪坐，又在另一個小組有位小朋友坐唔定，導師要花很多時間去deal with 佢，雖然我都理解，但都覺得無奈。

SWT

我仔是Sen,都試個一對一學普通話,但成較不大及唔專心，反而小組五人學過phonics,較果很好，小朋友之間有小許互動，不過，我仔本身都是對英文較有興趣

MrBeast

1：1最大問題是時間太長，要小朋友focus on 對他們難的東西45-60分鐘不是易事，所以其實最好自己跟，10-15mins per item per day will go a long way.

fishchow

原帖由 loklok0104 於 15-04-24 發表
本帖最後由 loklok0104 於 15-4-24 15:01 編輯

剛開始學phonics, 但已經有跟唔上進度情況, 老師不斷叫我 ...

有d phonics 有埋家長班的，試找找

bobbob

MrBeast 發表於 15-4-27 06:42
1：1最大問題是時間太長，要小朋友focus on 對他們難的東西45-60分鐘不是易事，所以其實最好自己跟，10-15m ...

咁似乎係老師唔識吸引小孩又或者小朋友對個subject無乜興趣所致，其實1 on 1對專注力不足會較小組好，因為老師可以將所有focus放響唯一一個學生身上，一見佢遊魂就拖佢返嚟。就算上1個鐘亦唔代表做同一樣嘢1個鐘，通常每隔10分鐘會轉活動。

HaYi

好多SEN 都有專注力問題,  個小朋友 1:1 就算10 Min 佢地都不定, 不關老師技巧或內容事, 一堂學不同野會比focus 一樣好D, 但如果成日要轉個老師都manage 不到