我仔仔係咪有問題？

so1so

我仔仔今年三歲十個月-讀緊K1, 想問下佢係咪有某方面有問題？
佢既特徵如下：
1. 每當佢一上巴士就會嘔(未開車果隻) - 10次有9次都會嘔，其它交通工具就好少呢
個情況。肯定唔係暈車浪。
2. 佢現在都唔識得好好地攞住支匙巾食飯,食飯時d飯成日掉落台, 每次都要協助佢
食完為止, 若唔幫佢, 佢自己唔識得自動自覺去食, 成日要我地提佢,
3. 去公園時怕坐遷秋, 好少主動同其它小朋友一起玩, 但佢就喜歡和父母和哥哥一
起玩。
4. 父母不在家時, 有時會掉野落地下, 玩水, 常常打工人和發脾氣,好多時發脾氣都好
長時間, 而且更大哭20-50分鐘都有。但父母在家時叫佢停佢就會停, 但工人叫佢就完全唔理。
5. 不喜歡聽從長輩的話, 好多時都多說幾次才肯做.  例如拾玩具等.
6. 去街時或去公園時, 常常不知會我們不自覺地走到好遠, 常要我們找他和制止他.
7. 好多時學習都不感興趣。
8. 當發現身邊的小朋友/哥哥或同學打架或頑皮時, 他經常指責對方不對, 例如他會
說 "唔應該發脾氣, 用口講就咪得囉", "唔好打人", "打人唔O岩架", 我知道他腦內知
道咩係應該做, 咩係唔應該做, 但佢自己就控制唔到-成日發脾氣和打人和大哭.
9. 佢唔係好識表達, 表達能力較差.
我真係唔知佢屬於咩問題, 唔知點樣可以幫到佢,

心急人上

[ 本帖最後由 so1so 於 08-12-29 00:33 編輯 ]

sze0830

我建議你盡快帶小朋友去做評估 ....
但政府最快要半年先可以見醫生...
小朋友黃金時間是6歲前 .....
所以你唔好再拖 ..... 盡快帶小朋友去做評估....
唔好再等啦 ...

原帖由 so1so 於 08-12-27 23:17 發表
我仔仔今年三歲十個月-讀緊K1, 想問下佢係咪有某方面有問題？
佢既特徵如下：
1. 每當佢一上巴士就會嘔(未開車果隻) - 10次有9次都會嘔，其它交通工具就好少呢
個情況。肯定唔係暈車浪。
2. 佢現在都唔識得好好地攞住支匙 ...

SandraLo

原帖由 sze0830 於 08-12-27 23:37 發表
我建議你盡快帶小朋友去做評估 ....
但政府最快要半年先可以見醫生...
小朋友黃金時間是6歲前 .....
所以你唔好再拖 ..... 盡快帶小朋友去做評估....
唔好再等啦 ......

負担得到嘅話, 你應該唔好等政府, 揾私家.....
可以問吓Dr.T.... 盡快做個智能心理評估!
佢又d 似係感覺统合問題, 亦似自閉/言語遲緩...... 不過我都係齋估, 有d 媽咪睇到好嗰一面多d, 有d 則只係睇到唔好嗰一面！

Jasmine-4711

排期評估要半年,再轉介排公立治療要年半兩年.負担得起就去私家評估、治療.例如協康會

so1so

我問過協康會要成600蚊50分鐘, 自己又負擔唔起, 排政府又等得耐, 閒閒地等一至兩年. 想問有冇其它機構有類似服務而唔洗排咁耐和收費比協康會平呢？

原帖由 Jasmine-4711 於 08-12-28 23:53 發表
排期評估要半年,再轉介排公立治療要年半兩年.負担得起就去私家評估、治療.例如協康會

SandraLo

原帖由 so1so 於 08-12-29 23:47 發表
我問過協康會要成600蚊50分鐘, 自己又負擔唔起, 排政府又等得耐, 閒閒地等一至兩年. 想問有冇其它機構有類似服務而唔洗排咁耐和收費比協康會平呢？...

600蚊50分鐘個d 應該係訓練唔係評估, 評估會貴d 但只係一次過...... 就算食少幾餐都諗計做咗先啦！一日唔做, 你都唔知個仔乜事, 要幫又唔知点幫, 知道咗先就算負担唔到都可以自己買書睇吓, 唔會錯失教導孩子的黃金期！

lancome115

原帖由 SandraLo 於 09-1-4 10:33 發表


600蚊50分鐘個d 應該係訓練唔係評估, 評估會貴d 但只係一次過...... 就算食少幾餐都諗計做咗先啦！一日唔做, 你都唔知個仔乜事, 要幫又唔知点幫, 知道咗先就算負担唔到都可以自己買書睇吓, 唔會錯失教導孩子的黃金期 ...

協康有個綜合評估係$600，不過就唔能夠評自閉症。如果要心理評估就要$3000。如果唔能夠負擔，就要等政府個邊。

lillymarie

原帖由 so1so 於 08-12-29 23:47 發表
我問過協康會要成600蚊50分鐘, 自己又負擔唔起, 排政府又等得耐, 閒閒地等一至兩年. 想問有冇其它機構有類似服務而唔洗排咁耐和收費比協康會平呢？


...

如果負担唔起, 就去政府睇啦, 通常第一次預約後兩個星期左右就見姑娘先, 姑娘會同你傾咗小朋友的情況, 然後佢地再開會決定你小朋友有咩問題, 需要邊類評估. 話就話等6個月, 但有些情況會快D見, 有些就遲D.

你小朋友咁細個, 有無去母嬰健康院見下姑娘/醫生? 俾佢地睇下你小朋友, 有需要的話咪可以轉介你小朋友去政府囉
呢個相信係最經濟的方法了