小五生學習態度

natnatbaby

小四下學期還好，暑假後至今，仍是賴皮，懶散，不願温習，成績下跌。無奈，無引。

marble2004

回覆 natnatbaby 的帖子

踏 入  青春  期???

natnatbaby

好煩，她盡左力，分數是不緊。但她不肯動手，吾知點算……，少少都發脾氣，講道理，鼓勵都無用，講到早完成功課以去玩，她寧可不去，仍堅持不做。很心灰意冷，覺得自己不懂教孩子。小五是升中關鍵時刻，真是又急，又無奈。'

洋蔥頭媽咪

原帖由 natnatbaby 於 14-12-02 發表
小四下學期還好，暑假後至今，仍是賴皮，懶散，不願温習，成績下跌。無奈，無引。



  ...

我估你小朋友可能比較倚賴，習慣有人督促，所以比較懶散，小五，小六要呈分升中，所以無論響操行，學業上都要努力，因好多同學仔都會響呢兩年發力，所以就算以往成績ok, 但不進則退，你唔努力向前都可能會退番落黎。
十歲嘅小朋友開始有自己思想，已經應該明白自己學業成績對佢地升中好重要。我囝今年都係小五，開學至今老師對佢地要求好高，佢亦開始覺得有壓力，有挫折感，有灰心，但我不斷鼓勵佢，幫佢刻服困難，經常同佢提及中學嘅野，讚賞佢嘅努力，引導佢思考，令佢知道而家操行，學業嘅重要性，同佢一齊面對，小兒已經開始回復狀態，所以我覺得家長支援對孩子係好重要。
或者你都試吓同小朋友多提中學生活，多ｄ鼓勵佢，支持佢，唔好鬧佢，同佢一齊定下目標，比佢知你會同佢一齊努力，孩子能得到父母認同，就會有動力去做好佢。
加油！

STee

恭喜妳在漫長升中路前有這麼好的開始，除了情緒和學業外，也要注意身體健康，希望妳的正能量能廣傳

natnatbaby

多謝，其實小四已經给她知道升中要求。她性格也是考試前才會認真一點。今年有帶她參觀中學，待她知道升中將近和要求。但仍然懶懶閑，好似我緊，她不緊的態度。

au6822

洋蔥頭媽咪 發表於 14-12-2 23:39
我估你小朋友可能比較倚賴，習慣有人督促，所以比較懶散，小五，小六要呈分升中，所以無論響操行，學業上都 ...

完全講晒我既心聲... 以上一番說話我由亞仔小4 已經開始講.... 我也不怕自己長氣一點, 抱住一個信念, 只要亞仔肯聽, 我唔會介紹多d 講升中既重要 !  用個心去關心佢哋, 孩子終有一日會感受到的 ! 努力 !!

洋蔥頭媽咪

原帖由 香香 於 14-12-07 發表
怎樣幫他克服困難？

我覺得孩子如果本身表現良好，鼓勵與讚賞可以係錦上添花，但若果孩子遇到錯折，失自信，父母嘅鼓勵與支持就會變成頗重要一環，培養孩子樂觀地去刻服困難，孩子將會一生受用。
分享番小兒問題
我係在職，所以自小已培養囝囝自律，自理，小三起我已全放手，囝囝成績唔錯，今天進入精英班，開學頭兩個月，我開始察覺到問題，發現囝偷喊過，功課頗多，老師要求高，功課改正改完再改，情緒出現起伏，話唔想返學，係五年來首次，我亦見過佢眠濕濕，於是我主動聯絡老師，得知各科老師都加強要求，致令小兒一時未能適應，eg.捉完格式捉字體，默書睇唔清筆劃就當錯，好幾年未見過嘅六字頭終於出現，老師更致電給我投訴兒子鬧情緒，對於老師提問不理采，我知道問題所在，所以一方面向老師解釋及協商吓並請老師幫忙鼓勵囝囝，另一方面先處理兒子情緒，回家我並沒責罵兒子，只係同佢講知道佢有壓力唔開心，因為失信心影響咗情緒，不如由我黎同佢分擔，所有家課我會幫佢望吓，尤其係改正嘅要求，字體教佢點寫會好ｄ，睡前我會幫佢按摩吓個頭，膊，背，手腳，開解佢，講好多中學生活比佢知，甚至同佢講番ｄ故事，當然係攪笑版，每日同佢頃有冇唔開心，好快已經發覺佢情緒定番，有番自信，亦已達到老師要求，現亦在努力中。
所以孩子成敗有時好受大人採取咩態度去處理。 共勉之

natnatbaby

原帖由 洋蔥頭媽咪 於 14-12-08 發表
我覺得孩子如果本身表現良好，鼓勵與讚賞可以係錦上添花，但若果孩子遇到錯折，失自信，父母嘅鼓勵與支持就 ...

半年後，又回來分享，情況改善不太，也沒發現孩子有什麼緊張，不安情緒，仍是這頭明白道理，轉頭也是愛理不理。呈一完結，實在痛苦，拖拖拉拉，每科也七字頭。最終也是考試前才認真少少，時間緊迫，平日又做不好，只有這樣成績。其實同小朋關係幾好的，她出街就拖着爸媽，也常摟住媽媽，平日一起也有分享，傾下讀什麼中學，大學的問題，她卻覺得我成日說教，給她壓力。一到温習時間，樣子又變了，面黑黑，人坐到快跌一樣。

我同意孩子十分依賴媽媽，因為一孩家庭，學習由小至大也由我一手跟，我在職，但回家時間都給她了。我不管功課，時常錯到八彩的，考試才重溫這些錯了又改又改的題目。但很依賴我教功課，不明也不願想，而功課書本每學期欠七，八次，仍是大意。默書，測驗我會捉她温。其實看個勢，重有三個月呈二，我再插手，成績也不會有突破，只會keep住甘上下D分數。本想趁放假要她每天做五條數，幾頁gramnar,二十分鐘可完成也不願做，我很想就此放棄，由她自己，後果可能她自覺反省，又或者D分跌到6字。

Yanamami

有無带佢去听下心儀中学升中简介会？參覌下中学开放日？有時如果細路鈡意左间中学，有左个目標，直接从中学校長囗中知道学校要求，可能会發力~
我女四年級已开始去简介会。

MrBeast

natnatbaby 發表於 15-6-23 00:17
半年後，又回來分享，情況改善不太，也沒發現孩子有什麼緊張，不安情緒，仍是這頭明白道理，轉頭也是愛理不 ...

孩子大了，講道理行不通的，試下＃10 講故事的溝通方法，但切記不要說:這故事教訓我地⋯

洋蔥頭媽咪

原帖由 natnatbaby 於 15-06-23 發表
半年後，又回來分享，情況改善不太，也沒發現孩子有什麼緊張，不安情緒，仍是這頭明白道理，轉頭也是愛理不 ...

係呀，時間過得真快，轉眼已經半年了，我地小朋友已經考完第一次呈分，感恩我兒響呢半年間已回復狀態，呈一成績係多年黎表現最好，呢d都係佢不斷努力嘅回報。
我經常和仔仔分享，一分耕耘一分收獲嘅道理，守株待兔故事佢細細個就識，我問佢你估世間有幾多隻兔仔會自己撞樹等捉，仔仔都會笑，我亦會同佢分享我返工辛苦，無奈自己讀書唔叻，就要付出更大勞力/努力才能得到較理想回報，你可以選擇先甜後苦或先苦後甜，你今日肯辛勤付出，他日選擇就會多，條路就易d行，你今日想舒服只喜愛玩樂，將來就要付出比別人多，才能有較好回報，每個人都有權選擇，媽媽只可以響我能力範圍內幫你 ，我兒好細個己經回答我佢想先苦後甜，佢話讀書辛苦都只係十幾年，將來有學歴揾倒錢就可以享受好多年，但唔讀好書玩十幾年，但將來揾唔倒錢要捱幾十年，當然係先苦後甜抵啦！呢d都係我仔自己答案 ，所以我覺得引導孩子思考問題會比對佢地下下說教來得更有效 。
其實你女女仲算乖，不過比較倚賴及錯敗感較多，功課佢錯得多你要主動出手幫佢，等佢減少錯敗感增強番自信先得，襯暑假試下揾專科補下，希望呈二，三追多少少，只要盡左力無論結果如何都唔緊要，或者考慮報定直資，唔駛灰心，行行出狀元，不過倚賴態度要盡快執，否則升中後家長跟唔倒好易失控。加油！

natnatbaby

原帖由 Yanamami 於 15-06-23 發表
本帖最後由 Yanamami 於 15-6-23 07:55 編輯

有無带佢去听下心儀中学升中简介会？參覌下中学开放日？有 ...

有去過兩間，時常話無所謂。

natnatbaby

原帖由 洋蔥頭媽咪 於 15-06-23 發表
本帖最後由 洋蔥頭媽咪 於 15-6-23 09:26 編輯

要講也講得多，不過沒嘗過真正的苦。一向給她很大自由度，多次提及自律。她做不到，给她自由只變成害她，她接受我協助我便幫助她，不接受我也不管了，為何我要看她面色，她考呈分，為何我要緊張過她。她的情況，如果直資不收，已經沒選擇。