各位媽咪...請給意見...

mi_wong

各位媽咪，

請給意見，囝囝剛剛讀F.1，買咗件新學校毛衣($100)用咗約一星期，就漏咗係學校唔見咗，跟住好似人間蒸發咁揾唔到。好鬼激氣，因為已經有寫名，都可以俾人著錯咗？點解D學生咁大頭蝦，著住人哋件衫成3星期都唔知，難為了我個衰仔近期凍都無衫著，唉!個衰仔又拾吓拾吓咁....吹漲....
如果係閣下....請問如何做好？？

C.Chiu

扣佢零用錢買毛衣.

Sania

我勸你買過件, 如果真係搵唔番, 唔通唔俾毛衫個囝著 ? 近來天氣咁涼, 但又未到要著校褸, $100 算喇. 男仔係比較大頭蝦. 下次叫個囝小心保管.

我個仔小學時成件新校褸响學校唔見咗, 又係寫哂名, 講咗俾校務處知, 睇吓有冇人執到交返去. 到畢咗業都未搵得番.

唔知係咪有D人貪心定故意, 我親耳聽過有個家長教佢小朋友(那時大約一二年班)無文具就去隔離攞. 反正佢有多. 嚇到我 O 哂咀. 以後我叫我個仔用普通文具算喇, 不過週不時都會唔見, 連一枝中華牌鉛筆都唔放過. 用到淨返少少就會自動出現番. 你話係咪一個謎.:tongue:

[ 本文章最後由 Sania 於 07-11-20 13:14 編輯 ]

mi_wong

吓...扣佢零用錢？？
佢已經盡力週圍揾﹐校務處都去咗好多趟，佢仲話唔通反起其他同學仔件衫領，睇吓係咪佢自己個名咩？我話打電話去學校問，佢又答唔通學校會為咗佢一件咁嘅外套，而勞c動眾去揾咩，佢仲叫我唔好傻啦...媽咪。點算好？？

ruby2004

原文章由 mi_wong 於 07-11-20 13:17 硐表
吓...扣佢零用錢？？
佢已經盡力週圍揾﹐校務處都去咗好多趟，佢仲話唔通反起其他同學仔件衫領，睇吓係咪佢自己個名咩？我話打電話去學校問，佢又答唔通學校會為咗佢一件咁嘅外套，而勞c動眾去揾咩，佢仲叫我唔好傻啦...媽咪。點算好？？ ...

買番一件啦 , 搵唔到架 , 我都試過 (小四) , d人真係好貪心

買番一件要$100 , 睇醫生要 ?$ , 仲要計埋唔番得學(假設)的損失.

khmama

算啦!我個女小學時連鉛筆都唔會唔見,家陣讀中二,已經唔見咗一對黑鞋,一件風褸,一隻手錶同埋一個水樽。仲成日要我幫佢搵野!

朱仔媽咪

其實唔可以怪他, 因為校服件件一樣, 其他人拿錯後又唔拿出來.  我們小時都試過喇! 提醒佢, 第一次就原諒佢, 買過件好過俾醫生費!

雲阿雲

好簡單,就是再買一件
只怪你個仔拾吓拾吓咁,沒有可能因為你一個人去反起其他同學仔件衫領

櫺囹桼

原文章由 mi_wong 於 07-11-20 12:29 硐表
各位媽咪，

請給意見，囝囝剛剛讀F.1，買咗件新學校毛衣($100)用咗約一星期，就漏咗係學校唔見咗，跟住好似人間蒸發咁揾唔到。好鬼激氣，因為已經有寫名，都可以俾人著錯咗？點解D學生咁大頭蝦，著住人哋件衫成3星期都唔知，難為了我個 ...

小朋友唔見野好平常...搵唔到就要買過！
我囡囡小學之時，有一次於校內唔見左冬天運動裝之風褸(都係有名有姓有級別...)...搵極都搵唔到(但係仲有幾個月就畢業~仲未減去夏季、唔涷唔使著...實際需要著得三五七堂！)，買又唔低唔買又驚涷親(小學生要著埋體育服返學)..最後佢搵D老友校工(我囡囡在校內無人唔識佢~佢自己話因為成績好、口才佳、運動叻啵...我就唔多認同！)...校工帶佢入雜物室...佢話簡直眼界大開，裡面有數以百計長長短短、大大小小、冬天夏天、燕瘦環肥、衫褲裙套...樣樣俱備，免費任揀！(全部都係冇人認領由嬸嬸洗乾淨後待領...間學校只不過幾年歷史已經積存咁多...百年老校咪可以攞嚟填海造地？)最後囡囡揀左一件較新淨要嚟防身~最終冇涷過唔使著！(又嫌件外套係2nd Hand呢！)
所以可能有名字嘅被冇名字攞錯左嚟著，而冇名字嘅就留係雜身室~~~一d都唔出奇！

KamLee

囝囝都試過唔見了運動外套, 情況就好似007的囡囡一樣, 囝囝話有好多不同 size 比佢選, 其實學校應該暑假攞出來作義賣籌款,

原文章由 櫺囹桼 於 07-11-20 22:46 硐表


小朋友唔見野好平常...搵唔到就要買過！
我囡囡小學之時，有一次於校內唔見左冬天運動裝之風褸(都係有名有姓有級別...)...搵極都搵唔到(但係仲有幾個月就畢業~仲未減去夏季、唔涷唔使著...實際需要著得三五七堂！)，買又唔 ...

lisachu888

原文章由 mi_wong 於 07-11-20 12:29 硐表
各位媽咪，

請給意見，囝囝剛剛讀F.1，買咗件新學校毛衣($100)用咗約一星期，就漏咗係學校唔見咗，跟住好似人間蒸發咁揾唔到。好鬼激氣，因為已經有寫名，都可以俾人著錯咗？點解D學生咁大頭蝦，著住人哋件衫成3星期都唔知，難為了我個 ...

same as my son, he has already lost a new sports jacket that only wore one time and a wool vest.  I really do not understand why he cannot find in school for he just left them in classroom.

C.Chiu

扣佢零用錢係想佢負責任.以後應好好保護自己的財物.

Yanamami

You should ask your daughter to knit one back
for you so that she knows it's not that easy to
knit one and hopefully she will be more careful
with her personal belongings.  Sometimes it's
not about the face value of the possession but
it's her mum's love and time.  She should
appreciated it and take good care of it.

原文章由 Charlotte_mom 於 07-11-21 14:48 硐表
我都覺得係, 雖然佢好努力搵, 但唔可以話佢無責任啊......
前2日至發生左件事, 就係星期一一早返學, 發現搵唔到件冷衫---我親手織左一個月架陰公!!
我呢2日係咁提我個女, 返學搵, 去校務處搵, 問校車ee........
我都 ...

樂樂

原文章由 櫺囹桼 於 07-11-20 22:46 硐表


小朋友唔見野好平常...搵唔到就要買過！
我囡囡小學之時，有一次於校內唔見左冬天運動裝之風褸(都係有名有姓有級別...)...搵極都搵唔到(但係仲有幾個月就畢業~仲未減去夏季、唔涷唔使著...實際需要著得三五七堂！)，買又唔 ...

你個女好叻,自己去搵,
我個仔又係成日唔見野,我就去佢學校,老師帶我去搵,
結果發現同你女一樣,好多校服冇人認領.

vespa

問題太簡單, 條氣係唔順, 但係都係個句, 買過罷啦.....

大人社會咪一樣經常唔見手機, 唔記得攞返把遮, 何況細路仔...

唔好鬧個仔啦, 同佢講: "仔呀, 下星期凍啦, 今日同你一齊去買過件外套, 唔係一下子凍親媽媽會擔心你架....."

eeyore0511

原來有咁多小朋友唔見外套，我個仔都唔見咗件開胸外套，係全新著咗3日咋，佢掛咗係椅背，跟住小息，返嚟課室已經消失咗，好衰唔衰又唔記得寫名喎！想揾返都難啦！但最離奇係第2日，佢隔離位個同學有件同佢一樣size同埋款式(有開胸同v領任選)，老師話好少人著開胸，多數都係v領，v領型d喎！咁我個仔都有d懷疑係佢攞咗，但佢都無寫名無得追，唯有買過件囉！大拿拿$140架！不過我叫佢以後要小心自己物品同埋d課本功課咁，咪比人手多多攞走你，咁就慘。