李宗德 Vs 祟真 Vs 音小

CaringFather

各位
感恩暫時有以上三校offer，家住天水圍，本身十分喜歡李宗德，因為見學校很有理念，好像比較有創意，而且校舍超級大，有自己泳池，而返學半小時內到，唯一考慮不是龍校，所以小五小六時要再煩憂多一次

至於祟小，從坊間聽到英文及國語好境，而且學校歷史有百年，校舍比較古舊，升中校網
十分好，但網上能夠搜尋到的資料十分少，包括學校本身好像也沒有社交媒體

音小最大吸引是一條龍

有些1516，不知如何選擇，大家有意見嗎

傾向崇小，大家有認識嗎

SerenaYuen_FB

回覆 CaringFather 的帖子

崇小係有龍仔(7成直升免試），但崇小同基崇對於你黎講會唔會遠或長遠會唔會搬？我唸你個個位要6：630或之前上校車可能，你自己check 下。
崇小有呈分，老實講，進可攻，退可守，而且而家基崇又升緊。崇小英文班英，普balance，國際班就英文好勁，所以佢地出去考中一係有一定的能力。 同埋黎緊，好似下年，新大樓就會開，到時會多好多特別室。另外，崇小基崇黎2,3年都轉哂校長，崇小校長都睇得出係aggressive 的，家長們對新校長都有信心，所以唔好預學校hea同唔忙。

northernstar123

可能考慮下中學校網和有冇私人d保姆車/自己車接送。

cora.ng

CaringFather 發表於 23-11-7 08:27
各位
感恩暫時有以上三校offer，家住天水圍，本身十分喜歡李宗德，因為見學校很有理念，好像比較有創意，而 ...

我係崇小國際部家長。
樓上家長講得岩, 轉左校長後aggressive左好多, 評估密集左每星期都有,  D書亦深左。
我個人覺得評估測驗某程度上係OK既, 因我小朋友唔係自動自覺型, 係要迫下。語境好好, 尤其是英文oral listening, 我覺得小朋友呢方面係OK的。串字就真係要自己搞掂, 功課係唔需要佢地去抄寫英文生字的。
如果你要報國際部就要注意下佢D中文, 因真係接觸得太少了。

GS有group project, 有D要喺google slide度交, 家長要有心理準備, 呢D都耗時間既。
之前我識唔少家長話學校好hea好淺happy school, 個人覺得唔係, 家長有D野真係要幫手。
或者係我冇其他學校比較所以唔知。

學校好多課外活動俾你揀, 亦有加強補底功輔班等, 有D直到18:00方便家長接送, 但全部另收費, 睇你個人選擇。
國際班有日文法文俾你揀, 就當係俾個機會小朋友去接觸下。

至於升中, 小學部同基崇唔係龍啊 ~ 最多只係優先收唔知幾多%咁。
其實都係睇成績同運動表現~

Marris

cora.ng 發表於 23-11-7 12:11
我係崇小國際部家長。
樓上家長講得岩, 轉左校長後aggressive左好多, 評估密集左每星期都有,  D書亦深左。
...

補充你所講 ：上個月開放日在宣傳單張詳細說明及基崇都有派老師親自講解崇小升基崇機制，分別係兩部各自首70% 成績學生，只要申請及交留位費，便可以直接取得基崇Offer 不需要任何面試及筆試

Marris

northernstar123 發表於 23-11-7 09:29
可能考慮下中學校網和有冇私人d保姆車/自己車接送。

崇小屯天元地區也有保姆車接送

CaringFather

回覆 SerenaYuen_FB 的帖子

謝謝你，也有認真考慮「孟母三遷」，但本身供緊樓，所以擔心額外交税
也在考慮揸車代步，因為太太和我皆在附近上班

CaringFather

回覆 northernstar123 的帖子

對啊，正有此意 🙏

CaringFather

回覆 cora.ng 的帖子

謝謝您的回覆，難得有用家的親身經驗🙏
我兒子是英文部，想問下兩個部的老師是否不共通的？

CaringFather

回覆 Marris 的帖子

這很吸引，同意「進可攻退可守」

CaringFather

回覆 Marris 的帖子

謝謝，不知幾早呢

CaringFather

李宗德我們這裡有用家嗎？或者有所聽聞？

SerenaYuen_FB

CaringFather 發表於 23-11-7 20:54
回覆 SerenaYuen_FB 的帖子

謝謝你，也有認真考慮「孟母三遷」，但本身供緊樓，所以擔心額外交税

甘你自己接送到就最好啦，學校課後可以參考功課班，有人同佢地做埋功課，溫埋書的，最遲可以6點走。對雙職家長黎講其實好好，返到屋企真係親子時間，想玩課外活動，學術野都學校幫你搞掂哂。
英文同國際部老師都應該係一齊用的，都係net 黎。

lot888

樓主三間小學真係天南地北，正常應選屋企付近，方便接送及多點時間休息。回說崇小，我係用家，我初小於此校就讀，後因搬家離校，我就讀時教堂還未有，原地方是個公園，有滑梯，有韆鞦，行落係球場，隔離有間屋，傳聞有鬼，所有小朋友都唔敢去，最多愉偷地行去當時中學部探險。(唔知EK有冇好似我呢種遠古校友)。由於情義结，我有帶小朋友in崇小，可惜肥咗。如果入崇小，目標應該唔係基崇，應該會向上望。如果讀得好，插去山腳嗰間，就真係美丽在望。

CR400AF

CaringFather 發表於 23-11-7 20:54
回覆 SerenaYuen_FB 的帖子

謝謝你，也有認真考慮「孟母三遷」，但本身供緊樓，所以擔心額外交税

你住西鐵站附近嗎？平日朝早有大量小朋友坐西鐵返學嘅，我相信巿區嗰兩間學校會有校車去美孚，呢個亦都係其中一個返學方法

Marris

lot888 發表於 23-11-7 22:24
樓主三間小學真係天南地北，正常應選屋企付近，方便接送及多點時間休息。回說崇小，我係用家，我初小於此校 ...

叉開少少話題，崇小同山腳果間完全唔同客路，完全兩種唔同風格，兩班唔同嘅家長，其實好多人呢兩間同時都有Offer，揀邊間真係想睇家長要啲乜.

CaringFather

回覆 lot888 的帖子

哈哈，畢業左好多年🤭

CaringFather

回覆 CR400AF 的帖子

家好近西鐵，就在隔離，有想過在美孚轉校巴，但美孚校巴好像要7點上車，其實學校返8:05am，唔知點解要咁早😅

CaringFather

回覆 Marris 的帖子

唔熟路，請問山腳是指邊一間 🤨

Marris

CaringFather 發表於 23-11-7 23:45
回覆 Marris 的帖子

唔熟路，請問山腳是指邊一間 🤨

SFA.