去邊度評估?

sdbus

我個仔20個月, 健康院轉介左去做發展評估, 上個月尾見完姑娘, 佢話下一步見專家, 不過要等六七個月, 到時先會話你知見語言定係自閉定係其他等等.

我想請教各位, 我應唔應該帶我仔去出面私家做評估? 同埋做咩野評估? 我知仔仔的發展一定係慢左, 因為佢上個月先開始有bb話, 仲未識爸爸媽媽拜拜, 我最驚佢自閉, 但係咁細個Check唔check到?

我現在目標係想知道仔仔咩野情況, 同埋可以做咩野訓練, 請問做評估或者咩野可唔可以話比我知呢d野? 多謝賜教.

Anpanmama

其實小朋友都仲細, 除非好明顯, 如果唔係都未知是自閉, 或暫時會介定為發展遲緩。
响呢段時間係可揾啲playgroup俾小朋友, 最好係協康, 樂天之類嘅機構, 因為佢地對一啲遲緩嘅小朋友有經驗, 識得帶領佢先表達.....

e.g.
青蔥計劃-為一歲至三歲有發展障礙幼兒而設的綜合訓練小組系列
http://www.heephong.org/chi/slp/slp_activity.php?id_postitem=1896
另外如果你怕等幾個月評估太遲, 可先揾私家醫生做評估...

[ 本帖最後由 Anpanmama 於 09-6-17 16:21 編輯 ]

anan3388

去邊度評估視乎你既經濟條件同埋你想得到什麼? (e.g. 有人要好專業得到一個確實答案, 有人為了排政府服務快d, 有人為了得到一個生理上為何小朋友會咁既解答... etc.)

自己訓練可到圖書館借呢套書:
自閉症兒童家居訓練

sdbus

其實我都唔會理佢係唔係自閉, 只係想知佢要咩野訓練就做. 做左冇壞.

請問本書係唔係公共圖書館有得借? 如果要買, 容唔容易買得到?

原帖由 anan3388 於 09-6-17 16:11 發表
去邊度評估視乎你既經濟條件同埋你想得到什麼? (e.g. 有人要好專業得到一個確實答案, 有人為了排政府服務快d, 有人為了得到一個生理上為何小朋友會咁既解答... etc.)

自己訓練可到圖書館借呢套書:
自閉症兒童家居訓 ...

anan3388

若係咁你可以選協康的青葱計劃, 基督教服務處心橋計劃, 邁步兒童發展中心, 樂天教室(應該仲有其他, 你可以睇返d舊post)~ 上網找下d電話打去問下, d姑娘一般都好helpful, 我問左幾間先明多d個情況然後再決定要點做~

唔駛書面報告的評估一般450 - 600左右, 然後佢會幫你排埋所需訓練(一般都係450 - 600 一堂)。你可以每間問下d價錢同埋幾時可以開始到訓練, 因為有d都要等一二個月。我個人問過基教同邁步, 結果邁步即時俾到我, 而基教到成個半月先俾到個期, 所以你可以間間都問下先~

若果你想排政府的服務呢, 咁就要去健康院, 排期見兒科醫生, 然後再由醫生轉介去排政府評估中心, 一般都成年先做到評估。想快d就找私人評估。私家醫院兒科或心理學家做比較貴, 5-6千蚊走唔甩, 一定要問埋若評估結果有需要佢地會唔會同你填表去社署排政府服務, 因為張form都好長, 唔一定會同你填, 要填左先排到

我自己係去邁步做, 評估2k若要填埋form +500, 個姑娘好 helpful~ 唔係心理學家直接見, 但我覺得無所謂, 因為我目的係排服務及知道囝囝邊度弱左要幫, 而唔係求一個答案佢係唔係自閉症, 所以, 我覺得ok~ 若想詳細d建議去返私家醫院或找心理學家做~

希望我個人的經驗可以幫到你啦

>請問本書係唔係公共圖書館有得借? 如果要買, 容唔容易買得到?
係.
問下協康會

[ 本帖最後由 anan3388 於 09-6-19 16:53 編輯 ]

sdbus

好多謝你d資料, 好有用.

我想問你而家有冇帶小朋友去上堂? d堂係唔係於辦工時間? 因為我見青葱d堂係辦工時間, 但係我要返工, 又唔想工人帶佢去, 仲要去石硤尾(我住北區), 唔知報唔報好.

原帖由 anan3388 於 09-6-19 16:25 發表
若係咁你可以選協康的青葱計劃, 基督教服務處心橋計劃, 邁步兒童發展中心, 樂天教室(應該仲有其他, 你可以睇返d舊post)~ 上網找下d電話打去問下, d姑娘一般都好helpful, 我問左幾間先明多d個情況然後再決定要點做~
...

anan3388

你逐間打去問下d時間啦, 因為間間都唔同, 又要睇當時有無期俾到你~ 邁步星期六上午都有, 在中環, 樂天既風評似乎都唔錯, 都可以問下, 不過在佐敦~ 一係你試下出 post 問下其他人知唔知邊d近你住既地方啦~或者都可以試下d私人上門訓練, 但要問其他人先知邊個好唔好了~ 其實協康會在粉嶺有個家長資源中心, 可以借書同用具, 你可以上佢地網站睇下個地址~

自己去係好d, 始終工人未必跟得咁足, 但若果你個工人係得既, 就可以帶埋佢去, 等佢學埋點同你的小朋友玩/訓練~ 當然親力親為係好d~ 我同我老公都有一齊上訓練, 變左兩個人都識點對阿仔, 效果仲好~

訓練依家有上呀~ 進展不錯呀~其實我唔知係仔仔大個左定係訓練幫左, 但, 姑娘俾的tips係幾好, 所以我都會繼續~

加油呀, 每個小朋友都有潛力去成長, 只係要找岩個位置幫佢進步~ 及早做野, 可以行得好快~ 其實我覺得我地上左訓練, 識左點同仔玩, 我地大家都更加開心左~

[ 本帖最後由 anan3388 於 09-6-24 23:24 編輯 ]