考小一樂器運動重要嗎？

pizzafat

因只有一年時間就要考學校，我仔對運動樂器興趣唔大，俾佢試過好多種都話情願上學術班，加上時間又有限，我擔心佢考直私或叩門時，學校覺得家庭無培育佢體藝方面發展

學校會睇面試和學術表現較重要嗎？禮貌、社交等方面都會繼續教

P.S 我仔暫時學術算中上

Mchacha

面試表現同學術最重要，其他只是錦上添花。

picalo

應該唔重要
我女冇運動、音樂cert
好彩也有幾個offer的

lskstephen

仔的話係重要

adriantai

我覺得考小一, 讀私幼、家庭背景呢D因素比運動樂器幫助更大.

不過主要都係睇學生同家長既現場表現多.

kisani

adriantai 發表於 19-11-11 08:25
我覺得考小一, 讀私幼、家庭背景呢D因素比運動樂器幫助更大.

不過主要都係睇學生同家長既現場表現 ...

agreed, 讀私幼依點都幾緊要特別一綫直私

jtw_ki

除非已經考到好高level，否則作用唔大

sunnymama2

可以係重要，亦可以講唔重要。
好似升中咁，第一樣睇的，一定睇你成績先。跟住睇你的才藝。

同樣，如果面試pass 唔到，樂器幾叻都冇用。如果past 到面試，學校出offer 之際，分數差不多時，學校可能會睇小朋友才藝去作出選擇。

adriantai

回覆 jtw_ki 的帖子

如果係K3 樂器已經考到好高級會唔會証明父母係怪獸家長多呢??

hideseek

我覺得運動幫到我小朋友

C.Humphrey

sunnymama2 發表於 19-11-11 10:34
可以係重要，亦可以講唔重要。
好似升中咁，第一樣睇的，一定睇你成績先。跟住睇你的才藝。

同意呀！面試分數最top嗰批，即係最適合學校要求，唔洗睇portfolio都會收，所以總會有家長講我仔女無任何體藝，都會有多個offer。

當遇到面試同分時，我都傾向相信學校睇portfolio揀人，體藝未必要有獎考級（五歲人仔可以有咩成就？），但學校會見到家長培育仔女既心思。

仲有好現實既問題，有個別學校填表報名時已分開學術同ECA兩欄，如果無學體藝，ECA嗰格就無野填了！

assado

好睇你考那間小學。
音樂, 運動, 球類都有不同種類, 可以俾小朋友作簡單嘗試, 上到小學都不可單單讀書, 有各類型比賽。
如游水, 一般都 P2, 3 都要識。