私家醫生做評估跟著直接排政府位

ktv

請問你們有沒有找私人臨床心理學家或醫生做詳細評估, 然後直接轉介去社署排隊, 排政府e/i/s位? 我今天聽人講話得, 話邁步可以做, 或找兒童發展醫生。你們有冇人試過? 邊到做及幾錢? 有什麼手續? 謝謝解答。

hinhinmummy

原帖由 ktv 於 09-7-23 00:16 發表
請問你們有沒有找私人臨床心理學家或醫生做詳細評估, 然後直接轉介去社署排隊, 排政府e/i/s位? 我今天聽人講話得, 話邁步可以做, 或找兒童發展醫生。你們有冇人試過? 邊到做及幾錢? 有什麼手續? 謝謝解答。 ...

我仔係評估中心做完評估之後, 因為吾服氣, 自己比$ 係養和再做評估, 佢地入邊得一個醫生(果時)做評估, 叫劉建真(依家還係吾係就吾知, 你最好自己打去問下)

當時因為我仔已經係政府做完評估, 已經可以排位(但我未去攪), dr lau 就話佢可以寫紙比我去排s位既, so 佢係可以寫紙比你排

而step, 聽聞都係

養和我果時做完拿埋report, 印象中差吾多要1萬元, 個report 要幾千元

而step, 就吾清楚要幾多$

Dr.T

資料提供：所有兒科專科醫生以及所有本地認可的教育或臨床心理學家也可以作轉介。

原帖由 hinhinmummy 於 09-7-23 15:48 發表


我仔係評估中心做完評估之後, 因為吾服氣, 自己比$ 係養和再做評估, 佢地入邊得一個醫生(果時)做評估, 叫劉建真(依家還係吾係就吾知, 你最好自己打去問下)

當時因為我仔已經係政府做完評估, 已經可以排位(但我未 ...

andylcm

我個仔係由step做評估後, 就排政府的s位. 評估費用 4千元. 但如dr. t所講, 有好多醫生/心理學家都可以做, 但唔係個個會做. 我個仔睇開的兒科醫生就無做呢樣野.

ioi

我知道在佐敦的兒科醫生謝韻婷可以做評估, 佢係按時收費, 首40分鐘$800, 之後每小時$1600 (即每15分鐘$400), 不過究竟評估要做多久我就唔知, 因為我都未做過評估, 另外她好不好我都唔清楚, 只係一位腦科醫生的護士介紹我去睇佢, 我囡囡下星期先去睇佢, 但唔一定會做評估, 初步只係想搵佢幫手睇睇MRI報告和俾D意見.

Geni

原帖由 hinhinmummy 於 09-7-23 15:48 發表


我仔係評估中心做完評估之後, 因為吾服氣, 自己比$ 係養和再做評估, 佢地入邊得一個醫生(果時)做評估, 叫劉建真(依家還係吾係就吾知, 你最好自己打去問下)

當時因為我仔已經係政府做完評估, 已經可以排位(但我未 ...

Dr. Lau 依家仲有O係養和同仁安掛牌, 我今年年頭先同個仔去搵佢做過評估, 埋單大約6千, 包埋report同referral letter. 我拎住劉醫生個report, 基本上度度都承認.

anan3388

好多地方都可以評估, 但係一定要問埋佢地會唔會同你跟進填將 form 2 俾社署, 因為張 form 都幾長, 若唔填又唔同你跟就排唔到政府 service.

我地在 STEP 做, 當時加埋 $2500, 依家唔知, 你打去問下幾多 $ 啦~

Rayca

我的女兒經健康院醫生懷疑有自閉傾向, 現等緊做assessment. 我知道要等很長時間才可輪到政府做assessment. 去協康要等2至3個月, 有冇其他地方再怏d, 她已21個月大了. 你哋講step 是什麼地方, 是私人機構? 可否提供多d資料.
請email給我你所講的資料. 很心急呀! 謝謝! [email protected]

ricatong

係唔係一定要搵兒科專科醫生評估後才可排政府位呢？

ktv

正如DR T講, 所有兒科專科醫生以及所有本地認可的教育或臨床心理學家也可以作轉介。

Step 即係邁步兒童發展中心, 係私人機構, 佢地係臨床心理學家做評估的, 政府也承認。網址﹕
http://step-hk.com/page2/page12/page15/page15.html

我搵過資料, 私人評估暫時發現都係邁步最平，又肯定有事的話佢肯轉介。但我book, 都要等一個月先有得評估。
至於協康, 我打去問過, 職員答我話佢地的評估唔包轉介去排政府i/e/s位o架, 佢話只轉介去排評估中心見醫生(等半年), 咁駛乜佢地轉呀, 普通醫生都可轉介了。

原帖由 ricatong 於 09-7-30 12:58 發表
係唔係一定要搵兒科專科醫生評估後才可排政府位呢？

[ 本帖最後由 ktv 於 09-7-30 14:51 編輯 ]

ktv

我最後都係搵咗佐敦的兒科專科醫生謝韻婷做評估, 佢收費都係$4000 (邁步的自閉評估都係$4000)。佢話評估係一口價包晒係$4000, 唔計時。如果想詳細d知道係spectrum中介於哪個位置, 就會要$6000。所以問佢職員時, 職員會答評估價錢介乎$4000至$6000。不過去到醫生係收我$4000, 已經很詳細了。小朋友咁細都好多機會變, 唔駛做$6000那隻。包一頁report, 填埋form 2 fax 去社署。醫生都很nice, 今日約第二日即刻有得做, 唔駛邁步咁等咁耐成個月先有得做。 而且係兒科專科醫生做, 唔係邁步咁係臨床心理學家做。

scholar

係咪評估完都要排好耐? 點解大家寧願去私家評估都唔等政府評估?

ktv

如果以轉介排服務的角度睇, 兒科專科醫生及認可的臨床心理學家都係差唔多, 都可轉介。如果係臨床心理學家, 要注意係咪有政府承認的認可資格。

我自己未搵過臨床心理學家, 只係我自己感覺上覺得醫生識醫人, 自己以為醫生收費應該貴過臨床心理學家, 如劉健真就幾貴,  而家發現謝醫生收費都係和臨床心理學家差不多, 就覺得好似抵d, 我其實無意輕視臨床心理學家, 請諒。

原帖由 pp819 於 09-8-11 17:28 發表
just wanna know which type of doc is better
兒科專科醫生 or 臨床心理學家
what's the difference of the assessment?
can someone advise?
many thx

[ 本帖最後由 ktv 於 09-8-11 23:50 編輯 ]

ktv

係呀, 要等好耐, 至於幾耐就要睇你在哪區和排哪種服務。例如荃灣的兼收位就要等超過一年。

原帖由 scholar 於 09-8-11 22:58 發表
係咪評估完都要排好耐? 點解大家寧願去私家評估都唔等政府評估?