我想問下健康院醫生排cac, 咁私家會唔會再幫你排架

我係女仔

我想問下健康院醫生排cac, 咁私家會唔會再幫你排cac架
我明天見健康院醫生, 咁過兩個星期去私家做評估, 跟住排位

scholar

明天見健康院醫生, 是第二次去cac吧?

如果是第一次,初診的只是姑娘,不是醫生.

如果真是見醫生,有需要就會幫你transfer到社署排位.

ktv

scholar, "我係女仔" 不是去cac, 只係去健康院咋。去完健康院, 先轉介去cac。

"我係女仔", 如果你去找私家普通科醫生, 佢地只可轉介去cac, 沒資格轉介你去排政府e/s/i位。既然你明天都去健康院, 如佢地肯轉介你去cac, 就冇需找普通醫生又轉介去cac, 轉一次就得。cac會見你啦。

如果你去私家兒科專科醫生或臨床心理學家如劉健真等, 佢地先可做評估及合資格轉介排政府e/s/i位。唔駛叫佢地轉介去cac, 佢地會直接幫你排e/s/i位。

找cac目的﹕排政府評估 (如你之前已找私人評估及排e/s/i位, 咁去到cac就告訴他們, 拿私人評估報告給他們看, 佢地會做另一些評估, 俾意見你, 唔駛又排位, 已排了)


找私家兒科專科醫生或臨床心理學家目的﹕早些評估及排政府i/e/s位。

原帖由 scholar 於 09-9-11 11:57 發表
明天見健康院醫生, 是第二次去cac吧?

如果是第一次,初診的只是姑娘,不是醫生.

如果真是見醫生,有需要就會幫你transfer到社署排位.

tt007

各位媽媽，其實政府的程序係咁既：
1. 由健康院姑娘觀察各BB的發展，如發現有發展問題，會轉介見健康院兒科醫生
2. 兒科醫生發展有需要，會專介去CAC(兒童體智能評估中心)
3. 第一次去係交資料&登記
4. 第二次係姑娘CALL你，但都係見姑娘
5. 第三次去先係見兒科醫生做評估(如果5歲以上先可以見心理學家)
6. 評估如果顯示小朋友有需要的會轉介去社工度輪候I/S/E位服務
私家兒科/心理學家係唔可以為小朋友做轉介輪候服務架，佢地頂多幫你將份報告FAX去你個區社會福利的綜合家庭服務中心，再由個度的社工約你面見攪排位。只有非牟利機構的社工先可以直接幫你做轉介--直頭係負責小朋友的個案，大家要了解清楚，唔係會浪費好多寶貴的時間，幾個月又幾個月咁，個小朋友都大啦！

ktv

我個意思係私家兒科/心理學家可幫你填表格, fax去社署, 之後唔駛講都知係社署社工搞啦, 社工會聯絡家長啦，唔通醫生會幫你做埋社署內部d嘢咩。如果冇醫生/心理學家的轉介, 社工又點會幫你搞呀? 你所謂的社工排位即係社署的內部手續, 我所謂的找醫生幫手直接排位係指醫生填表轉介, 唔駛等政府評估中心。就算係政府評估中心, 醫生轉介後, 當然都係社工搞手續, 唔係醫生搞啦。

我自己就係除了排評估中心外, 自己找私人兒科專科醫生轉介, 佢幫我fax資料去社署, 社署社工就主動聯絡我。找醫科專科醫生/心理學家時, 找話會幫人轉介那些, 唔係個個都做這些服務。

原帖由 tt007 於 09-9-14 10:22 發表
私家兒科/心理學家係唔可以為小朋友做轉介輪候服務架，佢地頂多幫你將份報告FAX去你個區社會福利的綜合家庭服務中心，再由個度的社工約你面見攪排位。只有非牟利機構的社工先可以直接幫你做轉介--直頭係負責小朋友的個案，大家要了解清楚，唔係會浪費好多寶貴的時間，幾個月又幾個月咁，個小朋友都大啦 ...

[ 本帖最後由 ktv 於 09-9-14 15:39 編輯 ]