我個仔就黎26個月,都未識講野!!!好擔心....怕係自閉症~

希喬媽

但看資料有0的唔明,請指教下~
1).我個仔會講媽,daddy,喂,咩野ar...但係係無目的地講...即唔係對住媽講媽....多數時間講太空話!
2).好細個有撞頭習慣,但現在唔太理佢呢個動作,已明顯少左做,但經常訓在地下喊!
3).好怕陌生人,帶佢游水近0的BB或大人都唔制(佢唔怕水的,出去玩都係咁),攬得我好緊,但走時叫佢BYEBYE,佢又會同人做,俾糖佢的話都肯拖陌生人隻手,而且同親戚的小朋友玩又得WOR
4).唔鐘意時就大叫大喊大哭(e.g.:拿走佢的東西)
5).我指示佢做的動作都會做(e.g.拋垃圾,拾玩具等)
6).叫佢名多數都會擰過黎,人地叫就一時時,專注玩同看電視就要叫好多次...
7).想要的東西就捉住我隻手去拿
所以都唔知點...仲左一半半,已經報左N1,9月返學,母嬰院就約左星期四見姑娘先,等政府都死得,想問私人評估多少錢,想早0的知結果,早0的安排,......還有,,自閉症和自閉傾向係咪有分別,是否後者較輕微?好擔心!

[ 本帖最後由 希喬媽 於 09-8-24 21:10 編輯 ]

billman

http://www.linkscdc.com/content/view/29/40/lang,zh/

試下打去問下!

希喬媽

真係好,收到咁多有用的資料,thanks!
而今日我就去左幼兒園取校服,見到老師就問下佢呢個問題,但佢見到我個仔就話唔似,老師的年資都唔細,佢話佢見咁多小朋友,話如果有問題都會看得出...之後佢叫我個仔,再用手拖住佢,我個仔唔制拉緊我叫一叫,之後老師同佢講byebye時,佢都有做手勢,咁老師話8成唔多似自閉,佢話等仔仔返一兩個月再評論,到時有問題的話便會介紹專家給我,現在唯有祈禱,希望仔仔冇事啦!

我係女仔

我都好擔心呀, 我個仔17個月仲未識輝手byebye, 同埋成日唔采人, 叫佢個名好大聲有時都唔應

希喬媽

咁佢都仲好細個,唔駛太驚....1歲半再去母嬰院講,我今日見完等見醫生都要去到10月頭...佢話一日見一個jar...真係慘~

MARSTEN

兩歲未識講野唔等於係自閉既,我有個朋友個仔3歲都唔識講野,不過佢只係整體發展遲緩

至於撞頭同怕水果d只係感統失調,遲緩都分好多種,有d人只有一樣,有d人通常有幾樣

原帖由 希喬媽 於 09-8-24 21:05 發表
但看資料有0的唔明,請指教下~
1).我個仔會講媽,daddy,喂,咩野ar...但係係無目的地講...即唔係對住媽講媽....多數時間講太空話!
2).好細個有撞頭習慣,但現在唔太理佢呢個動作,已明顯少左做,但經常訓在地下喊!
3).好怕 ...

scholar

希喬媽,我聽你咁講都唔覺佢係自閉.人地同佢講嘢佢會望人,又識打手勢同人溝通.老師都話幫你留意,有問題的話再介紹專家給你.你不用太擔心啦.

我囡囡都有類似情況,在評估後,姑娘教了我幾個教囡囡的方法,幾日間已大有進步.(因為係針對我囡囡而用的方法,在此不透露了)

我覺得只要找出問題所在,再針對問題改善教法,真係事半功倍.

KSWKSW

请问你仔仔读边间学校啊? 果老师听落都不错, 我想帮我仔仔转校, 可不可以话我知果学校名,多谢!

原帖由 希喬媽 於 09-8-25 20:06 發表
真係好,收到咁多有用的資料,thanks!
而今日我就去左幼兒園取校服,見到老師就問下佢呢個問題,但佢見到我個仔就話唔似,老師的年資都唔細,佢話佢見咁多小朋友,話如果有問題都會看得出...之後佢叫我個仔,再用手拖住佢,我 ...

希喬媽

原帖由 KSWKSW 於 09-9-14 16:55 發表
请问你仔仔读边间学校啊? 果老师听落都不错, 我想帮我仔仔转校, 可不可以话我知果学校名,多谢!

已pm你,我感到佢返左一星期多....係多野講左(但老師話佢唱歌就尖叫),雖然都係太空話,但多左聽到叫媽咪,唔該同byebye,以前佢byebye只是會揮手..現在偶爾會講bye都好開心...我之後都看左好多資料,我都感到佢可能似發展遲緩多0的,但希望盡快揾到個問題去針對幫仔仔啦~

KSWKSW

我囝囝都27個月, 同樣未識講嘢, 可唔可以話我知你個仔讀緊邊間, 因為而家間幼兒園真係好差, 好後悔!!!

ChattyST

我有時會建議家長揀有兼收位既幼兒園.
因為有兼收位老師, 容易啲發現小朋友係發展上既問題.
同埋佢地既老師通常有多啲進修機會, 知識都比較UPDATE!

conconma

我有一份關於幼兒自閉症check list, 你有email 嗎?  可send 比你

其實每個自閉症0既症狀都未必一樣, 當我覺得我個仔係自閉, 而老師同親戚都話佢會同人玩, 又活潑, 冇理由係自閉

不過, 因為我讀過特殊教育, 我見阿仔有好多項都中0左, 就同佢去評估, 結果真係...仲要係中度

6ozstung

Hi Canconma,

Can you pm your check list to me as well?

My son is 28 months old now, has many sympthoms same as 希喬媽's son.

Thanks a lot.

conconma

咁係可唔可以比過email我?

thx

希喬媽

我的e-mail係[email protected]
thanks!

原帖由 conconma 於 09-9-24 19:24 發表
咁係可唔可以比過email我?

thx

ricatong

自閉症的定義：
根據在美國精神科學會 (American Psychiatric Association, DSM-IV-TR, 2000), 自閉症有三大特徵，包括:

• 社交能力發展障礙 ;
• 溝通能力障礙 ;
• 重複刻板及有限行為、興趣、和活動模式

而要被診斷為自閉症患者必須要有(1)、(2)和(3)特徵內的項目總和達六項或以上:

1. 社交能力發展障礙 (表現為至少二項)
a. 在使用多種非語言行為〈例如眼神交流、面部表情及  社交手勢等〉來協助社交互動上有明顯障礙；
b. 不能發展與同齡兒童應有的同伴關係；
c. 缺乏自發地尋求與他人分享樂趣或成就的機會；
d. 缺乏社交或感情的相互關係。

2. 溝通能力障礙 (表現為至少一項)

• 口語語言發展遲緩或完全缺乏；
• 雖有足夠的言語能力，而不能與他人開始或維持一段交談；
• 刻板地重複一些言語或奇怪的言語；
• 缺乏各種自發的兒童假想遊戲或社交模仿遊戲。

3. 重複刻板及有限行為、興趣、和活動模式 (表現為至少一項)

• 沉溺於某一種或幾種刻板、有限的興趣，而其注意集中的程度卻異常；
• 固執於某些特殊而不具形規或儀式行為；
• 刻板重複的身體動作行為（例如，前後搖晃身體、頭部、室內繞圈等）；
• 持續專注於物件的某些部份。

希喬媽

都真係要揾人評估先知...只看文字都感到一點疑惑~
終於去左健康院見醫生,佢幫我個仔做左小小test,初步醫生話佢有自閉的機會較少,智力正常,但言語遲緩估計約1年,而且理解力較弱,要進一步去CAS做一份詳細評估確定,睇下有冇需要排I位....呢個結果都係我預期之內...有自閉的機會較少都已經算係輕鬆左...不過都係要等最後的結果先至可以對正下藥,希望只係如醫生所講只有言語的問題啦...我知道言語治療已經唔平...請問有冇價錢便宜,又有口碑的治療師介紹...我個仔現在開始有跟我講少少單字,但係係鸚鵡式那種,唉...點樣先可以幫到佢~

[ 本帖最後由 希喬媽 於 09-10-8 02:18 編輯 ]