band2生派到band1中學其實係咪好事?

melody765

見到有家長話仔女原本係band2,派到band1好開心,但其實讀上去係唔係跟得上?定係讀書風氣會令到學生潛移默化?
我小朋友未升中,佢目前成績係中游好少少,唔知佢發唔發到力,plan黎緊揀咩中學好,係咪應該要進取d

minnieevergreen

我覺得每個case都唔同
先講能力﹐如果佢係band 2 只因為佢懶﹐而且佢本身英文好﹐我覺得只要派果間唔係B1A既﹐應該handle到。但如果本身已經努力溫、或者本身英文都唔好﹐我覺得真係無謂勉強﹐揀一間有開英文班既B2頭學校﹐到真係入到英文班讀唔掂﹐都仲可以中文教學。

0030

主要睇小朋友個性～

gracelam

melody765 發表於 24-7-15 12:30
見到有家長話仔女原本係band2,派到band1好開心,但其實讀上去係唔係跟得上?定係讀書風氣會令到學生潛移默化? ...

本身英文底又唔好， 勁補習督住先B2 －B1尾生， 呢啲去到咪自求多福⋯⋯

隔離post咪有個碌入B1a 中學， 中一全年得中文及中史合格， 英文2x分…….

小學得中英數常， 中一有IS History 中史 Geo CS (Bible Home E 如有）， 再加上青春期……… 想讀好咪要加幾倍努力！

200904

我覺得主要是能否適應用英文上堂，如果本身英文底子差，真係越學越沒興趣。

LeeCC

視乎band 2原因是因為偏科，還是各科都只是band2水平

識人小六band2,數強中英弱，入band 1尾，初中數理科級頭，語文追返上中游，但平均分排名唔高，因為中西史地理幾科不合格/合格邊緣

上到高中，不用讀拉佢後腳的中西史，專注讀佢的數理強項，不得了啦，除了中英文科，全部級第一名

melody765

gracelam 發表於 24-7-15 14:30
本帖最後由 gracelam 於 24-7-15 14:37 編輯

本身英文底又唔好， 勁補習督住先B2 －B1尾生， 呢啲去到 ...

英文唔係最叻但唔係差既,平時都督佢睇下英文書,有時打機都要睇英文

acgy

minnieevergreen 發表於 24-7-15 12:47
我覺得每個case都唔同
先講能力﹐如果佢係band 2 只因為佢懶﹐而且佢本身英文好﹐我覺得只要派果間唔係B1A ...

同意要睇英文水平 , 同成績係咪谷出來 .

gracelam

melody765 發表於 24-7-15 16:55
英文唔係最叻但唔係差既,平時都督佢睇下英文書,有時打機都要睇英文

升小五？如果英文同數學ok, 去到B1中學係可以追，尤其男仔，學校讀書氣氛好，中三開始如脱胎換骨。

cattz288

LeeCC 發表於 24-7-15 16:23
視乎band 2原因是因為偏科，還是各科都只是band2水平

識人小六band2,數強中英弱，入band 1尾，初中數理科 ...

咁都要唔好成績差令佢無得揀理科先得喎

LeeCC

cattz288 發表於 24-7-15 17:15
咁都要唔好成績差令佢無得揀理科先得喎

佢學校選科唔係睇平均分，係睇選修科的級名次

lot888

俾我就會試，小朋友潛力無限，唔知幾時到頂，如遇一班好友，小朋友又鬥心強，灣道超車非難事。但要兩手準備，密切留意，如真跟唔上就轉校，切忌留戀。我本人極唔讃成中一留班，對小朋友有懷影響。

mcl233

明明直屬中學就年年收到班B2自己學生，偏偏就係視而不見，拎住個別事例去以偏蓋全～～～

fasola

LeeCC 發表於 24-7-15 16:23
視乎band 2原因是因為偏科，還是各科都只是band2水平

識人小六band2,數強中英弱，入band 1尾，初中數理科 ...

但咁樣偏科, 到高中選科未必有得揀.
我自己數理好, 英文麻麻, 連帶文科類科目都係. 屬1A學校. 當年中四反而入唔到理科, 因為學校只係睇總分.
如果有得再揀, 寧願去間1C-2A 學校, 起碼中四揀到心儀科目, 人生成條路都唔同

fasola

睇現時英文程度重要. 英文要長期浸. 一兩年難追到一向英文好嘅同學.
如果已經小五升小六, 無謂勉強.

LeeCC

fasola 發表於 24-7-16 11:31
但咁樣偏科, 到高中選科未必有得揀.
我自己數理好, 英文麻麻, 連帶文科類科目都係. 屬1A學校. 當年中四反 ...

所以知小朋友係偏科，中一選校時要考慮埋每間學校高中選科政策

勸勉明知小朋友有偏科情況的家長，唔好抱有小朋友上中學會改善的幻想

當年我選校考慮埋選科政策，有家長話我唸得太多，小朋友上左中學會改變，唔洗唸太多，結果係到佢個偏科女兒，在band1中學選科時，綑綁式，而且要睇總分，聽完簡介會，在朋友群組內鬧爆自己學校選科政策，什麼對學生不公平

10090

fasola 發表於 24-7-16 11:31
但咁樣偏科, 到高中選科未必有得揀.
我自己數理好, 英文麻麻, 連帶文科類科目都係. 屬1A學校. 當年中四反 ...

睇邊區，中產地區多學生中途出外國讀，升中四時已經走咗兩成學生，變相揀科易咗

Gud567567

如果本身中英數唔太差, 升到上中學又聽得明,睇得懂. 大家都是一同上課, 為何一定會跟不上所謂BAND1學生呢?

tkinwong

如果個學生本身唔係勤力向學, 係惡夢嘅開始.