宣道 vs 崇真vs 音小

lompus

男仔較文靜，鐘意睇書同英文，暫時未學樂器，但唔抗拒學幾器，target band 1 英文中學/直資中學（唔駛神校DBS OR SPCC)，基督教家庭


APS: 最近屋企，升中成績好，但唔知仔仔可否同時兼顧成績及樂器？

崇真（本地）： 有70%入基崇，但校舍較舊，學費最貴

音小：較屋遠，一條龍升中，老師關愛，但無運動興趣班，同小提佢有STEAM , 無呈分試，難跳船

請問大家會點揀？

Bicanna

第一 APS

第二 崇真（本地）, 如果著重英文, 就崇真好~

bighero

APS 學術同樂器都好好, 升中又好, 最緊要近屋企, 諗唔到咩原因會揀其他2間

yuen0519

你要問下自己小朋友同自己谷唔谷得，谷得就Aps。
唔谷得就另外2間，其實崇小同音小都唔淺唔小野做。但崇小就英普都唔須要太擔心。

APS 你預入學前，就要教佢識哂小一上學期的野，亦會教快。每個小朋友同家長接受能力唔同，目標亦唔同，所以你要問自己想小朋友點，因為升中好的同時，要付出的野同時間亦一定成正比。好似我，我就唔須要教快，亦唔想大家甘辛苦，想小朋友多D 時間玩，唔外補，所以我自己就會選崇小，因為有語境，我自己著重語境多過學術有幾勁幾勁，我只想小朋友有多d 時間玩下。

miumiu114

APS除了數學教快半年，
中英都冇教快。
學校有功課堂，
如果小朋友肯在學校做，
大部份時間都可以完成8成功課先返屋企。

如果唔討厭音樂，
基本上只要肯學，都可以參加學校樂團，
唔駛爭崩頭，就可以跟很有經驗的樂器老師和指揮學習。

lompus

bighero 發表於 23-12-3 10:49
APS 學術同樂器都好好, 升中又好, 最緊要近屋企, 諗唔到咩原因會揀其他2間

謝謝你的建議，我都諗緊，不過唔知會唔會太谷(emoji)

lompus

miumiu114 發表於 23-12-3 17:09
APS除了數學教快半年，
中英都冇教快。
學校有功課堂，

謝謝你咁詳細的意見☺️
請問係咪仔仔/ 囡囡在讀APS?
想請問會唔會好chur ?
英文無教深，語境如何？

Marris

我小朋友男仔讀崇真，現在就讀二年級，也有同年紀要好經常聯絡的幼稚園朋友讀宣道，也是二年級.

其實小學一年級基本上都係小朋友適應期，一開始唔會有太多功課，始終大家只係剛剛由幼稚園升上來入讀第一年小學, 但家長要明白小學係讀六年時間，當小一蜜月期過咗之後，隨着學生及家長適應，學校就會開始慢慢發力，之後各學校風格上會有大大不同.

其實三間學校嘅教育風格，學習氣氛，家長群都會有好大分別，見意樓主應該細心研究三間學校嘅優點同缺點了解一下那一間學校比較適合小朋友及家庭計劃才好作出抉擇，不要只聽網上意見，尤其是男孩子比較坐唔定，唔係間間學校都適合

yuen0519

lompus 發表於 23-12-3 22:19
謝謝你咁詳細的意見☺️
請問係咪仔仔/ 囡囡在讀APS?
想請問會唔會好chur ?

其實谷谷3寶點會唔谷，當然有D 家長會覺得唔谷，可能個D 小朋友個底好，學野又快，做功課又快啦。但係唔付出，點會升中甘好，其實家長真係唔好太多幻想。。。。。。你可以問人拎小一，小二D exam paper 睇下，我睇完sfa D卷就知留位費都可以慳返，因為太chur ，當然同時有D 家長覺得唔chur。所以你問人chur 唔chur 無用的，你自己去感受下同比較下就知。

canadababy93

我覺得要看小朋友性格

我大仔宣小畢業, 性格乖巧, 做野很快手, 記性好及樣樣事都能配合, 故此好適合讀宣小, 宣小適合快手及專注力高的小朋友, 一班40人大班教學, 小朋友自己要跟到,  學校對樂器要求其實不高, 只係家長自己想快人一步理想達到, 升中非常好

小女文靜, 現讀音小, 老師非常關愛, 會有好多小朋友上課照片給家長, 測驗評估我覺得密, 唔算happy school, 我小女返學好開心, 直升一條龍係優點, 不用煩呈分試