如果有得揀，喺香港讀國際學校定係去英國？

markBB

朋友個仔喺本地讀一線小學,  剛剛轉左去一間出名嘅國際學校，原本諗住兩年之後去外國讀書 （已有幾間英國boarding School收左），但見國際學校既大學placement 非常好，而家諗緊應唔應該繼續留係度讀到grade 12. 大家點睇下？

Ruby1219

markBB 發表於 18-3-10 15:50
朋友個仔喺本地讀一線小學,  剛剛轉左去一間出名嘅國際學校，原本諗住兩年之後去外國讀書 （已有幾間英國bo ...

睇佢想大學響邊度讀，如果target 英國top U, 應該係英國top boarding school 好過香港top IS.但如果target 美加、澳洲等其他國家嘅話，咁就應該香港top IS 好啲。
另外睇下佢留學係咪純為考大學。

markBB

其實朋友想移民好耐，不過成日都揸唔定主意。所以出國係遲早既事。英國收佢嗰啲 boarding Schools 呢度又話又好似好多香港/中國人, 反而而家九成九時間都係講英文。原本早啲去係想適應環境，而家有d擔心。

tingtingb

markBB 發表於 18-3-10 21:20
其實朋友想移民好耐，不過成日都揸唔定主意。所以出國係遲早既事。英國收佢嗰啲 boarding Schools 呢度又話 ...

有朋友個女在香港讀國際學校，前年去英國讀Year 10，在香港時極少講中文，但去咗英國反而講嘅係廣東話囉！

noel2010

多方面的語言都很重要，又不能看低中文及廣東話。

亮燈

tingtingb 發表於 18-3-10 21:53
有朋友個女在香港讀國際學校，前年去英國讀Year 10，在香港時極少講中文，但去咗英國反而講嘅係廣東話囉！ ...

廣東話一定要識，真正既華夏文化。

brother4

孩子丫７去芵，曽經全年一個華人學生都冇，現平均每级有一個華人學生，反而homestay處多香人學生，９月轉新校多日本女生 ，孩子最

markBB

咁你哋去之前係咪已經知道學生嘅分布情況? 另外分別係而家讀緊IB ,如果係英國要轉去GCE ,而家孩子好似鍾意IB嘅教學方法。

markBB

回覆 亮燈 的帖子

廣東話一定冇問題，因為已經讀完小學。英文慶幸之前有跟開, 所以沒有大問題，亦與外籍朋友相處融洽。

brother4

markBB 發表於 18-3-10 22:45
咁你哋去之前係咪已經知道學生嘅分布情況? 另外分別係而家讀緊IB ,如果係英國要轉去GCE ,而家孩子好似鍾意I ...

好奇，ｌＢ教學方法好處？

noel2010

我仔全英中小學，中文用普通話教，Year 9 去英時不多香港人，year 11 朋友多大陸人，學到一口流利北方普通話，大學多同香港人玩，現在大學三種語言lok lok 聲。同我講電話用廣東話外，日常已全英文生活，回港人哋以為佢是ABC。他們現階段學語文最入腦，所以不應太介懷。

noel2010

markBB 發表於 18-3-10 22:45
咁你哋去之前係咪已經知道學生嘅分布情況? 另外分別係而家讀緊IB ,如果係英國要轉去GCE ,而家孩子好似鍾意I ...

英國都有好的IB boarding school。

Ruby1219

tingtingb 發表於 18-3-10 21:53
有朋友個女在香港讀國際學校，前年去英國讀Year 10，在香港時極少講中文，但去咗英國反而講嘅係廣東話囉！ ...

我仔都係由細讀國際學校到year 10 去英國，但佢boarding house 唔多香港同中國人，佢都係群鬼仔玩，到year 12 多咗幾個香港local schools 去嘅同學，阿仔同佢哋一樣A level 揀Math 同Science 科，入哂top set, 咁就對得多同friend 咗，我個仔啲廣東話進步咗好多，仲開始聽下廣東歌，我覺得幾好呀。啲英文又唔會因為咁差咗嘅,因為佢仍然keep 住有同鬼仔玩。

亮燈

markBB 發表於 18-3-10 22:46
回覆 亮燈 的帖子

廣東話一定冇問題，因為已經讀完小學。英文慶幸之前有跟開, 所以沒有大問題，亦與外籍朋 ...

咁就冇問題喇！如果有時間就學埋正體中文，如成語、唐詩…就更好喇！

1998Ruby1998

如果佢係一心一意要同中國人玩，咁有幾多外國人，佢都唔會去同外國人埋堆。同樣道理，如果係同中國人唔夾完全搭不上嘴，咁佢情願自閉都唔會同佢地埋堆。

不過國際學生多數會容易同外國人打成一片，畢竟英文程度同文化圈 on par，相比之下比較少本地學生／中國學生會能夠做到呢個程度。

如果佢已經習慣英語環境長大，英語係第一語言咁使用，咁最多都只會「生疏」，講返一兩句即刻返曬黎，唔會話大退步。香港學生去英國，完全唔接觸廣東話，佢地 d 廣東話都唔會退步啦。

其實應該開心，係英語環境之下有其他語言交流，對個人發展有好處。廣東話熟練 d，可能對父母關係會更好。

至於 IB 定 GCE 好，就要睇下孩子自身能力。如果係 Phy Chem Bio 等專科特別出色，咁讀 GCE 會更加有利奪取好成績。IB 更適合通才，而且學生需要好似大學生咁，每一科都要自動自覺去探索更多知識，要科科都有興趣肯付出。呢點唔係咁多人做到，歷史地理叻未必理科可以考得好，理科叻未必藝術、語文叻。成績唔平衡的話，讀 IB 會辛苦 d，某種程度上同 DSE 近似。