學樂器的，但沒有考任何試，然也有相當的水準及成績

zitaeric

有冇學樂器的，冇考任何試，但演奏得有相當水準。可否分享當中的歷程……

riceylee

其實應該好多樂器, 都唔一定要考級先有進步, 一來要睇老師點教, 最重要係小朋友有無興趣~:dadday:

zitaeric

在香港，真係好難見到學樂器而吾考級的，有個樂器教室的主持人話吾考級的同考級的，一定是吾考級的學得多好多……一個普通人，例如學琴，肯每曰練，小六前八級係可以的……但通常每年為了追考試時间，只有狂練那幾首歌吧……
只有香港是一個咁奇怪的地方，極少会見到外地是這樣……

bebebe12345

許多都是有歌在手·····順便而已!
毎年都考的甚少!
而且演奏水準高低、與考不考試沒必然關係和沖突!

Sindy

zitaeric 發表於 14-6-15 09:38
在香港，真係好難見到學樂器而吾考級的，有個樂器教室的主持人話吾考級的同考級的，一定是吾考級的學得多好 ...

我女無考級, 純粹興趣, 見到有興趣既曲目, 本身料唔夠, 佢就要提升自己, 最重要係點欣賞音樂...

zitaeric

原帖由 Sindy 於 14-06-15 發表
我女無考級, 純粹興趣, 見到有興趣既曲目, 本身料唔夠, 佢就要提升自己, 最重要係點欣賞音樂...  ...

真係好難得，一定興趣很大才会這樣，希望在你們身上偷師到……
决定不考級是家長、老師还是學生本身的唸法，又怎樣提升能力、興趣等，会否参加很多公開比賽呢？

786

原帖由 Sindy 於 14-06-15 發表
我女無考級, 純粹興趣, 見到有興趣既曲目, 本身料唔夠, 佢就要提升自己, 最重要係點欣賞音樂...  ...

我小朋友也無考級，但九月考第一次--5級。
沒有考試的過程中，參加了三年校際，拿了兩年獎。沒有考試，的確學得更多。有幸校際拿獎令小朋友繼續有興趣。事實上，小朋友很少無獎勵而有興趣。所以，我是讚成參加那些係唔係都有獎的比賽，不是為了portfolio,而且維持他們的信心和興趣。

stinkyrabbit111

我地都無諗住谷囡囡考試，只是順便玩下而已，學其他歌時插一隻學下，不傷感情

musickwong

有考級，希望定立目標，級試且涵蓋scale 同其他sight reading / aural training，未嘗不可。至於比賽方面，能否出勝，要去彩數 及其他因素。不過，比賽絕對係一個好的體驗，擴闊了自己的眼界不少呢！

Sindy

786 發表於 14-6-15 17:18
我小朋友也無考級，但九月考第一次--5級。
沒有考試的過程中，參加了三年校際，拿了兩年獎。沒有考試，的確 ...

無考級, 有參加校際, 拎過獎... 其實我想佢彈多D歌, 多過拎住張幾級幾級cert... 佢都有朋友考左八級, 但佢話真係為cert而考級, 可幸佢唔係呢種...

Sindy

zitaeric 發表於 14-6-15 16:53
真係好難得，一定興趣很大才会這樣，希望在你們身上偷師到……
决定不考級是家長、老師还是學生本身的唸法 ...

其實最初一級時有考, 果時四歲幾, 我見佢咁細過為左考試都有壓力, 所以之後我都無叫佢再考... 咁佢D老師都同意... 後來有個大師級話皇家張cert係香港有用架啫, 佢係美國音樂學校都唔係睇呢D, 所以我好放心咁比佢自由發揮, 有時佢都會話阿邊個邊個有八級, 咁我問返佢, 你考左一級, 你覺得你會唔會只得一級丫?咁佢諗下又係, 考左幾級又點, 係咪真係有先得, 佢自己都唔鐘意太操練一首歌.. 之前有參加校際, 五年班開始都無玩... 佢鐘意自己彈自己想要既野, 我話, 啱啦.. 嘻嘻, 音樂家就係咁, 你入形入格喇... 嘻嘻

zitaeric

多謝各位很好的經驗。

考級應該容易話比人地聽學生至少的水準，或多或少也同香港的教育制度掛勾，也没有好定不好。

因為着實較少人吾選考級去行學音樂這條路，好想聽聽一些成功家長難得的經驗。希望藉你們的经驗揀選一條合適的音樂路……

我小朋友都是学两種學器，一個有考級，佢不抗拒，成績也不差，但考試終歸考試……
為考試，那一年，一定要練好考試的部份，怎会不悶，明明已熟練，為了考试，还是不夠……
考試對部份考生是推動……但無疑對另外部份是反面，從此對樂器沒有興趣，或當完成家長的任務後，就等於完結。。。。

另一樂器，佢堅拒考級，佢對這種樂器有極奇興趣且每曰俱增，但作為家長的我，没有經驗行這條路……没考级，怎之水準去到那？有什麼可以做呢？邊行邊學…………

王家爸爸

兒子學習圓號也純粹為興趣，無考級。

Sindy

zitaeric 發表於 14-6-16 10:12
多謝各位很好的經驗。

没考级，怎之水準去到那？

其實我可能有D冒犯... 希望你唔好介意... 回應你呢句, 其實唔知水準, 只係唔識既人唔知啫.. 因為鋼琴同小提琴我大概都知道, 所以我無呢個擔心, 佢彈到咩係幾級.. 我都清楚...有時, 香港的特殊環境, 所以父母總覺得要考到級, 先實在.. 心想一下, 果D大師級, 又怎可足夠用級數黎形容呢? 早已到九宵雲外...考級, 只係比人睇, 如果有咁既級數, 比識貨既人睇, 佢地一定會知能力的, 正如老師所說, 皇家張cert係無用的, 如果去考出名的音樂學校...

lillymarie

囝囝的老師一定要他考試，而且由三級起級級考。過去兩年每年考兩級！
第一張cert收到時好開心，但儲到現在真係覺得無乜特別意義。（為考學校就唔同講法）

不過，老師是每級都有加埋近50首的樂曲和練習曲，教哂囝囝後，才決定用邊幾首樂曲去考試。

我就鍾意臨考前前兩個月，老師認真去polish那幾首歌的時間。之前只是拉到首歌成形，學到某些技巧就算。預備考試歌就完全不同，執得好仔細好仔細，老師對囝囝要求好高。每次考試前我都會替囝囝錄影／錄音，因為是他拉得最好聽，最光輝的時刻。

考級只是一個過程，不是目的。我同囝囝講，如果他打算考完試後不再學的話，其實今天就可以停，是否考試對他毫無意義。

bebebe12345

zitaeric 發表於 14-6-16 10:12
多謝各位很好的經驗。

考級應該容易話比人地聽學生至少的水準，或多或少也同香港的教育制度掛勾，也没有好 ...

能否說一說孩子多大了,學了多久，是否跟私人老師單對單學！是否鋼琴＋其他樂器....甚麼樂器！
何以孩子一次也不想考！有否參加過學校音樂節的比賽？

zitaeric

原帖由 Sindy 於 14-06-16 發表
其實我可能有D冒犯... 希望你唔好介意... 回應你呢句, 其實唔知水準, 只係唔識既人唔知啫.. 因為鋼琴同小提 ...

你講得好啱，我真是吾識的，所以会在這裹請教他人。如果些家長没有学過那種樂器，最多只靠問老師等方法入手，我想我這種一般家長倒还不少……

zitaeric

原帖由 bebebe12345 於 14-06-16 發表
本帖最後由 bebebe12345 於 14-6-16 14:50 編輯

我小朋友初小，鋼琴加大提琴，他只說cello不想考，可能他聽了很多意見，有自已的想法。我則仍然在搜集意見，雖然不懂，但会就各方面找出合適的。謝謝

zitaeric

原帖由 lillymarie 於 14-06-16 發表
囝囝的老師一定要他考試，而且由三級起級級考。過去兩年每年考兩級！
第一張cert收到時好開心，但儲到現在 ...

你那位老師很盡責，難得……

ClaraC

經驗分享，考唔考試、參吾參加比賽、去唔去表演係視乎小朋友性格。
有小朋友需要考試先會緊張練琴，提升技術、音樂感、SightReading等能力。雖然準備考試期間好悶又好似無學過新野，但考完叫他們彈其他歌，會見到他們能力比考試前高左。
有小朋友唔鍾意考試表演比賽，叫他們去好似叫他們去死，但他們平時會練琴，要他們改善的地方都會做，我就隨他們發揮。
我平時都鼓勵小朋友參加校際比賽,尤其平時唔認真無耐性個D，借住比賽練好技術提升水平。考試就高小時先會考試，叫做升中多張證書（知係無用，只係人有我有心態）
但我自己彈琴唔會想考試，只會想點樣提升自己水準。