如何訓練和提升小一學生的中英文閱讀理解能力？

mypineapple

如題， 謝謝

stockmike

這裏十個有九個叫你睇書不操卷，包括小弟。但無論邊種方法，都不能即時提升理解能力。 我淨係可以話等佢開竅，急都無用。現在你只要保持佢學習的興趣及留意佢幾時開竅，一開你就俾相關的訓練機會佢。急不來， 我意件係 一二三 年級係培養基本功，學習態度，自理能力。分數排後，呈分個年先博殺。

MASAYA

先跳出閱讀，其實大家覺得自己小朋友既理解能力係點呢？日常生活好多識做既野，係跟人個方法去完成，定係明白點解要咁做？如果容許小朋友可以用自己既方法去做，我覺得佢地理解能力會較高

跳返入閱讀，大家都係睇五句字，有d小朋友隻隻字都識，都知字面意思，不過唔可以深入去理解文章既意思，有d可以想像到或思考到文章背後既意思

齋睇唔諗，其實冇思考自然理解較弱

simonwan

MASAYA 發表於 15-10-2 13:55
先跳出閱讀，其實大家覺得自己小朋友既理解能力係點呢？日常生活好多識做既野，係跟人個方法去完成，定係明 ...

這關係到一個人的深層次思考及抽象思維能力。小學還不太重要，但到中學及大學，以及以後的學習能力，一個人的思考深度，是取決於他掌握一種語文的深度。所以，母語教學對小學生，尤其是初小，是很重要。

palmchristy

與其只看書, 不如看完後, 問小朋友一些簡單的題目, 鼓勵佢在書中找答案, 不用靠記憶答, 反正考試時可以看著文章作答.

題目深淺你控制, 可看情況而定. 答得好, 自然要大大誇讚.

習慣成自然, 問得多, 小朋友自然會邊看邊理解同留意細節, 唔會睇完就算.

Jane1983

睇完書，問吓佢問題，睇吓佢係咪真係明，吾明就講解吓。有時小朋友睇完書，原來吾知意思的。

另外，暑假買本補充做吓，只是吾係話日日逼佢，都無壞。

HaYi

我覺得要快的可以做補充, 而"間下"常用的字, 因補充分級, 會同學校教的較同步 (如教前學校需要買高一級) , 反而看書之類太remote, 幾時先看到常用語, 用來惡補會太慢. 當然睇書一定是終極皇道, 好處不用多說.

S-Kwok

長遠講，當然係睇書，喺識字量同理解上一定比無閱讀習慣嘅小朋友多同深。

但我個人認為都要做吓練習，有些題目確係要理解完用自己嘅文字或要一些答題技巧，這些只係用以應付學校需要，所以適量便可。

睇書跟做練習嘅比例，約8:2，因人而已。

rean_chau

我做一年級時閱讀理解好差下，因為佢有少少讀障我揾左個中文老師針對性咁補習。每堂做三個練習就係揾出故事時間地點人物起原經過同結果，循住呢個方向反覆練習，再做埋選詞填充同問答。半年後見到成績。當然課外既閱讀不可少。

stockmike

昨日看到電視， 我聽到 betray 即刻解釋俾仔仔係 出賣， 佢答我知。我再問， 乜嘢叫出賣， 佢答我賣嘢俾人 我當然有再解釋。 但你話有啲嘢係唔係要等開竅？ 就算佢識晒啲字唔等於明，肯睇書亦然。我同意睇書後問他內容可幫助他了解，你也可藉以了解他的程度，昨適當跟進，但未必能幫到他顯著提升自動波理能解的能力。

mypineapple

最驚個仔見到篇文咁長，睇都唔睇就話唔識

Melody_BB

個人經驗，由淺入深，大量閲讀，加上家長解讀有效。

stockmike

先放開理解程度，愛閱讀的人起碼不怕看字，有趣就睇。無趣的而必須時都睇，總之就是不怕。

mypineapple

每天都盡量同孩子睇書， 有多字，亦有少字。佢讀一頁，我讀一頁

mypineapple

要孩子一個自己睇有啲難度，而家同佢一齊睇

stockmike

我明白的，因我細囡仍未能自讀，我用陪養哥哥同一朝似乎唔 work. 大家加油， 我只能說急不來，字都認唔到或發唔到音，點閱讀？ 閱讀唔到點理解？

mypineapple

而家盡量keep 住俾仔有興趣閱讀，記多啲字， 佢讀一頁我讀一頁

notcool

Can he read all the words but cannot 理解  or he can read only 50%? For P1, focus on reading aloud first.

It's good that 佢讀一頁我讀一頁. Reading out loud also increase his understanding.
During reading, ask questions, guess outcomes, summarizing the story.

mypineapple

昨晚仔仔第一次read aloud 英文生字， 佢好似幾鍾意。
我想問邊度有read aloud 的文章？