我想請問下你o地意見.thx

Angel^v^

f2生無心讀書，都係要我迫得好辛苦先讀下咁o個種學生，但我太固執的性格，點都要他在求學時間要讀書，(因我唔接受d人hea成條虫咁)我迫著之下，最近先有d肯做下作業，感覺他有d聽話，但預料考試都唔會太好成績。如勉強升上f3的話，(唔知係未我多憂慮)，總係直覺他追不上會自暴自棄咁，如留班對學生心理來講，唔知會唔會更想讀下去呢？thx.

worldpeace

既然佢依家肯用吓功讀書, 其實已經好好. 只要佢係學業方面有d d進步, 仲要係佢都覺得自己用功後, 成績叻叻左. 阿仔自然對讀書取回興趣, 你大可以同佢傾吓, 讀多一年只不過係因為之前未讀過, 所以讀多一次. 同睇戲一樣, 落左畫, 買番隻dvd, 一樣可以再睇番!
如果佢接受, 比免強升上一級會更容易適應. 你一定要貼身支持呀!

Angel^v^

原文章由 worldpeace 於 08-6-15 11:32 發表
既然佢依家肯用吓功讀書, 其實已經好好. 只要佢係學業方面有d d進步, 仲要係佢都覺得自己用功後, 成績叻叻左. 阿仔自然對讀書取回興趣, 你大可以同佢傾吓, 讀多一年只不過係因為之前未讀過, 所以讀多一次. 同睇戲一 ...

Worldpeace
多謝你嘅鼓勵與支持，我唔貪心+，只要個仔肯自動讀書，再唔使我憂心，我就心滿意足la。當然e二年我會貼身管住他。

[ 本文章最後由 Angel^v^ 於 08-6-16 10:50 編輯 ]

ngkwaiyee

原文章由 Angel^v^ 於 08-6-15 09:27 發表
f2生無心讀書，都係要我迫得好辛苦先讀下咁o個種學生，但我太固執的性格，點都要他在求學時間要讀書，(因我唔接受d人hea成條虫咁)我迫著之下，最近先有d肯做下作業，感覺他有d聽話，但預料考試都唔會太好成績。如勉強升上f3的話，(唔 ...

我仔仔今年中一,又係唔肯讀書,踢一踢連郁都唔想郁,
你個仔都仲叫得聽,我個仔上學期功課交左7-8成,下學期得5成添,
如果佢真係跟唔上,佢班主任都會要求佢留班,
你唔須要太擔心,如果佢升到你想佢留班讀好d,
佢可能仲大心理壓力,身邊既朋友都升班,自己一個要留班,
仲要同班細過自己一年既人一齊上堂,一齊玩,好似降左grade咁....
同佢傾多d,比d信心佢同自己,大家一齊努力呀))))))

Angel^v^

原文章由 ngkwaiyee 於 08-6-16 13:25 發表


我仔仔今年中一,又係唔肯讀書,踢一踢連郁都唔想郁,
你個仔都仲叫得聽,我個仔上學期功課交左7-8成,下學期得5成添,
如果佢真係跟唔上,佢班主任都會要求佢留班,
你唔須要太擔心,如果佢升到你想佢留班讀好d,
佢可能仲 ...

我o地身為家長真的唔好灰心，咁辛苦生d仔女出來，咁辛苦養到咁大，如何都要仔女向上走+，我o地一齊努力吧！唔好因疏忽放鬆，做成日後損失！
下午同呀仔溝通一會，佢真的像八歲小孩.... ！

judywan

原文章由 Angel^v^ 於 08-6-17 19:04 發表

我o地身為家長真的唔好灰心，咁辛苦生d仔女出來，咁辛苦養到咁大，如何都要仔女向上走+，我o地一齊努力吧！唔好因疏忽放鬆，做成日後損失！
下午同呀仔溝通一會，佢真的像八歲小孩.... ！ ...

完全一樣，我經常都係話佢最多似8歲。。。。

Angel^v^

原文章由 judywan 於 08-6-17 19:42 發表


完全一樣，我經常都係話佢最多似8歲。。。。

judywan
比著你~你比他留班，還是升班呢？
唔知有冇家長子女曾經留過班，e+讀得如何？好與懷可否分享下！

judywan

原文章由 Angel^v^ 於 08-6-19 17:30 發表

judywan
比著你~你比他留班，還是升班呢？
唔知有冇家長子女曾經留過班，e+讀得如何？好與懷可否分享下！

如果學校唔係一定要留班，我會讓他升班。除非小朋友自己願意留班。留班後成績大多數會中等。但再升班後成績唔一定會有提升。。。。。。

Angel^v^

原文章由 judywan 於 08-6-19 17:48 發表


如果學校唔係一定要留班，我會讓他升班。除非小朋友自己願意留班。留班後成績大多數會中等。但再升班後成績唔一定會有提升。。。。。。

我又一次同呀仔溝通留/升班問題，他同我講他有努力過，他唔想與朋友分離，但又想有更好成績！
我比他自選升/留，他表現好無奈的表情！
我只對他講，讀多一年只不過係因為之前未讀過, 所以讀多一次. 同睇戲一樣, 落左畫, 買番隻dvd, 一樣可以再睇番!
他好像明白似的，心情都平靜下來，接受似的答我，又不是轉校，同學仍可見面，只不過有d唔捨得班主任教的數學堂，怕被掉去d唔係讀書班，又被人蝦過。接著他問我，係唔係留班就可讀到中六+，我答要靠自己努力先得，壞份子都處有，要靠自己執生先得。後他接受，比自己多一次讀書機會，總算覺得個仔有d轉變！
現只餘下校方批唔批，我怕並不如我所想，命運總作弄我們！

judywan

每到臨歧，總是難決擇。留班又驚令小朋友失信心。升班又驚成績追唔上。如果你同小朋友考慮清楚都同意用多一年的話。咁就唔好諗第二樣喇。一同與小朋友努力吧。命運當然唔會一帆風順，見過有人好好運，每事總是順風順水，仔女又生性，自動自覺，連中小學抽獎都係第一志願。但呢D唔羨慕得咁多。只有努力做好本份，將來的事，任何人都唔會知，可能過兩年你小朋友先開竅呢。無論學校是否給與留班，盡自己力啦。

PCCW2319

原文章由 Angel^v^ 於 08-6-22 16:40 發表

我又一次同呀仔溝通留/升班問題，他同我講他有努力過，他唔想與朋友分離，但又想有更好成績！
我比他自選升/留，他表現好無奈的表情！
我只對他講，讀多一年只不過係因為之前未讀過, 所以讀多一次. 同睇戲一樣, 落左畫, 買番隻dv ...

如果阿仔表現好無奈,我會比佢升班. 因為佢自己都答應努力d, 做家長為有跟貼d, 表示同佢一齊努力, 支持佢. 而且係暑假同佢補番e+ 佢唔明d 課程, 將個底盡量打番好d.

因為轉校, 留班對小朋友既自信心有好大影響, 唔係你所話讀多一次, 睇多一次戲咁簡單, 因為面對既始終係佢自己.

而且佢要重新適應學校環境,老師,同學..............到頭來效果可能唔想像中咁好.

仲有係因為佢係重讀, 你就會expect佢成績比 e+好 , 你寄望相對大左, 佢壓力又大左.