16歲想去英國讀書,點解條路好似咁難實現?

Aoi

16歲成績麻麻想去英國讀書, AGENTS話現只可選1年GCSE但成績唔夠好難考入, 一係再遲少少去考A-LEVEL但就但就更難考入. 即係點??應該點行....?有無過來人可以分享下? 無言感激!!

ning673

我仔成績都麻麻地,所以今年過去續l年制GCSE

Aoi

謝謝回覆.
1年制GCSE入學試難考嗎? 還是個別學校? 有無咩學校可以建議下?

Mighty

不知是仔女自己想去、定父母之命？　畢竟１６歳了、如果不是自己想去、過得到去、都吾想讀、又吾開心。
如果自己想去、依家知道成績差、自己想想点補救、父母精神、物質上SUPPORT就可以。
仲有路行、又点算難呢？

brother4

貨比三間可，好似一年制有少數學校可修幾科。。。較集中容易考得好，上AL一般三科起，估一定有學校收。。

大細路

Aoi 發表於 17-7-2 11:56
16歲成績麻麻想去英國讀書, AGENTS話現只可選1年GCSE但成績唔夠好難考入, 一係再遲少少去考A-LEVEL但就但就 ...

考AL都唔係太難，我見我仔學校好多都係AL先過英國，如果自己唔太熟悉英國嘅學校 ，揾多幾個Agent 或者其中有人幫到手！

Band5

近年越來越多學生到英國升學，每個年齡層都有，我感覺反而係好多條路可行，有時家長係花多眼亂，好難選擇，但我見一般都係手持三四個以上嘅offer揀一個！

其實係乜嘢困難？會唔會係要求定得過高？始終到英國讀書唔係萬應良藥，未必能解決所有難題，亦不一定比留港讀書更優勝！只要將難題提出，呢度嘅網友多數可以幫忙！如果問題無法解決，亦可能要諗諗去英國讀書係咪可行或最佳嘅選擇！始終每人遇到嘅問題都唔同。

我兒子都係16歲，今年9月到英國讀Y12，由10月尾報名到12月頭交留位費，只有6個星期！但當中要考慮嘅問題絕對唔係少！

Aoi

回覆 Mighty 的帖子

我哋無比好多壓力仔,係佢自己想去,我只係儘力幫佢搵學校,但時間太緊迫,可以選擇的學校亦不多,遲一年去的話就只可以考AL,我只是想佢READY時可儘早去讀到GCSE

Aoi

回覆 大細路 的帖子

兩三個AGENTS都話如想考AL都要早一年即今年10月左右開始申請. 阿仔YEAR11都未考到, 幾個月後去申請AL??? 係咪有問題?? 請問你講的 "好多都係AL先過英國", 係讀到中幾或幾多歲左右? 謝謝

Aoi

回覆 Band5 的帖子

其實上年年尾都同仔討論過留校問題,當時佢唔太想去, 但最近就好期待. 唔試過唔會知道點發展, 機會唔係隨時有, 所以都想比佢試下, 不過暫時考咗兩間排名不高的但也還未得到OFFER, 時間越來越少, 是有啲心灰意冷...

3b

Aoi 發表於 17-7-3 02:16
回覆 Band5 的帖子

其實上年年尾都同仔討論過留校問題,當時佢唔太想去, 但最近就好期待. 唔試過唔會知道點 ...

你的小朋友準備何時去讀? 今年9月?

Band5

Aoi 發表於 17-7-3 02:16
回覆 Band5 的帖子

其實上年年尾都同仔討論過留校問題,當時佢唔太想去, 但最近就好期待. 唔試過唔會知道點 ...

我估Agent通常有經驗，除非家長特別要求，都唔會淨係介紹啲成功率唔高嘅學校，推介得嘅應該有啲把握（賺到佣金），否則只會將快到口嘅肥肉失掉！

未有offer可能只係學校這段時間較忙，未必需要於此時太心灰！

不過既然一家都有此期待，不妨搵多一兩個agent，稍稍降低要求（例如學校排名）再試多幾間。有offer後再作深入了解同選擇最佳嘅學校。即使全不合心水，仍可作為明年再嘗試嘅準備！不過可能需要快手了！Agent快開始專注DSE考生而學校亦開始放暑假了！

大細路

Aoi 發表於 17-7-3 02:01
回覆 大細路 的帖子

兩三個AGENTS都話如想考AL都要早一年即今年10月左右開始申請. 阿仔YEAR11都未考到, 幾 ...

以我所知係，如果讀完中五先過去讀AL,機會大過讀完中四就過去。最緊要係英文能力足夠支援學業須要 ，同埋學校會睇學生想讀咩科，這些應該是學校考慮嘅重要因素。這是我個人睇法。

hikozan

成績唔好，可能考到收的學校都係麻麻，要考慮清楚

Aoi

係想嚟緊9月去，如不成等放完假中五後2至3個月後就話要申請AL, 到時都未考過試，咪即是用返現在申請gcse的成績去考AL? 如也不成考返1年GCSE當repeat一年是否可行（2018入學就17歲）? 還是超齢始終要考foundation？因 agents話不建議讀foundation,最好讀gcse+AL，但以仔情況可能改去澳洲更好@_@

nintendo

Aoi 發表於 17-7-2 11:56
16歲成績麻麻想去英國讀書, AGENTS話現只可選1年GCSE但成績唔夠好難考入, 一係再遲少少去考A-LEVEL但就但就 ...

難唔難，看學生水平。
少聽 agent 會係咁話難，嚇走個客。
是否成績真係好差？
但即使差，應該可以當留班咁讀低一年卦。
但孩子和家長要明白，去英國不是仙丹，始終要反省一下為何成績差。
去英國是轉環境，記住，高中冇可能哈哈哈就有 A ，
到時一定要加倍努力，畢竟將會是全英語環境。

Mighty

賛成NINTENDO説的、畢竟將會是全英語環境、因楼主説成績麻麻、可以一過去就可応付？　讀低一年、当作従新開始又如何？
人生這様長、回頭再望、這一年也只是微塵。

angie_ma

回覆 Aoi 的帖子

我聽我agent講過有D英國中學會有3年AL課程, 其實係1年GCSE 同AL 之間另一個選擇. 你不妨問問你agent喎.

DKmum

angie_ma 發表於 17-7-7 17:23
回覆 Aoi 的帖子

我聽我agent講過有D英國中學會有3年AL課程, 其實係1年GCSE 同AL 之間另一個選擇. 你不妨 ...

3年ALevel?? 第一次聽！