考英國寄宿學校Sixth Form －問

Mtcoook

之前去agent查詢，agent話假如我仔中四選修科無Bio，(因學校競爭大，預計仔爭唔到Bio/Chem)，咁英國寄宿學校Sixth Form就多數唔比佢修Bio，所以叫佢Year 10就過去。

請問是否屬實？

iloveyoga

回覆 Mtcoook 的帖子

當然不是這樣，six form 入讀選修科目，最緊要係學校入學試，如果你個仔好想讀Bio, 叫佢自修 IGCSE Bio, 對入學試有幫助。不要盡信agent 說話。

Mtcoook

iloveyoga 發表於 23-7-14 23:43
回覆 Mtcoook 的帖子

當然不是這樣，six form 入讀選修科目，最緊要係學校入學試，如果你個仔好想讀Bio,  ...

好多謝你咁快覆我！我之前聽完就係半信半疑！我仔要2025年9月先16yrs，估計夠時間找補習老師自修IGCSE Bio。

我再請教，我在那(emoji)可以取得IGCSE Bio的教材及Syllabus？報考的方法是怎樣？

（知道我應自己上網check，但係哩度有時比上網更清楚，先謝謝(emoji)）

beastiebistro

Mtcoook 發表於 23-7-14 23:52
好多謝你咁快覆我！我之前聽完就係半信半疑！我仔要2025年9月先16yrs，估計夠時間找補習老師自修IGCSE Bio ...

去大間少少嘅書店（例如銅鑼灣商務總店、灣仔天地、或者中環book centre），有大量嘅iGCSE textbook，study guides，甚至past paper出售。

Mtcoook

beastiebistro 發表於 23-7-15 00:08
去大間少少嘅書店（例如銅鑼灣商務總店、灣仔天地、或者中環book centre），有大量嘅iGCSE textbook，study ...

多謝你們的解答(emoji)(emoji)

beastiebistro

Mtcoook 發表於 23-7-15 00:11
多謝你們的解答(emoji)(emoji)

agent嘅說話唔係全對亦唔算全錯，唔排除有少量學校真係會因為之前冇修而婉拒。不過重點係只要interview過關，而校本入學試（多數要考想報讀A level 嘅科目）又OK，就應該大部分學校都冇問題。

祝好運。

SIYip

agent 錯唔晒，如果可以，由year 10讀起，適應吓英國學習環境，考一次公開試，然後揀三科自己真正想讀嘅，再考A Level。唔好輕視英國考試嘅難度。兩年係好短嘅時間，英國學校假期又多，讀一年就考試，然後出predicted grade 申請大學，再幾個月就考試，其實係好搏。

Mtcoook

beastiebistro 發表於 23-7-15 00:16
agent嘅說話唔係全對亦唔算全錯，唔排除有少量學校真係會因為之前冇修而婉拒。不過重點係只要interview過關 ...

佢都係咁講！唔該晒你！(emoji)(emoji)

Mtcoook

SIYip 發表於 23-7-15 01:03
agent 錯唔晒，如果可以，由year 10讀起，適應吓英國學習環境，考一次公開試，然後揀三科自己真正想讀嘅， ...

唔該晒你！(emoji)(emoji)其實都係我嘅疑慮！香港讀都咁難，何況全部靠佢自己，又要適應新環境，點考大學呀？

yuyueng

可以既去讀Y10 最好啦，之前無讀BIO 但A Level 要讀比較難，PHY CHEM BIO Maths 多人報，我仔讀Y11 時，佢bio 有8，學校都話唔比佢Y12 讀Bio , 我估因為多人揀Bio 卦，當時無理佢因為已經搵咗學校轉校。好多學校要求學生起GCSE要有6或以上至比讀果科，其實就算GCSE 攞9，到A Level唔代表讀得輕鬆。

beastiebistro

Mtcoook 發表於 23-7-15 07:21
佢都係咁講！唔該晒你！(emoji)(emoji)

- 雖然有網友叫你過去讀Y10係好，不過我見你都講明25年9月足16歲，即係除非你今年9月突然過去，否則都入唔到Y10，所以唔係option喇。

- iGCSE教材可以買來自己學，為咗作為校本入學試嘅準備就OK喇，但係報考iGCSE就未必需要喇。一嚟佢唔會因為你有考就唔使你考校本入學試，二嚟你未考嘅時侯可能已經報緊學校（除非你諗住谷埋幾個月讀晒出年5月考），三嚟你萬一你考得唔特別好可能仲扣分添。

- 至於網友講嘅GCSE同A level程度相差亦係事實。GCSE相對容易，A level相對難好多。（我喺另外一帖都解釋過，因為一般英國學生GCSE都修起碼十科八科，有啲甚至12/13科，時間有限所以可想而知每科深入程度有限。但係去到A level，一般學生都係修三科，專注程度同深入程度爭好遠。有唔少人因為「以為」自己GCSE考得好所以揀某啲科，但係發現其實去到A level其實讀唔掂。）Having said that，Biology應該係三科science之中最少需要「概念」上嘅融會貫通，所以要自己追係相對比較容易嘅一科。

- 其實入sixth form揀科，真係應該一隻眼睇住大學想報嘅科目嚟揀。因為A level嘅選科絕對影響大學可以報咩科目，或者報唔到咩科目。所以想報喜歡嘅科目雖然冇錯，但係讀讀下先發現原來A level嘅combination搞到自己報唔到想報嘅大學學科就煩喇。例如你想讀medicine，其實唔使A level讀bio 喎，但係必須有chemistry 。但係讀bio medical science就需要bio + chem。咁其實讀chem會令大學選科空間闊啲喇，除非你諗住大學必定讀bio。

Anyway ，祝好運

Mtcoook

beastiebistro 發表於 23-7-15 10:06
- 雖然有網友叫你過去讀Y10係好，不過我見你都講明25年9月足16歲，即係除非你今年9月突然過去，否則都入唔 ...

你好呀！多謝你咁詳細的回覆！其實我－直有睇你其他帖文，真係好有用！

我仔成績其實數唔好，只係合格，文科會好些，但聽你講過話對大部份香港學生而言，AL文科比理科難，咁所以想選修埋Bio，將來大學選科闊d。

beastiebistro

Mtcoook 發表於 23-7-15 13:17
你好呀！多謝你咁詳細的回覆！其實我－直有睇你其他帖文，真係好有用！

我仔成績其實數唔好，只係合格， ...

唔使客氣呀。
係，文科係會比理科難，主要因為英文係first language，所以佢地expect學生係用英文嚟craft arguments。而香港當英文係second language咁教，基本程度已經有明顯分別。

都係嗰佢，報sixth form真係要連大學想/可以讀咩科一併考慮，否則以為先搞掂A level，到報大學嘅時侯可能又係棘住。

Mtcoook

yuyueng 發表於 23-7-15 09:20
可以既去讀Y10 最好啦，之前無讀BIO 但A Level 要讀比較難，PHY CHEM BIO Maths 多人報，我仔讀Y11 時，佢b ...

明白，文理科都各有難處！唔該晒你呀！(emoji)(emoji)

sumikogurashi

Mtcoook 發表於 23-7-15 14:55
明白，文理科都各有難處！唔該晒你呀！(emoji)(emoji)

都幾真，文理科各有難處，唔係數理類的人讀理科都係大鑊，文科人如果英文底好文筆好讀文科寫嘢叻又未必衰，但英文底一般讀文科就真係唔夠當地人寫，所以真係各有難處。唯有揀合適自己小朋友的科目。

好似我身邊一個朋友的兒子咁，香港過去英國讀a level 時揀全文科的科目，最後入咗心儀大學讀law, 都係修成正果的例子。

Mtcoook

sumikogurashi 發表於 23-7-15 15:09
本帖最後由 sumikogurashi 於 23-7-15 15:13 編輯

都幾真，文理科各有難處，唔係數理類的人讀理科都係 ...

對呀！不過似乎理科講天分多d，唔明就好難貫通到！希望始終AL比DSE少科d，可以專注去溫，唉！

Mtcoook

beastiebistro 發表於 23-7-15 10:06
- 雖然有網友叫你過去讀Y10係好，不過我見你都講明25年9月足16歲，即係除非你今年9月突然過去，否則都入唔 ...

其實agent話有機會仍有Y10位，依家等緊幾間學校覆，叫我預備9月去。我個心十五十六，如果有位就過去，唔好理咁多？？

beastiebistro

Mtcoook 發表於 23-7-15 15:20
其實agent話有機會仍有Y10位，依家等緊幾間學校覆，叫我預備9月去。我個心十五十六，如果有位就過去，唔好 ...

我諗幾樣嘢考慮：

1. 而家都仲有位嘅學校質素可想而知，你會唔會想讀？當然你都可以考完GCSE再轉校。

2. 究竟選擇有幾多，抑或你會唔理咁多合埋眼就去讀？（因為可能都冇得揀）

3. 其實去寄宿唔應該係為咗避開香港考試，係因為想接受更好教育，亦想海闊眼界，多接觸其他地方嘅人同事。如果求其一間學校都去，萬一係寄宿比例低嘅學校，每日撞口撞面都係香港／中國人，有冇意思？

當然，如果真係咁好彩而家都有好嘅寄宿學校收，梗係仆倒去。但係機會唔大喇，咁點解要成全個agent，等佢可以白白收錢呢？

sumikogurashi

Mtcoook 發表於 23-7-15 15:15
對呀！不過似乎理科講天分多d，唔明就好難貫通到！希望始終AL比DSE少科d，可以專注去溫，唉！
...

好覺得係，理科講天分多，唔明的確貫通唔到，操又操唔到，我自己以前讀書也是，對physics , math 完全搞唔掂，叫我讀理科等如找死。

另外你提及agent 話Y10 有機會9 月有位，我好同意樓上資深會員的分享，睇吓係乜學校先，唔係有位就去，講真呢個時侯好學校大多已冇位，仲有位嘅都要睇清楚係乜，其實到AL 先過去都唔係真係咁驚或擔心，大把人都係咁，好好準備入學試，sixth form 入到好學校的機會係有㗎。

Mtcoook

beastiebistro 發表於 23-7-15 15:42
我諗幾樣嘢考慮：

1. 而家都仲有位嘅學校質素可想而知，你會唔會想讀？當然你都可以考完GCSE再轉校。

多謝指點呀！其實個agent都係話即使少機會都試下問，睇吓有無咁好彩仍有學校有位，而佢又考到啦！