評估報告要等6-9個月,點算好?

小肥mama

囡囡現在1歲10個月，上個月去健康院做評估,醫生評估她有學習遲緩,我多口問擔心她有自閉症,醫生先至話其實有d似係,不過怕父母接受唔到先唔講，因為點都要去尤德度做評估先至確診她是什麼問題。
但前日去尤德做完評估後要等6-9個月才有報告,到時己2歲半,我怕唔讀兼收位會錯過訓練她的黃金時間,但私家醫生評估要$7-8000,十分貴,各位媽媽,你地既經驗覺得等唔等好?我會照幫亞囡報playgroup&學前班,等兼收位分別大唔大?
其實亞囡最大問題係：
1.叫佢名唔會應,唔望人,只有唱歌仔就實望過黎笑
2.未識講野(對住想食既野識講食食,其他都係外星話)
3.唔聽指令
4.唔會手指指,要既野直接攞

但叫做比較好的是冇太大情緒問題,都會成日笑,唔怕陌生(不論環境及人),會同其他小朋友玩,尤其鍾意追追逐逐,但其他玩既野就唔太特別同其他小朋友有交流,同埋大小肌一定冇問題,根據你地既經驗,亞囡嚴唔嚴重呢?

owl_2046

未夠2歲, 不如報D playgroup 比佢試下佢底.
當一大群差唔多歲數小朋友一齊玩同一樣野, 當你個女真係"與眾不同"的話, 而你經濟許可, 就要搵下私人s位比佢讀住先, 越細個訓練越好.

原帖由 小肥mama 於 10-5-7 02:47 發表
囡囡現在1歲10個月，上個月去健康院做評估,醫生評估她有學習遲緩,我多口問擔心她有自閉症,醫生先至話其實有d似係,不過怕父母接受唔到先唔講，因為點都要去尤德度做評估先至確診她是什麼問題。
但前日去尤德做完評估後要 ...

muimui5

我囡囡1yr10mth時的表現同你囡囡好似，她在2yr2mth被CAC医生classify做自閉傾向，Nov09排期越區I位，好彩今年派到，可以3yr時開學，但專注同語言一定要 “執”才會跟得上。

我估你上次在CAC是見姑娘，6-9mth後見医生。未足兩歲健康院肯安排CAC同医生，姑娘先前應已唔認BB的問題几明顯。So…想回頭，我認為找私家評估(可以幫你排幼兒服務果Ｄ)是值得的，因為早排期，適齢有位的機富會大啲；早半年入I位，即可省半年幼兒導師/私人S位的錢，或早一點拿了報告找社工申請傷殘津貼；條數喺番度。

我囡囡也返過普通Playgroup 同普通Pre-nursery，但果D老師同幼兒訓練導師差好遠，幫唔到乜。如每月可用$2000 - $3000，就算未見CAC医生都上住幼兒導師訓練先，train佢望人、互動係要盡快；如prefer Playgroup就去幼兒訓練導師run 的 “朗研社” (Creative Power)、協康、基督教服務處之類。若你不用返工，讀7月 “努力試”課程，然之後自己train佢。

若考到Pre-nursery再諗啦。仲要留意仔仔有冇感统問題(囡囡就係)，如果有，一般playgroup或幼兒園係唔識攪

小肥mama

講到我個囡係咪'與眾不同',其實佢有返緊主日學,當大家坐定定時佢多數周圍'巡視業務',走來來去睇環境及自己鍾意攞咩就攞黎玩,完全唔理老師叫佢做d咩,叫做好既係有d細路由上堂喊到落堂佢就冇,冇情緒問題嘛,所以d導師都成日話佢冇咩問題架,只係我知道佢係有d唔同。
咁係咪6-9個月之後只係見多次醫生而唔係出報告?
我老公今日搵過1個做home base 訓練既同學,佢又認為咁細個做咁多評估作用唔大,建議做home base訓練重要d,於是o拿o拿淋約左下星期,要$450一粒鐘,不過而家都重係15/16,唔知做唔做私家醫生評估好
其實我要返工的,但都想問'努力試'係d咩課程?

anan3388

想排政府服務快既, 試下去 step 啦, 找幼兒導師評o個隻, 你上網找下個電話找去問, 記得問埋轉介既詳情同埋收費 (當時我格價後呢間係最平又有得轉介既)

唔好等啦, 因為政府服務都排一二年 ga~ 越細開始越好, 同意細個做評估唔準, 所以個心態係, 做評估為排服務, 入左條隊先, 若到時唔駛用梗係好啦, 若要用, 快 d 等小朋友有 service 好 d

同埋私人訓練係一定要上(若想用少 d $ 就上少d, 但必要上 lor), 早 d train 效果好 d ga!

加油~

[ 本帖最後由 anan3388 於 10-5-10 15:32 編輯 ]

muimui5

anan3388在6# 講好清楚啦，快D入隊排政府服務！

"努力試"係Christian辦的自閉兒家庭支援機構，BK 特殊教育forum 有个post介紹7月有個8 x half day的家長裝備課程，click入云去睇~。