自身經歷 - 被踢出校,請不要灰心

esprincess

自強不息，才有出色。

原文章由 LittleRoxie 於 08-8-5 03:46 發表
自身經歷 - 被踢出校,請不要灰心
我路過此地, 身見有這麽多中學, 踢學生出校
才在這裡分享自己的經歷
我是在 93 年被寶血女子中學踢出校(成績欠佳)
當年我和我媽媽苦苦相求(郭及關修女), 她們也不肯給我留下
首先我 ...

ivy媽

好同意你既講法.
當年小兒都係某九龍名校生, f.2跟唔上被趕出校, 我都係同佢到處搵學校, 結果搵到一間band3學校就讀.當時都好驚佢學壞, 唯有多的關心佢啦...
到今年佢已經F.6喇, 依家唸返上呢,其實擔心都係多餘, 無論名校同band3學校都係咁讀jar, 關鍵係父母要多的關心仔女...
寄語比其他父母, 其實中學不同於小學, 小學階段主要幫佢搵個可以愉快學習既地方, 快快樂樂過完小學生活就可以, 但中學就好唔同,呢一段時間係青少年成長階段, 除左學業成績外,最重要學習做人態度, 加上好多時需要面對不同困難, 而呢的亦係佢地成長既歷練,唔想佢地係溫室度長大,就要比佢地積極去面對, 當然作為家長都需要從旁協助同鼓勵, 比多的關心佢地啦, 唔好一味自怨自艾

hkbaby68

c430

原文章由 ha8mo 於 08-8-7 00:15 發表
好彩佢踢你出校
俾左動力你去向上咋

一個人向上嘅動力，主要係出於自覺，並非因被人踢出校而來，我相信樓主就算不被踢出校，只要成績繼續下滑，遲早也會自覺發奮向上的。樓主嘅POST主要係鼓勵一些被踢出校的學生不要放棄，而她一定相信，人經過鼓勵，向上嘅機會一定大過被罰(被踢出校)的。
不過香港很多家長都會有妳的想法，否則那會有這麽多學校踢學生出校呀！人係自私嘅！

aymama

原文章由 Charlotte_mom 於 08-8-6 13:13 發表
我細佬都試過俾人踢出校, 黃竹坑果間"大白鯊" (想當年好鬼鐘意踢人出校的)
當年我細佬原因係成日遲到
我仲記得當年我父母點去同佢撲學校, 私校又要搵, 誇區又要搵, 又去教育署搵人幫手(當然佢地都話唔關佢 ...

請問他中學畢業後有無進修, 或讀一些專業課程呢? 謝謝分享!

波子

原文章由 Charlotte_mom 於 08-8-7 17:20 發表
我細佬攪攪下, 應該係去左明愛讀f4,5的, 會考都係得幾分咁大把
佢出黎做過電腦sales, 跟住又轉左去做傢私sales, 呵! 唔好睇少佢wor, 可能oral英文比較好啦(真係唔知點解), 又醒目, 老闆覺得佢幫到手lor
所以話呢, 人 ...

好的英語能力在工作上係好重要.

c430

原文章由 ha8mo 於 08-8-8 09:52 發表
你再諗真佢兩哩句講乜啦

「當年沒有被踢出校的同班同學, 只有小數能入讀大學
就算考上大學,也只是嶺南, 浸會呀….」

好明顯樓主話就算當年留下，也只是入嶺南, 浸會等次等大學，確有慶幸立時發奮圖強之意，但這等於是當年學校踢佢出校之意圖嗎？若是真的，樓主應和你一樣鼓吹學校踢學生出校，那會出post鼓勵被踢出校的學生不要灰心。

好彩佢踢你出校
俾左動力你去向上咋


試問多年來被踢出校的學生有幾多像樓主一樣的結果呢？我們真的要慶幸”好彩”學校踢學生出校？

Carrie媽

原文章由 c430 於 08-8-8 13:10 發表


試問多年來被踢出校的學生有幾多像樓主一樣的結果呢？我們真的要慶幸”好彩”學校踢學生出校？

同意, 這不是 "Bonus" , 唔應該係 "好彩"。

ivy媽

其實睇樓主呢篇文章重反映到一個問題:究竟自強不息係咪要迫出黎架呢?
假如佢冇被趕出校, 會唔會好愉快咁完成左佢ge中學生活, 然後出社會做個普通文員算數呢?
樓主ge經歷我唔清楚, 不過小兒就一定會, 繼續留係之前間學校都係包尾大班, 冇動力學習, 求其讀完中五算數

c430

歷史係吾會重新來過，一切只能以已知的資料作推斷，樓主能入讀世界排名八＋名之內的大學，她的潛質無可懷疑，當日若學校以愛心、耐性教導她，她成為該校有史以來的十優生也未可預料，我說是學校走了宝至真。事實名校之為名校，主要是靠學生嘅質素維持，與教學法無多大関係，因此樓主就算”不好彩”也未必要入你所謂嘅” 廁等大學讀屎片”。
踢學生出校始終係學校嘅負面政策，它根本無可能令人有向上嘅動力，樓主已講得很清楚：”當年我和我媽媽苦苦相求(郭及關修女), 她們也不肯給我留下”” 而最後, 我轉到另一間中學, 二年後便到外國升學，最後我在加拿大的公開試成績考得不錯”她的動力來源來自對她不離不棄嘅媽媽呀！而不是踢她出校嘅學校呀！
若某人之女兒無心向學，教極吾聽，最終被懷人誘騙賣淫，幸被警察救出，再得社會人士幫助，最後學業有成，成一社會楝樑。你會”好彩”她被懷人誘騙賣淫嗎？
若是！咁我真係恭喜妳嘞！

ananda

踢走一個壞份子，其他同學的家長都會高興，問題應從學校整體利益著眼。
壤份子有日風生水起，可能亦只係佢家山發一陣。

diddle

原文章由 LittleRoxie 於 08-8-5 03:46 發表
而最後, 我轉到另一間中學, 二年後便到外國升學
最後我在加拿大的公開試成績考得不錯
..

LittleRoxie,

可否分享一下轉捩點在哪裏? 原因在哪?
是因為以前懶散,之後發憤圖強?
抑或外國的教育比香港的更能提高你的学習興趣,或那裏教學法使你更吸收?

謝!

c430

原文章由 ananda 於 08-8-9 14:08 發表
踢走一個壞份子，其他同學的家長都會高興，問題應從學校整體利益著眼。
壤份子有日風生水起，可能亦只係佢家山發一陣。

妳呢Ｄ未就係女兒偶然考試失手，( 尤其係公開試 ) 就會說出佢係壞份子，吾死都無用嘅家長囉，妳甚至乎踢佢出家門，恐嚇吾比飯佢食添，不過，我相信天下無不愛子女嘅父母，妳咁講都係從家族整體利益著眼，想比上升動力佢啫！而且妳嘅家族成員都會高興，就算佢仍未醒悟，都希望外間嘅真正壞份子幫到手。唉！我希望妳家女兒考試永遠名列前茅，否則…….唯有恭喜妳好好彩，早日五代同堂，家山吾好發一陣陣啦！

[ 本文章最後由 c430 於 08-8-10 06:32 編輯 ]