英國選校-數學本科-金融行業

cmath

請問，如果想在倫敦或者香港從事金融行業的工作（分析、量化或其他），數學專業畢業生的前景如何？

如何在以下大學的BSc數學相關專業選擇？Warwick Math, Imperial Math, UCL Math, LSE Math and data science?

Thanks!

ANChan59

cmath 發表於 25-5-9 21:51
請問，如果想在倫敦或者香港從事金融行業的工作（分析、量化或其他），數學專業畢業生的前景如何？

如何 ...

我未必可以完全答到你所有疑問，但可以分享一下我兒子的個人經驗。

為什麼不選Maths + Finance？

首先先講英國倫敦，兒子一個同事係LSE 數學加金融，first hon，入四大Valuation, Modelling and Economics division。能力非常強，學嘢快，但不喜歡埋堆，升級所以略慢一年。LSE，入職專業係有利嘅，如果有ICL，UCL會更好，可能也有其他選擇。VME要數底好，他們有用Al programming做初步分析，如果懂得係有入職優勢。

他的同事四年經驗，用了三年左右考完CFA，現在處理緊Chartership。同時間也有不少headhunter 搵他，係IBank，PE fund，fintech 公司，如果以數學底來講，機會及前景比香港好。

香港如果純讀數學，可能過唔到HR，除非做大行或者公司有經驗及想diversity。如果入到職，同事多數不是數底強，懂得選擇Division 較多用這方面能力係有優勢。人工算中上，四大起薪點最低，但頭幾年加得多升得快，但香港工時一定長好多，倫敦會較輕鬆。

考唔考專業試係好個人取向，我就鼓勵嘅！

cmath

回覆 ANChan59 的帖子


多謝回復和經驗分享！

Maths + Finance類似香港的QFin？當然是好專業，尤其在香港，是高分神科。反而是純數，在香港因爲入學門檻稍低，所以在HR心目中可能低一個級別。

不過我個人覺得，數學基礎打扎實一點，對長遠的發展會有好處。金融特別是QFin方向，以後可能變成一種應用數學。

傳統金融，志在入職IBD，可能需要主修經濟金融？但市況慘淡，好似無硬核技術，容易被裁員取代。不知是否錯覺？

LSE看來很强，而且同Fin的交叉可能更多，ICL/UCL更好嗎？

不確定性多，有待行一步看一步。希望香港經濟繁榮，好揾工。皆大歡喜。

ANChan59

cmath 發表於 25-5-18 17:57
回覆 ANChan59 的帖子

多謝你的回覆及補充資料。

QFin 係傾向Applied Maths。

如果留在英國做金融，STEM學科純數及工程係反而有利入金融。

兒子老細係數學加電腦博士，去到一些複雜或者冇乜先例嘅model，他們係用數學基礎砌出嚟。幾個partners 都係工程學歷做financial services。


香港經濟金融就大家心中有數，無謂講得咁清楚。

ICL，UCL比LSE學科全面些，知名度輕微高少少，但經濟金融政治，LSE好有江湖地位。