有沒有人20分入到

ryoho

20分機會一半一半

ryoho

不過不失，求穩陣的話，先揀無妨

ryoho

原帖由 doggle 於 14-11-25 發表
我都想知。

功課幾多，尤其係上到三年級程分試時，同埋比起以前(二，三十年前)，多左好多啲要家長一齊參與做的功課，啲乜乜級風手冊，體育手冊，電腦課手冊，少啲時間都唔掂

ryoho

原帖由 baby_sasa 於 14-12-02 發表
回覆 ryoho 的帖子

多謝你的資料!

的確係比以前的協和，教學方面係多完化左，但實質成效可以提升到幾多，睇翻呢幾年的中學派位結果，只可以講係普普通通，可能學生的水平有些差距比較大，呢個係津校的死症，因為收咩學生唔輪到學校揀

另外要留意的係，二年班開始會轉普教中，學生要用另一種語言去上堂，對於土生土長的香港人家長，未必懂普通話，想跟功課會有些問題。另外用普通話學中文，會否真的能提升中文水平，現今社會亦有不同睇法，甚至擔心只會學了一些大陸北方不倫不類的土話，並不是中文，這些也是考慮因素

ryoho

所謂普教中是大趨勢，我想這說法只能適用於津校或官校，因為它們受政府資助，變相要遵從和執行政府政策。如果你有留意新聞，一些傳統直資名校或私校，就以協和隔離山頭嗰間為例，該校校長都覺得不需要用普通話教中文才能提升中文水平。

我舉一個實質例子，有一次造句，我教我小朋友用。。。。為什麼。。。。，但老師批改回來話錯，應該用。。。。幹什麼。。。。，我就真是不敢苟同，學咁多年中文，"為什麼"已是正確的書面語，我甚至認為"幹什麼"，"幹啥"這所所謂普通話講法，只是一些北方人慣用的口語而已，但現在竟然變身為中文正確用法，我就的確對呢種教中文方法十分擔心。

至於你講新移民問題，我出席個幾次家長會，我目測大概有三份一媽咪是新移民，而你問新移民對普教中有冇優勢我就真係唔敢話有，反而大家對管教小朋友的分歧就絕對有，所以每班三十幾個小朋友當中，不論操行或成績都會好參差不齊，但我諗呢個情況，以現今香港咁多雙非，單非嬰兒，可能間間學校都差唔多