畢業了

JadeW

小兒在救世軍快要畢業了，很高興在這裡認識到一班熱愛孩子的家長、關愛學生的老師。在此三年間，小孩真的長大了，受老師的影響，性格上亦改善了很多。學業上，小孩一直在愉快的環境下學習，熱愛學習、喜歡閱讀，勇於表達發發問，在老師的教導再加自己的努力下，亦順利考入了直資，亦很相信可以接軌小學的程度。希望各家長都有一個愉快暑假，迎接新的挑戰！

rubyplk

vanillaq

想問你考到那間直資,因檐心幼稚園課程較淺難考直資?

fineday

Congrats pls Chenck pm.

JadeW

課程跟有學券的學校差不多，沒有太淺。但肯定不比冇學券的學校深。但上津小一般都冇問題。大多家長都有給子女不同的補習或課外活動。重點是培養品格、學習興趣、自信及自理能力。

vanillaq

小朋友上學大多開心嗎？

JadeW

很開心！大多都主動活潑！

vanillaq

想問n2有幾多人？

JadeW

N2約60人, n1約12人

vanillaq

No one apply this school？

ChuS

近日收到通知荃灣救世軍幼兒園收我個仔9月讀N2 (即係K1), 但我個仔本身已在聖文嘉幼兒園讀了n1 (am class), 9月升K1 (am class), 都吾知原校升好抑或轉去救世軍讀好,

十五十六吾知讀邊間好

JadeW

你覺得點為之好呢? 你自己培養小朋友既重點想放係邊? 會吾會考直資?定係大抽獎?

ChuS

無打算考直資小學, 都係等小學統一派位, 我想個仔品德好, 但又怕返全日太辛苦, 容易病, 救世軍校園環境清潔嗎? 每級兩班 (N2-N4), 每班成30人, 好似老師比例1:15, 老師顧吾顧到咁多小朋友架, 另方面細仔8月尾出世, 怕大仔又要面對細佬出世的沖擊兼轉校對新環境適應, 但一想到放棄吾讀救世軍又好似好可惜咁, 十分苦惱

JadeW

回復 ChuS 的帖子

救世軍品德培育好, 環境清潔, 但你預左番幼稚園係會多左病, 因為有咁多小朋友會互相傳染。而下午會係學校訓教嫁, 所以全日班吾會辛苦左! 老師好好既, 會幫你留意小朋友既情緒, 會同你反應佢情況。 我細仔出世時, 老師仲有特登係學校同佢講細佬妹要出世有關的故事, 叫小朋友分享做哥哥姊姊既好處添, 所以會幫你一齊處理, 我覺得好好。

ChuS

上次問救世軍老師, 佢話N2無外藉老師上英文堂, 真的嗎? 咁學校有無聘請外藉老師及普通話老師教授小朋友呢? 有人話讀幼兒園的小朋友學術水平(中,英,數)一定比讀幼稚園的小朋友差, 真的嗎? 另我想問你的細仔現在也在救世軍幼兒園讀書嗎?

JadeW

回復 ChuS 的帖子

學校有 外藉英語老師, 一周上一至兩堂左右, 我要問我仔仔先知有幾多堂, 但肯定有. 而國語老師, 學校有位在校的國語老師, 讀音很純正的, 一周應該也是上一至兩堂左右。

至於學術方面, 我會說比學券的學校都差不多, 如果要跟沒學券的幼稚園比較的話, 就肯定是淺了。學校k3即n4教完的課程簡單說明如下:

中文: 單字, 筆劃, 部首, 寫短句, k3下學期開始寫周記。
英文: 教完單字及2個英文字母合拼的常見拼音即blending, 單字, 寫短句, 簡單句子
數學: 長短, 大小, 輕重, 立體形狀, 教完1-100, 有教1000, 10000的概念, 1-20 內加減數, 等

希望令你多點了解!

因細仔七月出世, 佢排吾到n1, 會等n2先知能否讀到.  現時, 已報了另一間幼稚園讀n班, 如果n2=k1有位, 應該都會讀番救世軍. 我大仔當時是讀迦南n班的, 也是n2才轉入救世軍就讀.

ChuS

另我想知午睡完, 小朋友係學校有乜野做ka? 有無時間表可以比我睇下

JadeW

回復 ChuS 的帖子

冇固定時間表既, 印象中大致會係咁:

8-9:00 食早餐時間 (早回校可食/在家吃完都可) 吃完/不吃早餐 可玩 學校的桌面玩具/做圖工/看圖書/做早上功課
9:00 - 9:30 早禱時間 以及 故事時間 (家長可回校 做故事爸媽, 分享故事予班中同學)
9:30 - 上早課( 包括 中/英/數/普通話/音樂/外籍英語課/圖工/大肌肉訓練/小肌肉訓練/自理學習等) (分組上課 - 好似老師以程度/學習進度安排, 變成每科每堂都可能會有吾同既小組成員, 上課組別聽老師講解, 其他小組會安排先做其他活動 如圖工, 寫字/畫線等)
中間會有排洗
好似約11:30 吃中午反
12:30 午睡
2:30 起床、排洗
之後係 茶點、講故事看圖書、做課堂功課、重溫教授課程內容、借圖書等。
4:30 放學