Delete

iababy

Delete

tychow

本帖最後由 tychow 於 18-1-3 21:21 編輯

SC discipline 好好的，小朋友懂幾時可玩，幾時要乖，收放自如

SC 大把人講野叻，你唔駛擔心你孩子太叻

iababy

Delete

sala222

我可以分享下自己小朋友經歷。我小朋友講野非常叻，可以不停講的那種。K1老師好正面，覺得係好事，鼓勵大家表達多一點。上到K2，老師要求說話時先舉手，同埋適當時候才説話。我覺得合理，因為上小學要有規矩。至於有冇太活潑同學，so far我小朋友未被其他同學弄受傷。佢反而因為冇排隊玩滑梯，仲撞到同學，比老師話，要同同學道歉。又有一次，上堂同幾個同學將老師教材刻意整亂，被老師罰坐一邊冇得玩。有時說話沒有禮貌，亦被老師教導作改善。其實我小朋友係一名乖孩子，這幾次事件老師都會告訴我，等我留意一下。我唔覺得學校管教太鬆。

iababy

Delete

edniebridge

SC一定唔會係你口中無王管或太鬆的學校。唔係無規矩的，小朋友都要有禮貌同聽老師話。有咩事老師會打電話同家長講。唔覺有人打交。

小朋友會慢慢warm up到，咁應該都唔會有你擔心的問題。

iababy

Delete

ensy

首先你要明白，SC係大校，真係乜人都有！老師有嚴有鬆，睇你彩數，大部分都唔會管得太嚴(尤其K1)，但一上K2，要有心理準備所有嘢都會提高要求，包括學術＋紀律。

大細b問題其實唔存在，你讀落就知係能力丶性格大於年齡。有d細b可以叻過大佢成年嘅大b！

至於考神校呢... 我覺得學校功勞只佔一小部分吧！唔好誤會，我覺得SC非常好，但一日返三個鐘學，中間仲要排洗丶茶點丶music room、playground... 無可能只靠學校啩... 家長自己點跟點教都好重要！況且神校口味獨特，收唔收都好睇小朋友本身性格。

其他直私競爭亦非常激烈，幾百人一間學校肯定唔會個個考到。唔好神化幼稚園，入SC都要努力準備。其實SC唔淺，跟到足都唔輕鬆，但返學的確好開心，小朋友大都活潑自信。

sala222

iababy 發表於 18-1-3 23:23
本帖最後由 iababy 於 18-1-3 23:39 編輯

好多謝你咁詳細的分享！聽完安心好多！我覺得咁樣既管教好合 ...

反而呢個問題我答唔到你，因為小孩現正K2，未經歷考小。我選SC絕對沒有因為想入神小，大家亦唔好因為咁而選，間間都有人0 offer。選擇SC，因為我認同學校理念，我覺得小孩有小聰明、學習能力高，希望有更大空間發揮，唔想局限學術。我覺得學術可以自己教，冇時間可以外補，但創意思維、自信同解難就好難教。長遠一點，將來出來工作，很多高層都係充滿自信、具解難技巧，有良好溝通能力。眼光短一點，如果可以遇到問題自己想方法解決，亦減少鑽入牛角尖機會。我當然都想子女成材，但唔希望小朋友只係一個成績好的讀書機械。做小池大魚永遠舒服過做大池小魚。

iababy

ensy 發表於 18-1-4 00:10
首先你要明白，SC係大校，真係乜人都有！老師有嚴有鬆，睇你彩數，大部分都唔會管得太嚴(尤其K1)，但一上K2 ...

Thanks for your reply.

iababy

Delete

creambun

iababy 發表於 18-1-3 18:16
其實都應該會揀SC架啦, 但心中有以下疑慮, 希望SC 用家可以解答/分享一下:

小兒係屋企時就好活潑開朗, 成 ...

SC 每班好動和文靜的學生都有。另外班中由超大到細B都有，比例都算平均。學校給學生幾大自由到，不過都會鬧和罰過分行為。程度會由K1至K3時慢慢收緊。K3較嚴，為適應小一生活作凖備。

SC 課程其實深淺適中，足應付大部分學校小一課程。神津都ok, 至於SPCC, Dgjs 哪些就不清楚了。認識的朋友考直私都有offer, 有一位雖只有一私小offer, 但叩門階段有4-5個offer. 有些小朋友不習慣活動形式的面試，但叩門主攻學術時即得心應手。

放心，讀SC不會令你後悔。

am621

SC紀律一啲都唔差

小兒把口停不了
自理能力差
K1開學不願返學
唔講學校野

兩個月時間
我都唔知SC有咩魔法
而家令佢日日想返學
放學自發要求做功課
英文普通話都能聽懂同好肯去講

由頑皮仔無朋友到同我地講學校好多朋友

始終幾十年學校屹立不倒
總有原因

am621

有一日送返學
K1仔
佢自律洗手
帶領去班房
中途經過playground
若喺公園已衝咗埋去
但佢竟然講: 無老師喺度係唔玩得嘅

好多細微之處可見sc常規要求係頗嚴謹

momotaro

SC每班其實係well mixed的，除了PN真係有個別一兩班細班係比較多細B之外，去到K已經每班咩月份嘅同學都有，月齡差別去到K亦都真係唔會顯眼，即使同學年紀相差成年，大家都好玩得埋，所謂嘅細B揀得入黎進度亦唔會有咩問題。除了月齡，同學性格也是well mixed的，雖然相當多SC學生好talk得，但其實文靜類型嘅學生亦都唔少，肯定的是學校唔會太鬆冇紀律，好同意樓上講D學生其實係收放自如，玩時玩、乖時乖，就算多咀都會有分寸。

至於考小，我仔而家才K2所以暫時冇咩實戰心得分享，不過好同意樓上講就算係讀任何一間K，都唔可能全靠學校裝備個小朋友上戰場，家庭配合一定好重要。SC happy得來課程適中，而其實同一個課程小朋友上完三個鐘之後家庭在後續時間如何配合係非常重要。我自己有一排同阿仔每日溫習，有一排因為工作忙夜返屋企所以阿仔通常係自己做完功課就算，一陣子之後再複習就會見到兩段時期學習的成效完全唔同，hea過嗰排都係交足功課，同樣上堂應付到進度，但之後就會發現印象唔夠深刻牢固。可想而知唔可能有學校設計一個「神級」課程出黎就個個學生讀完都成龍成鳳，有好offer甚或神offer的小朋友和家長背後一定有好多付出。同理，「零offer」亦未必三言兩語可以定性係咩一回事，有家長有好好嘅津小夠分自行入，咁直私就只挑戰神校，最後「零offer」佢又唔當係好大件事。有家長入唔到最心儀嗰幾間又會同人謙稱「零offer」。又有小朋友如上文所言考直私可能真係唔慣面試形式而「零offer」，但叩門又得咗，所以真係好難一概而論。

宇晴

sala222 發表於 18-1-4 00:15
反而呢個問題我答唔到你，因為小孩現正K2，未經歷考小。我選SC絕對沒有因為想入神小，大家亦唔好因為咁而 ...

好有道理

iababy

Delete

iababy

Delete

iababy

Delete

HaYi

我2個都sc畢業，细的似你仔較靜，中仔，班可能有跟下月份，冇好細的，3年打亂都只覺有一兩個10月後的.從冇受傷打交.

我2個都考到一些热門或深程度直私，羣組有几個神校，冇人零offer. 扣入名津反而有.