好的幼稚園老師難求!

yanniekanpy

近日... 發現呀仔學校既老師.. 連我個仔係邊個都未知.. 半年?? 唉~~~~~

hellosunb

唔係嘛?! 我諗你呀仔的老師一定是年青的那一代了。是班主任定抑或是其它老師?

原帖由 yanniekanpy 於 10-4-29 01:29 發表
近日... 發現呀仔學校既老師.. 連我個仔係邊個都未知.. 半年?? 唉~~~~~

pollybell

真係可遇不可求架,我小朋友遇過一個真係好關心學生,當自己仔既好老師,又遇過一些教完就收工既老師,乜都唔理賴你明唔明,識乜唔識乜都一無所知.好睇老師自己既個人操守架,當一份咁打,包唔包用心關心,見人見智,遇倒真係要感恩,出心既老師難求.

yiuemma

唔好話「好」的老師，宜家啲老師真係好恐佈。以為擺個仔係幼稚園好安全，點知個老師係出面帶啲麻煩俾學校。

個人操守真係盪然無存，搞到我地失晒信心。

原帖由 pollybell 於 10-4-29 12:06 發表
真係可遇不可求架,我小朋友遇過一個真係好關心學生,當自己仔既好老師,又遇過一些教完就收工既老師,乜都唔理賴你明唔明,識乜唔識乜都一無所知.好睇老師自己既個人操守架,當一份咁打,包唔包用心關心,見人見智,遇倒真係 ...

MGO

我同事個仔讀宏福幼稚園k3,我見佢媽咪就超滿意. 成日贊個班主任黎老師囉. 話佢真係好用心咁教D細路,起碼升小一的輔導做得好好, 佢個仔唔驚要面對新朋友新老師囉.

不過間學校佢就覺得行政制度唔多掂. D嘢好似無計劃, D主題好遲先講,家長想跟都跟得好辛苦. D老師評寫學生D估報告一個學期都5,6份又相片又文字咁多,水蛇春咁長. 諗都諗到喇1班廿個仔, 3個月X5份X20個仔. D時間浪費晒, 不如簡化報告用CLICK表格方式加一,兩句評語. 年終先整份詳細評估報告喇.D相咪學期尾燒隻碟留為紀念仲好喇.留番多D時間預備教材. 仲有意思同早D計劃定主題仲好喇.

onlytoyou

幼師經政府大力鼓勵完成文憑課程前，好多有十幾年經驗嘅老師，都走得就走，可以轉行就轉行，我就係其中一個。新一代老師...無錯係中七..完成文憑，但並無經驗。幼師係對人嘅工作，經常要變反應要快，經驗比任何都重要，因為小朋友手腳快轉數快，如果無經驗...你唔知佢想點，根本同唔到佢建位關係，咁又點同家長溝通得好呢？要有好嘅老師，可能要等多十年八年，等新新一代明白幼兒嘅意義，先再會出現。

MGO

嘩! 咁都好大鑊!

onlytoyou

政府喺2012年前要所有在幼稚園或幼兒園任教嘅所有老師必須擁有文憑資格，即係話2012年之後先係最大鑊，所有有經驗但有取不到學歷嘅老師都要榮休，所以我已經轉做幫幼稚園學生補習，雖然我都讀緊文憑，但我唔想再教幼稚園啦！因為對政府太失望啦...我寧願辛苦啲，上門一對二、一對四咁專心咁去教，比真正嘅從遊戲中學習比我啲學生。