保良局金卿vs九龍靈糧堂

lili1010

兩間有offer你地會點揀？

lym718

我覺得課程唔爭得遠，不過保良局叫做大機構，多D聯校活動，感覺上多D資源，雖然對升保良局旗下冇幫助
九龍靈糧同其他靈糧冇關係，
所以我會睇埋邊間比較近屋企、學校環境、學費同書簿雜費再決定

wcm991101

lili1010 發表於 18-12-20 10:58
兩間有offer你地會點揀？

金卿重學術，傳統式教學，校長有機會寫推薦信去錦泰小學

九靈開心學習，冇乜功課

你要睇你自己小朋友性格同自己希唔希望佢讀保良局小學

wcm991101

lili1010 發表於 18-12-20 10:58
兩間有offer你地會點揀？

比你參考: 我有朋友讀金卿，佢係細b來，讀k1覺得好辛苦，跟唔上已經轉校去活動教學既學校

askachu

wcm991101 發表於 18-12-20 13:40
比你參考: 我有朋友讀金卿，佢係細b來，讀k1覺得好辛苦，跟唔上已經轉校去活動教學既學校
...

反而我會睇小朋友資質。有啲大b都唔一定係醒！細b醒嘅都見唔少
傳統教學有好有壞，但生活響香港就一定無得舒服。既然如此我寧願比細路辛苦左先。費事升小一時更加辛苦

wcm991101

askachu 發表於 18-12-20 13:50
反而我會睇小朋友資質。有啲大b都唔一定係醒！細b醒嘅都見唔少
傳統教學有好有壞，但生活響香港就一定無得 ...

要睇小朋友性格，細b都有適合傳統式教學，但我不同意因為要適應小學，就要小朋友提早辛苦既理論，係本末倒置既，每個小朋友都應該享有一個開心快樂既童年，幼稚園就要學小學既野，小學因為要適應中學就要學中學既野。。。我反而覺得幼稚園係最親子了解相處最黃金既時期，明知自己小朋友唔適合，而過份谷只會令佢討厭學習

KeroMa

兩間學校既character好唔同，其實好容易揀
金卿比較上重學術，而且好多人都話第時升小，讀保良局既可請校長寫信，好似點都多一個優勢

靈糧堂賣Happy ，功課較小，活動式教學為主，所以睇你自己小朋友既性格膈埋家長你想比咩教育你小朋友就應該知點揀

另外一問：兩間都是am嗎？
返學時間同交通時間其實都可以列入考慮點

tingtingruby

wcm991101 發表於 18-12-20 16:18
要睇小朋友性格，細b都有適合傳統式教學，但我不同意因為要適應小學，就要小朋友提早辛苦既理論，係本末倒 ...

好同意

wcm991101

tingtingruby 發表於 18-12-21 14:51
好同意

宜家太多家長都覺得唔想小學辛苦，幼稚園就要辛苦，但點解唔諗下，小學點都要辛苦，人生流流長，幼稚園點解要不停谷到小學水平?

再者活動教學唔等於學唔到野，只係唔係填鴨式咁學習，比較樂趣同少抄寫，其實宜家香港既家長平均學歷都有中5以上，何必將所有教學責任都交晒比老師，學校開心學習，加上家長每日1~2小時既輔導/閱讀圖書，我覺得小朋友都會有明顯既進步

幼稚園考慮除左小朋友性格，還有係咪龍校，同你目標係津小定私小，將來想小朋友點，經濟能力等等。。。沒有贏在起跑線，只有贏在終點前

蔣沁宜

但我想討論一下

有些家長希望小孩讀快樂幼稚園愉快成長，但又怕上小學追唔上，於星期六日額外給小孩補課，這樣是不是有點茅盾？

如果我讓小孩幼稚園的功課跟貼一點小學，假期由家長自己帶小朋友去玩，唔駛為升小補課，咁樣邊樣開心啲呢？

wcm991101

蔣沁宜 發表於 18-12-21 15:24
但我想討論一下

有些家長希望小孩讀快樂幼稚園愉快成長，但又怕上小學追唔上，於星期六日額外給小孩補課， ...

睇目標係什麼，如果目標係私小，讀happy school係唔補唔得，因為唔補你係入讀機會好細，而happy school起碼果3小時你都會開心，如玩下滑梯咁，唱下歌，角色扮演

當然每星期既親子活動最好要有，外補既都可以抽1小時去野餐去探索去玩，有d家長係上下午讀2間幼稚園讀完再去興趣班，星期六日都係興趣班0公園，親子時間圍繞著既就係講興趣班教左d咩。。。

tingtingruby

wcm991101 發表於 18-12-21 15:17
本帖最後由 wcm991101 於 18-12-21 15:20 編輯

宜家太多家長都覺得唔想小學辛苦，幼稚園就要辛苦，但點 ...

心聲
揀得happy school就係想小朋友愉快成長，我自己從來無諗過要比自己小朋友再補咩課幼稚園你想佢地學到咩記到咩人生係佢地，我地家長只係輔助，開開心心快快樂樂咁過佢地既童年就已經好足夠當然哩d只係我個人既諗法啦

lili1010

KeroMa 發表於 18-12-21 13:52
兩間學校既character好唔同，其實好容易揀
金卿比較上重學術，而且好多人都話第時升小，讀保良局既可請校長 ...

兩間都pm

wcm991101

tingtingruby 發表於 18-12-21 15:44
心聲
揀得happy school就係想小朋友愉快成長，我自己從來無諗過要比自己小朋友再補咩課幼稚 ...

同意 就算外補我k2都係補下個女音樂同游水，冇補學術性既野，音樂壓力大可以彈下減下壓，游水如果有日掉左落水都起碼識游番上來 ，同鍛鍊身體

christy2011

之前有家長講過金卿收好多big6學生

小儀皇后

wcm991101 發表於 18-12-21 15:17
本帖最後由 wcm991101 於 18-12-21 15:20 編輯

宜家太多家長都覺得唔想小學辛苦，幼稚園就要辛苦，但點 ...

你講得太好。
為左小學而推早到幼稚園去谷,簡直係本末倒置。
我大女,現小學,三年幼稚園生活裡面,無學過學術課程,上到小學都可以靠之前打好左既底,完全銜接到。
我係寧願happy school,父母間唔中伴讀,講下課外知識,好過星期一至五既三個鐘都係上一d谷少少既課程。
不過咁,如果小學target直私,就係讀名幼啦,target津小就happy school,  以我自己為例,對保小無興趣,我就唔會讀保記幼稚園了。

wcm991101

christy2011 發表於 18-12-22 19:32
之前有家長講過金卿收好多big6學生

其實名幼都有big6,係香港係無處不在的，避唔到咁多，只係2間係唔同教學理念，做家長係要諗邊個岩小朋友性格去讀，同埋自己目標係點

wcm991101

小儀皇后 發表於 18-12-23 12:09
你講得太好。
為左小學而推早到幼稚園去谷,簡直係本末倒置。
我大女,現小學,三年幼稚園生活裡面,無學過學 ...

我返教會既時候，有個jm分享過佢仔仔既成長，令我非常深刻

幼稚園老師話你仔仔上堂唔坐定定，成日唔專心上堂，我覺得需要帶你仔仔去評估

個媽媽回到家，個心實一實，非常唔開心，就同仔仔講:今日老師話你進步左，比之前坐定左，由原本只可以坐定定5分鐘，宜家可以坐到7分鐘，媽媽相信你，只要你努力一定可以破紀錄坐到多過7分鐘

小學老師: 你仔仔計數計極都錯，我覺得你有需要去評估下你仔仔既智商!

媽媽回到家個心又實一實，非常唔開心，就同仔仔講: 老師今日同媽媽講，你計數有機會超越你隔離位（全級頭10），只要你再細心d，就可以做得更好

wcm991101

小儀皇后 發表於 18-12-23 12:09
你講得太好。
為左小學而推早到幼稚園去谷,簡直係本末倒置。
我大女,現小學,三年幼稚園生活裡面,無學過學 ...

中學老師: 你仔仔各方面成績都唔達標，咁樣好難升班，有升唔到中4既危機

媽媽個心又實一實，就同仔仔講: 老師今日同媽媽傾計，話你好努力讀書，但還差少少就可以達標，媽媽希望你再努力讀埋上去

最後仔仔順利升上大學，佢仔仔當日同佢媽媽講: 我可以順利入到大學，全世界人放棄我既時候，係因為媽媽你一直支持我，不斷鼓勵我，我先有咁既動力去考每一次試，感謝你冇將我同其他人比較，冇因為我成績唔理想而罵我，我愛你媽媽

lokkayung

靈糧