英皇校慶 CY悶到同學仔瞓着

elbar

特首梁振英噚日出席母校英皇書院90周年校慶頒獎典禮（圖），太太梁唐青儀、同埋曾自比「白宮發言人」嘅新聞統籌專員馮煒光都有陪佢去。雖然近日社會好多爭議，但梁振英全日都無回應傳媒提問。入到母校門口嗰陣，梁振英喺紀念冊簽名，馮煒光即刻衝前，不斷用相機幫佢影相，似特首御用攝影師多過「白宮發言人」喎。


喺成個頒獎典禮期間，學校保安勁嚴密，校外唔同地方都有軍裝、便衣警員守候。根據典禮場刊，梁振英除咗上台頒獎之外，仲用英文同學生致辭。典禮完結之後，一班學生、家長同八方講，完全唔知特首講咗啲乜，皆因好唔想聽佢講嘢，仲有人話，梁振英講嘢好悶，令到佢瞓着咗喎！




李八方