k1 3yrs 4mths 開始講大話,有何對策?

余魚媽

順口開河, 眼都唔眨.
例子:
當日上完畫班, ma ma放工問: 頭先有 無畫畫呀?
答:無呀.

有何對策?

A-Mum

會唔會唔係講大話？樓主講嘅例子，小朋友無 gain 喎。
有時小朋友時間觀念未成熟，隔耐咗或瞓醒晏覺就當係第二日都唔奇。

小曳人

包唔包括要同恐龍仔結婚呀？！


btw, 我嗰個都係亂噏嘢嘅，我會同佢講，有就有~ 無就無，我地唔會亂講嘢架！

TKma2010

我果個仲衰，明明聽住佢＂呠呠呠＂放屁，問佢係咪放屁屁，佢眼都唔眨，話＂無呀，係咪你呀，媽媽？＂ 激死！唔知點教！

cckidsmm

我個細女都有呢d情形,為有不停同佢講小朋友要講真說話先啱.可能有d用掛.

ccling69

首先, 你們問的問題, 小朋友是否唔係好明或明知故問? 頭先即係幾時? 小朋友太細未有時間觀念, 同埋可以問下佢點解咁答你, 再解釋一下講事實的目的, 點解媽媽要知道事情的真相.

Christi

同意.

對小朋友嚟講,[頭先],乜嚟架?
我都問過一個3yrs妹妹,你今朝食咗乜野早餐?佢答:豬扒.笑死我.之後佢媽媽話,佢最鍾意食豬扒,今朝佢係食面包.於是我明白[今朝]呢個term佢未理解得到.而[早餐]就是a kind of eating,於是佢答我食咗豬扒.

所以未必係刻意講大話,只係佢地有佢地條channel,我地有我地條channel.

原帖由 ccling69 於 11-4-29 14:04 發表
首先, 你們問的問題, 小朋友是否唔係好明或明知故問? 頭先即係幾時? 小朋友太細未有時間觀念, 同埋可以問下佢點解咁答你, 再解釋一下講事實的目的, 點解媽媽要知道事情的真相. ...

Christi

又例如,我有個朋友同佢個囡囡(未夠3yrs)講,如果你乖,我會畀啲時間你再玩既(當時佢囡玩緊玩具).佢囡就問佢,乜野係[時間]丫?於是我朋友又明白,原來囡囡將[我會畀啲時間你玩]呢句=[我會畀啲玩具你玩]咁去理解.搞到我朋友唔識答佢乜野係時間.

魚兒小寶貝

我囝囝五月滿3歲, 佢同大家既小朋友都差唔多, 對自己做過既事有時認有時唔認, 問佢點解, 佢又淨係識答"係呀!" 或轉移話題, 我又唔覺得佢係刻意"講大話"既.

我覺得有陣時可能係佢未有時間觀念, 有陣時佢亦會記錯人物, 時間, 地點...

我亦睇過一本育兒書, 講幼兒普遍唔承認自己做過"壞事", 因為佢地唔認為自己係"壞孩子"! (哈! 好可愛!)

所以, 現階段唔駛咁緊張, 佢並唔係好似我地d大人咁"講大話眼都唔斬!" 既. hahaha... 我諗佢地再大個d, 時間觀念好d, 而且經你好好既灌輸同引導, 漸漸會識分辨架喇!

coupcoup

通常佢地未太理解問題, 著重字眼而答問題, 所以佢地會答左D唔關係既野都唔出奇, 答D佢地識既野都唔出奇, 大大下就會明白問題多一D, 答中POINT多一D

佢地係無心講大話的, 亦都未必知道你唔在場就唔知道