想比個女學芭蕾舞，但朋友話第時對小腿會好粗

imgood

係唔係真係會粗呢？怕影響佢成世有對粗腳，有冇人分享下啊？

hongk

一周一次，沒什麼影響，除非高強度訓練。跳舞是我家囡最沒有壓力的活動，就是去玩玩而已。有人因為考級，要一周跳兩次。我覺得沒什麼意思，一周一次就好。

monsterparentss

唔關事的，有朋友由細跳到大，都唔粗。粗大本身關乎本身肌肉骨架發唔發達嘅問題。你睇好多舞者腳都唔粗，仲好幼tim。芭蕾舞好好，姿勢好優雅，如果有心學，女孩子嘅身體fighter會靚好多。如果我有個囡，我一定要佢學，可惜我個係囝。試過叫佢學，佢唔肯。

siushuk

原帖由 imgood 於 15-01-21 發表
係唔係真係會粗呢？怕影響佢成世有對粗腳，有冇人分享下啊？

有人話會變八字腳行路，唔多優雅....

HauMiranda

其實學每一樣野，都有利弊，例如游水，會令身體橫；學體操會受傷；踢足球會扭親，甚至出街都有機會俾車撞。腳粗唔係咁大件事嘛，如果真心喜歡芭蕾舞，就算跳到腳粗都唔會介意；如果真心想跳好芭蕾舞，就算一星期跳兩堂跳到腳粗都唔會介意！

cowmoon

你有時間可以帶囡囡去看看港芭的演出，看看職業舞者的 figure，她們是朝九晚五的訓練...，也可以讓囡囡看看她喜歡否。